I Samuẹl 11:1 - Edo Bible (E Baibol Ẹdo) Version 1996

¹ Ọ ghi rre uki ọkpa, e Nahas ne ọba Amọn keghi mu okuo gie Jabẹs ne ọ rre otọ Giliad. Ivbiyokuo ẹre keghi lẹga ẹvbo nii, ọ re ivbi e Jabẹs na khama Nahas wẹẹ, “Gie ima do gba ta ẹe kugbe, ma gha kue ne u gha khaemwisẹ yan ima.”

I Samuẹl 11:1 ပူးပေါင်းရင်းမြစ်များ

Gẹnẹsis 26:28

Iran keghi wanniẹn wẹẹ, “Banbanna nian, ma rẹnrẹn wẹẹ e Nọyaẹnmwa guẹ rrọọ, te ima rre na ne a do ru emwamwa ẹmwata ne egbe. Ma ho ne uwẹ yan wẹẹ,

II Samuẹl 10:1

Ọ ghi kpẹe kherhe, e Nahas ne ọba Amọn keghi wu, e Hanun ne ovbi ẹre keghi rriọba.

II Samuẹl 10:2

E Devid keghi kha wẹẹ, “I gha gu e Hanun ku, I ghi vbe gha tohan rẹn zẹ vbene erhae ighẹ Nahas ru ghe mwẹ.” E Devid keghi rhunmwuda ọnii gie uhunmwu ọ da mwẹ gie ẹe. Sokpan, iran ghi sẹ evba.

II Samuẹl 17:27

Ugbẹn vbe Devid ghi sẹ Mahanem, Siobi ne ovbi e Nahas ne ovbi ẹvbo ne a tie ẹre Raba vbe Amọn, kevbe Makiẹ ne ovbi Amiẹl ne ovbi ẹvbo ne a tie ẹre Lodeba, kevbe Bazilai ne ovbi ẹvbo ne a tie ẹre Rogelim vbe Giliad, keghi bu ẹre rre.

II Samuẹl 2:5

Ọ keghi gie emwa eso uhunmwu gha khian ya tama iran wẹẹ, “Te Nọyaẹnmwa gha fiangbe uwa, ne uwa na rhie maa ighẹ uwa i re eghian ọba uwa vbene uwa na re ẹre.

I Ọba 20:34

E Benhadad keghi tama rẹn wẹẹ, “I gha viọ avbe ẹvbo ne erha mwẹ munọ ẹn vbe otọe erha a ne uẹn. U sẹtin bu ẹki ye Damaskọs zẹ vbene erha mwẹ vbe bu ye Sameria.” Ehab keghi wanniẹn wẹẹ, “I gha sẹ uẹ rae rhunmwuda vbene a ghi mwamwa ẹẹn yi na.” Ọ keghi gu ẹe rhie obọ ye ebe ọ na sẹ ọe rae.

I Krọnikol 10:11

Ugbẹn vbe ivbi e Gebẹs ne Giliad ghi họn vbene ivbi e Filistin ru e Sọl hẹ,

I Krọnikol 10:12

iran ni din sẹ vbe uwu iran keghi ya viọ ikun e Sọl kevbe ọghe ivbi ẹre. iran keghi viọ gha rrie Gebẹs. Iran keghi re iran ye ẹzi okan, iran na khiẹ la ikpẹdẹ ihinrọn.

Job 41:4

Ọ gha gue ta ẹe ra wẹ ne irẹn gha ga uwẹ ẹdẹdẹmwẹdẹ?

Ẹksọdọs 23:32

Wa ghẹ gu iran, ra ẹbọ iran mu obọ vbe emwikemwi.

Aizaia 36:16

Wa ghẹ zẹye Hẹzekaia re! Ọgbaisi Asiria wẹ ne uwa ladian, ne uwa do rinmwian. A gha kue ne uwa gha rri ọmọ erhan azara uwa, ne uwa vbe gha rri ọmọ erhan ohọ uwa, ne uwa vbe gha wọn amẹ uhae ne uwa fiaẹn

Jerimaia 40:11

Vbe ẹghẹ ne a kha na avbe ivbi Izrẹl hia ni rre Moab, Amọn, Idọm kevbe avbe ẹvbo ọvbehe keghi họọn wẹ ọba e Babilọn kue ne ivbi Izrẹl eso ye gha rre Juda, kevbe wẹ ọ ya Gedalaia ru ne ọkhaemwisẹ yan iran.

Jerimaia 40:14

Iran tama rẹn wẹẹ, “U ma rẹn nian wẹ e Balis ne ọba Amọn gie Ismaẹl wẹ ne ọ do gbe uẹ ua.” Sokpan, e Gedalaia ma yayi.

Ezikiẹl 17:13

Ọ keghi rhie okpa vbe uwu ivbi ẹgbẹe ọba, ọ keghi gu ẹe rhie obọ ye ebe wẹ ne ọ gha ga gie irẹn vbe ekhọe esi. Ọ keghi viọ emwa kpataki ye iyoha.

Diuteronomi 23:3

“A ghẹ ka ovbi Amọn ra Moab kevbe emọ ne iran biẹlẹ ba emwa e Nọyaẹnmwa, uhin ya sẹ orre ne ogigbe.

Giọgis 10:7

Ẹre ohu ivbi Izrẹl na mu e Nọyaẹnmwa, ọ na gie ivbi e Filistia kevbe Amọn khọn miẹn iran otọ.

Giọgis 11:4

Ọ ma ghi kpẹe, emwa Amọn keghi ya gha gu Izrẹl khọn.

Giọgis 21:8

Ẹre iran na nọ wẹẹ, “De ne ọ ma rri ehe ne Nọyaẹnmwa ye vbe Mizpa vbe uwu ẹwae ivbi Izrẹl?” Iran keghi do gualọ ẹe miẹn wẹ ọmwa rhọkpa ma ke Jabẹs ne Giliad rre do gu emwa si koko vbe agọ nii.

I Samuẹl 12:12

Wa ghi vbe miẹn wẹ e Nahas ne ọba Amọn mu egbe ne ọ gu uwa gbinna, wa keghi he e Nọyaẹnmwa zẹ vbe ọba uwa, wa keghi tama mwẹ wẹẹ,

I Samuẹl 14:47

E Sọl ghi rriọba nẹ, ọ keghi khọn avbe eghian rẹn hia vbe ehehia, avbe Moab, Amọn kevbe Idọm, ọba e Zọba kevbe avbe ivbi e Filistin. Ehe ne ọ na gbinna hia, ọ kegha khọnmiotọ.