I Samuẹl 12:19 - Edo Bible (E Baibol Ẹdo) Version 1996
19 Iran keghi tama e Samuẹl wẹẹ, “Dọmọ ọ, lahọ na erhunmwu ghe e Nọyaẹnmwa ne i ma, ne ima ghẹ wulo. Ma ru orukhọ ba orukhọ nekpa hia ne ima na nọọn ne a rhie ọba ne ima.”
Sokpan, banbanna na nian, rhie okhuo nii werriegbe gie ọdọ ẹre. Akhasẹ rẹn khin, ọ gha na erhunmwu nuẹn ne u ghẹ wu. Sokpan, a deghẹ u ma rhie ẹre nẹẹn, I tama ruẹn yotọ nian wẹ te u wu, ke uwẹ kevbe ẹgbẹe ruẹ hia.”
Banbanna nian, mu ẹmila ihinrọn kevbe ogho ihinrọn giẹ Job, ne uwe ẹre ya ẹe zọ ese ne egbe uwa. E Job gha na erhunmwu ne uwa, I gha vbe họn urhu ẹre, I i ghi ra vbe ru uwa vbene ọ te ma uwa. Wa ma ta ẹmwẹ ẹmwata vbe ekpa mwẹ zẹ vbene irẹn ru.”
Banbanna nian, lahọ ya orukhọ mwẹ bọ mwẹ uhukpa na ne uwa na erhunmwu ghe Nọyaẹnmwa ne Osanobua uwa ne ọ mu irriaikhi ne ọ gbe ọmwa uhunmwu na hin mwẹ egbe rre.”
Ẹdẹ ghi gbe, e Mosis keghi tama emwa nii wẹẹ, “Orukhọ ne ọ muohan ọre uwa ru. Banbanna nian, I ra hin uhunmwu oke bu e Nọyaẹnmwa gha khian, u gha ghe I gha sẹtin rinmwian ẹn ne ọ ya orukhọ uwa bọ uwa.”
Ẹre Nọyaẹnmwa na tama mwẹ wẹẹ, “Ọ gha khọnrẹn ne a miẹn wẹ e Mosis kevbe Samuẹl ọ re ọ mudia vbe emwa na gha rinmwian mwẹ, I i sẹtin tohan emwa na hiehiere. Wẹ ne iran ladian, wẹ ne iran kpao hin odaro mwẹ rre.
Adeghẹ akhasẹ ọ re iran gele khin, adeghẹ mẹ gie iran uhunmwu, wẹ ne iran do nọ imẹ ne Nọyaẹnmwa ne Oghodua, ne I ghẹ gie a viọ avbe emwiewe ne ọ ghi kẹe vbe Ọgua Osa kevbe ẹguae ọba gha rrie Babilọn.”
E Zedekaia keghi giee Jehukal ne ovbi e Sielemia kevbe Zẹfanaia ne ovbi Maaseia wẹ ne ọ do tama mwẹ ne I na erhunmwu ghe Nọyaẹnmwa Osanobua ne ẹvbo mwa.
iran tama mwẹ wẹẹ, “Lahọ u ghi ru vbene ima tama ruẹn. Na erhunmwu ghe Nọyaẹnmwa Osanobua mwa ne ima. Na erhunmwu ne ima ni miẹn uhunmwu. Ma te ka wa bun yi, u gha miẹn nian wẹ ima ibozẹghẹ ọ re ọ ghi kẹe.
Emwa ni keghi bu e Mosis gha dee, iran tama rẹn wẹẹ, “Ma ru orukhọ ne ima na gha filo unu gie Nọyaẹnmwa kevbe uwẹ. Banbanna nian, na erhunmwu ghe Nọyaẹnmwa ne ọ viọ avbe ẹyẹn kpao.” Ẹre Mosis na na erhunmwu ne emwa nii.
A deghẹ orhiọnkpa mu ọtiọnrẹn vbe ọ ru orukhọ ne ẹ i si uwu, wẹ ne ọ na erhunmwu ghe Osanobua, ne ọ gha rhie arrọọ nẹẹn. Ọghe iran ne orukhọ iran i re ne ọ si uwu ọre a kha. Sokpan orukhọ ne ọ si uwu rrọọ. I ma wẹ ne uwa na erhunmwu ghe Osanobua ye ọnii.
Uyunmwu ọ re a ye na, ra ẹ i re erriọ? I gha na erhunmwu, e Nọyaẹnmwa ghi gie avan nukhunmwu kevbe amẹ rre. Wa ghẹ ghi miẹn ọẹn, wa ghi do rẹn wẹ, orukhọ nọkhua ọ re uwa ru ghe Nọyaẹnmwa vbe uwa nọ rẹn wẹ ne ọ rhie ọba ne uwa.”
E Samuẹl ke wanniẹn wẹẹ, “Wa ghẹ fian afianma, a gha rhe miẹn wẹẹ wa ru emwi dan vberriọ, wa ghẹ fi iyeke gbe Nọyaẹnmwa, sokpan, wa gha ga ẹe kekhọe kekhọe uwa hia.
Zẹ vbe ọghomwẹ, awua ne Osanobua wẹẹ, te imẹ ghi da obọ erhunmwu ne a na ne uwa yi, ne imẹ ya la ekpa ọnii rukhọ ghe ẹre. Ne ọ gha na te gha ye vberriọ, I gha ma uwa emwi ne ọ kere ke ne ọ gbae ne uwa gha ru.