I Samuẹl 11:4 - Edo Bible (E Baibol Ẹdo) Version 1996

⁴ Emwa ne a gie ẹre uhunmwu ni keghi do sẹ Gibea, ẹvbo ne Sọl ye, iran keghi na iyẹn ma iran, ehia keghi gha viẹ rhunmwuda afianma ne ọ fian iran.

I Samuẹl 11:4 ပူးပေါင်းရင်းမြစ်များ

Gẹnẹsis 27:38

Isọ keghi ye gha rinmwian erha ẹe, “Afiangbe ọkpa kẹkan wẹ mwẹ ra erha mwẹ? Vbe fiangbe imẹ evbavba!” ọ keghi kpe orhu eve ua.

II Samuẹl 21:6

Rhunmwuda ọnii, viọ ihinrọn ne ima vbe uwu avbe ivbi ẹre ni ikpia, ma ghi silo iran rrọ vbe odaro e Nọyaẹnmwa vbe Gibia ne ẹvbo e Sọl ne ọba ne Nọyaẹnmwa hannọ zẹ.” Ọba keghi wanniẹn wẹẹ, “I gha viọ iran ne uwa.”

I Krọnikol 12:3

Emwa ni gha viọ iran mwẹ khian kegha re Ahieza kevbe Joas ne ivbi e Siemaa ne ọ ke Gibea rre. Nene avbe ivbiyokuo ọrọre: E Jeziẹl kevbe Pẹlẹt ne ivbi Azmavẹt Beraka kevbe Jehu ni ke Anatọt rre Ismaia ne ọ ke Gibiọn rre, ọmwa ne ọ re ovbiyokuo ne ọ hin usi kevbe ọkpa vbe uwu avbe ọkaolotu “Iran ne Ọgban” E Jerimaia, Jahaziẹl, Johannan kevbe Jozabad ni ke Gẹdẹra rre Eluzai, Jerimot, Bealia, Siemarai kevbe Siefatia ni ke Harif rre Ẹlkana, Isiaia, Azariẹl, Joeze kevbe e Jasiọbim ne ivbi uniẹn e Kora E Joela kevbe Zebadaia ne ivbi e Jeroham ni ke Gẹdọ rre.

Ebe ne Pọl gbẹẹn gie emwa Rom 12:15

Gha gu enọghọghọ ghọghọ vbe gu enọviẹ gha viẹ.

I Kọrinti 12:26

A deghẹ efẹn ọkpa vbe egbe miẹn obalọ, ehe ni dekẹe hia ghi guee miẹn obalọ nii, a deghẹ a vbe tian ọkpa vbọ, ni dekẹe hia ghi gu ẹe ghọghọ.

Galatia 6:2

Wa gha kpa egbe ihẹ, odẹ vberriọ ọre uwa gha ya mu uhi Kristi sẹ.

Hibru 13:3

Wa gha ye iran ni rre uwu eghan rre vbene a miẹn wẹ, te uwa gu iran rre evba. Wa gha ye iran ni rri oya rre, vbene a miẹn wẹ wa vbe iran ọre ọ gba rrie nene oya.

Giọgis 2:4

Odibosa nii ghi ta ọna nẹ, ivbi Izrẹl hia keghi gbe eve ua

Giọgis 20:26

Ivbi Izrẹl hia kevbe gha rrie Bẹtẹl ya khiẹ. Iran keghi tota ye odaro e Nọyaẹnmwa vba, iran ma rri evbare ọ te ya sẹ ota. Iran si sara, iran keghi giẹn emwi ne a ya zọ ese eso ohoho vbe odaro e Nọyaẹnmwa.

Giọgis 21:2

Ẹre ivbi Izrẹl na gha die Bẹtẹl. Iran keghi tota ye odaro Osanobua rhinrin ya sẹ ota. Iran kegha khiẹ ne aro dae vbe odẹ ne ọ rriara.

I Samuẹl 10:26

E Sọl keghi vbe gha rrie owa ẹre vbe Gibea. Emwa ni mwẹ ẹtin eso ne Osanobua rhie ye ẹre ekhọe keghi lele ẹe.

I Samuẹl 14:2

E Sọl keghi gba agọ ye ẹzi erhan nọkhua ọkpa vbe Migrọn, vbe ehe ne ọ ma rrei gbe vbe Gibea, ọmwa arhin uri eha (600) kegha gue ẹe.

I Samuẹl 15:34

Ẹre Samuẹl na gha rrie Rama. E Sọl ne ọba kevbe gha rrie owa vbe Gibea.

I Samuẹl 30:4

E Devid kevbe emwa rẹn ke gbe eve ua, iran keghi viẹ viẹ viẹ a te do miẹn wẹ orhiọn ighi rre iran iwu hiehiere.