I Samuẹl 11:11 - Edo Bible (E Baibol Ẹdo) Version 1996

¹¹ Vbe owiẹ ne ọ lele ẹe, e Sọl keghi ghae emwa rẹn ye otu eha, ẹdẹ ghi wa da wan, iran keghi vẹ la agọ ọghe eghian iran, iran na ya emwi yan iran ne emwa Amọn. Vbe ọ te sẹ ogiavan, iran gbele iran fo nẹ. Iran ni ghi dekẹe na zagha a, dọmwadẹ ọghe ọe na gha lẹ oghogho.

I Samuẹl 11:11 ပူးပေါင်းရင်းမြစ်များ

Gẹnẹsis 22:14

Ebraham kegha tie evba nii, “Nọyaẹnmwa Kpemehe.” U hin ye do sẹ ẹdẹ nẹrẹ na te emwa ye tae wẹẹ, “Uhunmwu oke Nọyaẹnmwa ọre ọ na kpemehe ẹre.”

II Samuẹl 18:2

Ọ keghi wa iran ye ihe eha, ọ na mu obọkpa ne Joab, obọkpa ne Abisiai ne ọtẹn Joab kevbe obọkpa ne Itai ne ovbi ẹvbo ne a tie ẹre Gat, ọba keghi tama emwa rẹn wẹẹ, “Me tobọ mwẹ gha lele uwa gha khian.”

Psalm 46:1

Osanobua ọrọre ugue kevbe ẹtin mwa, ọ mu egbe vbe ẹghẹ hia ne ọ ya ru iyobọ vbe ẹghẹ ukpokpo.

Ẹksọdọs 14:24

Ẹdẹ ghi ra gbe, e Nọyaẹnmwa keghi ke uwu orre erhẹn kevbe okuku gbe aro ghe otọ ghe avbe ivbiyokuo Igipt, ọ na fian otighi fi ọbuohiẹn iran.

Matiu 7:2

Rhunmwuda vbene uwa ya bu ohiẹn ẹrrẹ, ọre Osanobua ra vbe ya bu ọghe uwa. Omwa ne uwa ya mwa ne ẹrrẹ, ọre a ra vbe ya mwa ne uwa.

Jems 2:13

Rhunmwuda, ọmwa ne ọ ma mwẹ itohan, Osanobua i ra tohan rẹn vbe ọ a gha bu ohiẹn, sokpan itohan ọre ọ khọnmiotọ ibuohiẹn.

Giọgis 1:7

Adonibẹzẹk keghi kha wẹẹ, “Ọba ekigbesiyenẹ ne a giagia ẹre ikpinhianbọ nogie kevbe ikpinhianwẹ nogie kua ọre ọ rhọ iku evbare re vbe ototọ eteburu mwẹ. Te Osanobua vbe ru imẹ emwi ne I ru iran ẹre.” Iran na mu ẹẹn gha rrie Jerusalẹm, odọ nii ọ re ọ ghi na wu.

Giọgis 4:16

E Barak keghi khu avbe ikẹkẹ okuo nii kevbe ivbiyokuo gha rrie Harosiẹt ọghe iran ne ẹ i re Ju. Iran keghi gbele ivbiyokuo e Siseria hia fo fẹẹrẹ; ọkpa ma vbe kẹe vbọ.

Giọgis 7:16

Rẹn keghi ghae emwa rẹn ni re arhin iyisẹn eha ye otu eha, ọ keghi mu okpe kevbe ovbi ẹluba ne orhiọn kpọkpa vbe uwu iran, ukpa kevbe rre uwu avbe ovbiẹluba nii.

Giọgis 7:20

Iran hia ni rre otu eha nii keghi kpe okpe iran, iran keghi gbele ovbiẹluba iran an. Iran keghi viọ ukpa ni rrọọ mwẹ agobọ iran, kevbe avbe okpe vbe obọ erha ọmwa iran, iran keghi datu wẹẹ, “Umozo ọghe Nọyaẹnmwa kevbe ọghe Gidiọn!”

Giọgis 9:43

Rẹn keghi viọ emwa rẹn, ọ na gha iran ye otu eha, iran keghi lẹre ye uwu oha gha khẹ. Rẹn ghi miẹn wẹ avbe emwa nii wa ladian vbe ore ẹvbo, ọ keghi ladian vbe ehe ne ọ lẹre yi, ne ọ do gbele iran an.

I Samuẹl 11:2

E Nahas keghi wanniẹn wẹẹ, “I gha gu uwa ta ẹe kugbe a deghẹ wa kue yọ vbenian: ne I wọlọ aro obọ erha ọmwa ọghe dọmwadẹ ọghe ọe kua ne I ya ọnii fa Izrẹl hia a.”

I Samuẹl 14:47

E Sọl ghi rriọba nẹ, ọ keghi khọn avbe eghian rẹn hia vbe ehehia, avbe Moab, Amọn kevbe Idọm, ọba e Zọba kevbe avbe ivbi e Filistin. Ehe ne ọ na gbinna hia, ọ kegha khọnmiotọ.