Iran keghi na iyẹn ma ọba vbene iran bun sẹ ighẹ avbe emwa ni gha sẹtin yo okuo hia: iran kegha re arriaisẹn uri enẹ (800,000) vbe Izrẹl, kevbe arriaisẹn iyisẹn yan uri eva (500,000) vbe Juda.
Iran keghi khama emwa ne iran gie ke Jabẹs rre wẹẹ, “Tama emwa ruẹn wẹ ọ te sẹ ẹghẹ ogiavan akhuẹ, a gha miẹn iran fan.” Ẹko emwa Jabẹs keghi wa rhiẹnrhiẹn uan vbe a ta ẹmwẹ na ma iran.
E Samuẹl keghi kpao vbe Gilgal rre, ọ na si okhian, emwa nekpa keghi lele Sọl zẹ vbene ọ wa bu avbe ivbiyokuo ẹre khian nii. Iran keghi ke Gilgal kpao gha rrie Gibea vbe otọ Bẹnjamin. E Sọl keghi kin ivbiyokuo ẹre lẹga, iran kegha re omwa arhunmwu uri eha.
E Sọl keghi tie iyokuo ẹre si koko, ọ keghi ghe iran ghe vbe Tẹlẹm. Ivbiyokuo ni ke Izrẹl rre kegha re arriaisẹn uri (200,000) iran ni ke Juda rre kegha re arriaisẹn igbe (10,000).