I Samuẹl 12:17 - Edo Bible (E Baibol Ẹdo) Version 1996

¹⁷ Uyunmwu ọ re a ye na, ra ẹ i re erriọ? I gha na erhunmwu, e Nọyaẹnmwa ghi gie avan nukhunmwu kevbe amẹ rre. Wa ghẹ ghi miẹn ọẹn, wa ghi do rẹn wẹ, orukhọ nọkhua ọ re uwa ru ghe Nọyaẹnmwa vbe uwa nọ rẹn wẹ ne ọ rhie ọba ne uwa.”

I Samuẹl 12:17 ပူးပေါင်းရင်းမြစ်များ

Psalm 99:6

Ohẹn ọnrẹn ọ re Mosis kevbe Errọn gha khin, e Samuẹl kevbe re ọmwa, ne ọ gha na erhunmwu ghe ẹre; iran kpe tie Nọyaẹnmwa.

Ẹksọdọs 32:30

Ẹdẹ ghi gbe, e Mosis keghi tama emwa nii wẹẹ, “Orukhọ ne ọ muohan ọre uwa ru. Banbanna nian, I ra hin uhunmwu oke bu e Nọyaẹnmwa gha khian, u gha ghe I gha sẹtin rinmwian ẹn ne ọ ya orukhọ uwa bọ uwa.”

Itan 26:1

Urhomwẹ ne a rho akpa, te a mu ẹẹn rhia zẹ vbe esia vbe ẹghẹ uyunmwu ra amẹ ne ọ rhọ vbe ẹghẹ emwiorhọ.

Jerimaia 15:1

Ẹre Nọyaẹnmwa na tama mwẹ wẹẹ, “Ọ gha khọnrẹn ne a miẹn wẹ e Mosis kevbe Samuẹl ọ re ọ mudia vbe emwa na gha rinmwian mwẹ, I i sẹtin tohan emwa na hiehiere. Wẹ ne iran ladian, wẹ ne iran kpao hin odaro mwẹ rre.

Jọsua 10:12

Vbe ẹdẹ ne Nọyaẹnmwa rhie ne ivbi Izrẹl ne iran khọnmiotọ, vbe uhunmwu ivbi Amọri, e Jọsua keghi gu e Nọyaẹnmwa guan, ọ keghi sirra ivbi Izrẹl hia tae wẹẹ, “Owẹn, mudia hii yan Gibiọn, uki, mudia vbe odukhunmwu Iya Aijalọn.”

I Samuẹl 12:13

“Ma gualọ ọba ne ọ gha khaemwisẹ yan ima. Banbanna nian wa ghe ọba ne uwa zẹe, wa ọ re ọ nọ rẹn, e Nọyaẹnmwa vbe rhie irẹn ne uwa nẹ.

I Samuẹl 12:19

Iran keghi tama e Samuẹl wẹẹ, “Dọmọ ọ, lahọ na erhunmwu ghe e Nọyaẹnmwa ne i ma, ne ima ghẹ wulo. Ma ru orukhọ ba orukhọ nekpa hia ne ima na nọọn ne a rhie ọba ne ima.”

I Samuẹl 2:10

A gha fuẹn eghian e Nọyaẹnmwa, ọ gha van yan iran ke ẹrinmwi rre, e Nọyaẹnmwa gha bu ohiẹn agbọn; ọ gha rhie ẹtin ne ọba ẹre, ọ gha rhie akhọnmiotọ ne ọba ne ọ hannọ zẹ.”

I Samuẹl 7:5

Ẹre Samuẹl na tie ivbi Izrẹl hia ne iran do miẹn egbe vbe Mizpa, ọ keghi tama iran wẹẹ, “I gha na erhunmwu ghe e Nọyaẹnmwa ne uwa vbe evba.”

I Samuẹl 8:6

Ẹko e Samuẹl ma rhiẹnrhiẹn ye ne iran na nọ ọba na, ọ keghi rhunmwuda ọnii na erhunmwu ghe Nọyaẹnmwa.

I Samuẹl 8:7

E Nọyaẹnmwa keghi tama rẹn wẹẹ, “Danmwehọ ẹmwẹ ne iran rhirhi tama ruẹn, ẹ i re uwẹ ọ re iran he, mẹ ọ re iran he zẹ vbe ọba iran.