I Samuẹl 11:14 - Edo Bible (E Baibol Ẹdo) Version 1996

¹⁴ Ẹre Samuẹl na tama iran wẹẹ, “Wa gie ima hia gha rrie Gilgal, ne a vbe dọlegbe ma e Sọl ọba mwa.”

I Samuẹl 11:14 ပူးပေါင်းရင်းမြစ်များ

II Samuẹl 19:15

Ọ ghi dọlegbe dee, emwa e Juda hia keghi do vba e Devid vbe Ẹzẹ Jọdan vbe ehe ne iran na gha die Gilgal ne iran su ẹe fian ẹzẹ rra.

Emọs 5:5

Wa ghẹ yo ya ga vbe Biẹsiẹba. Wa ghẹ yo ya gualọ mwẹ vbe Bẹtẹl, e Bẹtẹl gha la ọrhiae rrie. Wa ghẹ ye Gilgal, a mu emwa ni rrọ uhunmwu da iwe nẹ.”

I Samuẹl 10:8

U ghi ke odaro mẹ gha rri Gilgal, I gha do vba ruẹ vbe odọ ne i do zọ ese na giẹn uan kevbe isara. U ghi mudia la ikpẹdẹ ihinrọn khẹ mwẹ vbe evba I te do tama ruẹn emwi ne u gha ru.”

I Samuẹl 12:1

E Samuẹl keghi khama ivbi Izrẹl wẹẹ, “I ru emwi ne uwa wẹ ne I ru nẹ, I ma ọba ne uwa nẹ ne ọ gha khaemwisẹ yan uwa.

I Samuẹl 5:3

Vbe owiẹ vbirrivbirri vbe ikpẹdẹ ne ọ lele ẹe, ivbi Asdọd ghi do ghe amazẹ e Dagọn de mu aro rhu otọ vbe odaro Ẹkpẹti Ile ọghe Osanobua. Iran keghi tọn ẹẹn mu, iran na mu ẹẹn ye ihe ẹre.

I Samuẹl 7:16

Ukpukpo ọ re irẹn ya gha lae ga ke Bẹtẹl gha rrie Gilgal kevbe Mizpa. Ọ ghi gha bu ohiẹn lele ehe na hia khian.