I Samuẹl 12:15 - Edo Bible (E Baibol Ẹdo) Version 1996

¹⁵ A i gha miẹn ighẹ wa ma họn ẹmwẹ e Nọyaẹnmwa, wa na gha rra uhi ẹre, ọ gha mu aro nọkhọ da uwa kevbe ọba uwa.

I Samuẹl 12:15 ပူးပေါင်းရင်းမြစ်များ

II Krọnikol 15:2

Ọ na bu Asa ne ọba gha khian. Ọ keghi datie ẹre wẹẹ, “Asa ne ọba, kevbe avbe uwa hia ni rre Juda kevbe Bẹnjamin, wa danmwehọ mwẹ. Ẹghẹ hia ne uwa mudia ke Nọyaẹnmwa la, e Nọyaẹnmwa gha vbe mudia ke uwa, a dẹghe wa gualọ ẹe, ọ gha ya egbe ne uwa miẹn, sokpan, dẹghe wa werriegbe, rẹn gha vbe he uwa ye otọ.

Aizaia 1:20

sokpan, u gha yagha mwẹ, uhunmwu ọ re u ya khiẹ ọre, mẹ ne Nọyaẹnmwa ọre ọ tae.”

Aizaia 3:11

Sokpan, ọghe avbe emwa dan fo nẹ. Emwi ne iran ka ru emwa ọvbehe re, ọ re a ghi ra vbe ru iran re na.

Eve Orriara 1:18

“Sokpan, emwi ne ọ khẹke ọ re Nọyaẹnmwa ru, rhunmwuda mẹ ọ re ọ yan ẹẹn zẹ. Wa danmwehọ mwẹ, emwa ni rre ehe hia wa ghe mwẹ vbe uwu obalọ ne I ye. A viọ avbe igbama kevbe avbe uvbi mwẹ oghunmwu gha rrie.

Diuteronomi 31:27

I rẹn vbene iran ze vbe udu sẹ hẹ kevbe ne iran na vbe sọtẹ. A deghẹ iran sọtẹ ghe Nọyaẹnmwa vbe imẹ rre agbọn, I gha wu nẹ, evba iran ra na sọtẹ sẹ.

Jọsua 24:20

Deghẹ wa fi iyeke gbe e Nọyaẹnmwa, wa na ya gha gho avbe ẹbọ ọvbehe, ọ gha mu aro da uwa, ọ ghi rri uwa oya. ọ gha fuẹn uwa a, a gha rhe miẹn wẹ ọ ka gha maa ne uwa de yi.”

Giọgis 2:15

Ẹghẹ hia ne iran ya yo okuo, e Nọyaẹnmwa ghi mu aro ne ọ khọ da iran zẹ vbe ne ọ tama iran zẹ wẹ rẹn gha ru. Iran keghi do gha rre uwu ọlọghọmwa nọkhua.

I Samuẹl 12:9

Sokpan, iran keghi mianmian e Nọyaẹnmwa ne Osanobua iran, rẹn keghi gie Siseria ne ọkaokuo ivbi iyokuo ẹvbo ne a tie ẹre Hazọ, ivbi e Filistin kevbe ọba Moab gu iran gbinna kevbe ne ọ khọn iran muotọ.

I Samuẹl 5:9

Sokpan, ọ ghi sẹ evba e Nọyaẹnmwa keghi rri ẹvbo ni oya ọ keghi fian otighi fi iran egbe. Osanobua keghi ya uruvba ne ọ munọ emwa rri iran oya, ọ keghi munọ emwa hia ke ibiẹka kevbe eniwanrẹn.