I Samuẹl 10:7 - Edo Bible (E Baibol Ẹdo) Version 1996

⁷ Emwi na ghẹ ghi sunu, u ghi ru vbe ne Osanobua rhie ye uẹ ekhọe.

I Samuẹl 10:7 ပူးပေါင်းရင်းမြစ်များ

Gẹnẹsis 21:20

Osanobua keghi yaba ọmọ nii vbe ne ọ wan khian, ọ kegha rre uwe ẹgbo Paran, ọ na do khian ohuẹ nọ guẹe ẹsẹse.

II Samuẹl 7:3

E Natan keghi wanniẹn wẹẹ, “Ru emwi ne ọ rhirhi gha rre uẹ ekhọe, rhunmwuda e Nọyaẹnmwa rrọọ yaba ruẹ.”

Job 31:25

ra ne I ya ẹfe mwẹ gha hio.

Ẹksọdọs 4:8

E Nọyaẹnmwa keghi kha wẹẹ, “A deghẹ iran ma ya a yi ra deghẹ ọyunnuan ne okaro ma fi iran ekhọe werriẹ, iran gha rhunmwuda ne ogieva na yayi.

Asan-Ibo 9:10

Mu aro ye iwinna ne u a rhirhi a gha winna rhunmwuda, a gha rrie a i wua nẹ, a i ghi ru emwi rhọkpa, iro i ghi rrọ, irẹnmwi i ghi rrọ, ẹwaẹn i ghi rrọ, ehe ne uwẹ rrie ọ re onii khin.

Aizaia 7:14

Vbene ọ ghi ye na nian, e Nọyaẹnmwa gha tobọ ẹre rhie iyama nuẹn: okhuo ọvbokhan ọkpa ne ọ ma rẹn okpia gha hanmwa, ọ gha biẹ ọmọ okpia ọkpa, ọ ghi he ẹre ‘Imanuẹl.’

Matiu 1:23

“Nene uvbi gha hanmwa, ọ gha vbe biẹ ọmọ okpia ọkpa, a ghi he ẹre Imanuẹl.” Emwi ne a ya ọnii kha ọrọre “Osanobua rrọọ yaba mwẹ.”

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Iyẹn ne ọ Maan Ọghe Luk 2:12

Ne uwa miẹn ehe ne tie ẹre ẹmwata, wa gha do vba ọmọ obọ ne a ye ukpọn vbuẹ vbe a mu ẹn lovbiẹ vbe aza emwirri.”

Iyẹn ne ọ Maan Ọghe Jọn 6:14

Emwa ni rre evba ghi miẹn iwinna nọkhua ne Jesu winnaẹn, iran wẹẹ, “Vbe ẹmwata, ọnọna ọrọre nene akhasẹ ne ọ die agbọn.”

Diuteronomi 20:1

“De ghẹ wa yo okuo, ne uwa ya gu eghian uwa gbinna wa na miẹn ikẹkẹ okuo kevbe ẹsin kevbe ivbiyokuo ni bun sẹ ọghe uwa, wa ghẹ gie ohan iran mu uwa. E Nọyaẹnmwa Osanobua rua ne ọ viọ uwa ke Igipt ladian, gha rrọ yaba uwa.

Hibru 13:5

Fannọ obọ igho ne a ho ẹmwẹ ọnrẹn hin ẹdẹ agbọn ruẹn egbe rre. Vbe gie emwi ne u mwẹ gha suẹ ọkẹn, rhunmwuda Osanobua kha nẹ wẹẹ, “Mẹ i ra sẹ uẹ rae ẹdẹ, mẹ i re he uwẹ ye otọ ẹdẹ.”

Jọsua 1:5

Inu ẹghẹ ne u gha ya vbe agbọn ọmwa ọkpa ne ọ gha sẹtin khọn miẹn ruẹn otọ, ẹ i rrọọ. I gha mudia kuẹ zẹ vbene I mudia ke Mosis. I i ra suẹ rae.

Jọsua 1:9

Ya uhi ne I gbe nuẹn rre. Wegbe ne u vbe din. Ghẹ gie ohan muẹn, ghẹ gie ẹtin fo uẹ, rhunmwuda mẹ ne Nọyaẹnmwa Osanobua ruẹ rrọọ yaba ruẹ vbe eheikehe ne u gha rhirhi yo.”

Giọgis 6:12

Evba ọ re odibo e Nọyaẹnmwa na rhie egbe ma rẹn, ọ wẹẹ, “Ọmwa ne ọ din ọ re u khin, e Nọyaẹnmwa vbe rrọọ ya ba ruẹ.”

Giọgis 9:33

Vbe ne a khuẹ, u ghi guakpao vbe owiẹ vbirrivbirri ne u dekun ẹvbo nii. E Gaal kevbe emwa rẹn ghẹ ghi bu ruẹ gha dee, u ghi ya emwi ne u mwẹ hia fi iran emwi!”

I Samuẹl 2:34

Ẹghẹ ne ivbi uẹ eva ighẹ Hofnai kevbe Finihaz gha na wulo ẹdẹ ọkpa, ọnii gha rhie maa ruẹn wẹ, ẹmwẹ ne I ta nẹ, ẹ i mwẹ ọ ma sẹ.

I Samuẹl 20:13

Deghẹ ọ ho ne ọ kuan ruẹn, te Nọyaẹnmwa gha kinmwi mwẹ gbe ua, a deghẹ I ma gie ne a khama ruẹn ne u miẹn ehe na rhie uhunmwu hin ebe rre. Te Nọyaẹnmwa gha deba ruẹ zẹ vbene ọ vbe deba erha mwẹ!

I Samuẹl 3:19

E Samuẹl keghi do wan, e Nọyaẹnmwa kegha rrọọ yaba ẹre, ọ na gie ẹmwẹ hia ne Samuẹl ta ẹe gha sẹ.