I Samuẹl 12:18 - Edo Bible (E Baibol Ẹdo) Version 1996

¹⁸ Ẹre Samuẹl na na erhunmwu, vbe ẹdẹ nẹdẹrriọ zẹẹ, e Nọyaẹnmwa keghi gie amẹ kevbe avan nukhunmwu rre.

I Samuẹl 12:18 ပူးပေါင်းရင်းမြစ်များ

I Ọba 18:42

Ehab ghi khian ya rri evbare, Elaija keghi hin uhunmwu Oke Kamẹl, ọ na vbokho egbe rriotọ vbene uhunmwu ẹnrẹn na gha rre akharha ẹre vbe igbọn.

Ẹzra 10:9

Vbe uwu ikpẹdẹ eha nii, vbe ikpẹdẹ ugie ọghe uki ne ogihinrin, emwa hia ni rre otọe Juda kevbe Bẹnjamin kegha die Jerusalẹm, iran keghi do si egbe koko vbe ore Ọgua Osa, amẹ keghi wa gha da ẹsẹse, rhunmwuda ne ẹdẹ ma na rra nii, kevbe rhunmwuda ne ọ na re iko kpataki, emwa hia kegha guọ zẹzẹzẹ.

Job 37:13

Osanobua giẹ amẹ ne ọ do gbe khakha otọ, ọ sẹtin giee ne ọ do rri emwa oya, ra ne ọ do ru iran ẹse.

Psalm 99:6

Ohẹn ọnrẹn ọ re Mosis kevbe Errọn gha khin, e Samuẹl kevbe re ọmwa, ne ọ gha na erhunmwu ghe ẹre; iran kpe tie Nọyaẹnmwa.

Ẹksọdọs 14:31

Ivbi Izrẹl ghi miẹn obọ ẹtin nọkhua ne Nọyaẹnmwa ya mu ivbi Igipt, iran kegha mu ohẹn e Nọyaẹnmwa, iran na mu ẹtin yan e Nọyaẹnmwa, rẹn kevbe Mosis ne ọguọmwadia ẹre.

Jọsua 10:12

Vbe ẹdẹ ne Nọyaẹnmwa rhie ne ivbi Izrẹl ne iran khọnmiotọ, vbe uhunmwu ivbi Amọri, e Jọsua keghi gu e Nọyaẹnmwa guan, ọ keghi sirra ivbi Izrẹl hia tae wẹẹ, “Owẹn, mudia hii yan Gibiọn, uki, mudia vbe odukhunmwu Iya Aijalọn.”

Jọsua 4:14

Emwi ne Nọyaẹnmwa ru ẹdẹrriọ keghi ya ivbi Izrẹl gha rhie ọghọ ne Jọsua zẹ vbe okpọmwa. Iran kegha ya ọghọ ne ẹẹn vbe ẹdẹ agbọn rẹn hia, zẹ vbene iran vbe gha ya ọghọ ne Mosis.