I Samuẹl 10:5 - Edo Bible (E Baibol Ẹdo) Version 1996

⁵ U ghi gha rrie oke Osanobua ne ọ rre Gibea, ehe ne agọ ivbi e Filistia ọkpa ye. U gha sẹ onurho ẹvbo nii, u gha miẹn otu avbe akhasẹ eso ni tuorre ke aka ne ọ rre uhunmwu oke nii dee, iran gha kpe akpata, ema, ufere kevbe ẹgiọn. Iran ghi gha kuu, iran ghi gha golo.

I Samuẹl 10:5 ပူးပေါင်းရင်းမြစ်များ

I Ọba 18:29

Iran na gha vannọ, iran na gha go ọ te ya sẹ ẹghẹ ogiavan, sokpan ewanniẹn ma rre, a ma họn urhu rhọkpa.

II Ọba 2:15

Avbe akhasẹ ekigbesiyeha ni ke Jẹriko rre keghi dẹghe ẹre, iran wẹẹ, “Ẹtin ọghe Elaija rhuẹ yan Elaisia nẹ.” Iran keghi bu ẹre gha khian, iran na vbokho egbe rriotọ ne ẹẹn,

II Ọba 2:3

Otu akhasẹ ni rre evba na bu Elaisia gha khian, iran nọ rẹn wẹẹ. “U rẹnrẹn ighẹ e Nọyaẹnmwa gha rhie arowa a hin ehe ne u ye rre ẹrẹna ra?” Elaisia keghi wanniẹn wẹẹ, “I rẹnrẹn, wa ghẹ wogho ẹe.”

II Ọba 2:5

Otu akhasẹ ni rre evba keghi bu Elaisia gha khian, iran nọ rẹn wẹẹ, “U rẹnrẹn ighẹ e Nọyaẹnmwa gha rhie arowa a hin ehe ne u ye rre ẹre na?” Elaisia na wanniẹn wẹẹ, “I rẹnrẹn, wa ghẹ wogho ẹe.”

II Ọba 2:7

Ekigbe siyeha vbe uwu avbe akhasẹ keghi lele iran gha rrie Jọdan. Elaija kevbe Elaisia keghi yakọ vbe ọkpẹn ẹzẹ, avbe akhasẹ ekigbesiyeha nii keghi khian rrei kherhe ya mudia.

II Ọba 3:15

Wa tie ọkpakpata gun mwẹ.” Ugbẹn vbe ọkpakpata ghi kpe akpata ẹre, ẹtin e Nọyaẹnmwa keghi rhuẹ yan Elaisia,

II Ọba 4:38

Ọ ghi sẹ ẹghẹ ọkpa vbe ukhunmwu wa gha fi vbe otọe nii hia, Elaisia keghi werriegbe gha die Gilgal. Ọ ghi ma ovbiotu akhasẹ ọkpa emwi, ọ keghi tama ọguọmwadia ẹre ne ọ mu ukodo ye erhẹn ya le uwọnmwẹ ne iran.

II Ọba 6:1

Ọ ghi sẹ ẹdẹ ọkpa, avbe ivbi otu akhasẹ ne Elaisia hẹ khian keghi do tu ma rẹ wẹẹ, “Ehe ne ima ye kanmwa gbe.

I Krọnikol 11:16

Vbe ẹghẹ ne a kha na, e Devid kegha rre uhunmwu oke ne a gbe odin gaa. Ivbi e Filistin eso keghi mu e Bẹtlẹhẹm.

I Krọnikol 13:8

Vbene Devid kevbe emwa nekpa na gha ya ẹtin iran hia iwu ne iran ya rhie ọghọ ne Osanobua. Iran kegha so ihuan iran na gha kpe avbe ẹzi kẹn, akpata ema, isẹ kevbe okpe.

I Krọnikol 16:42

E Heman kevbe Jedutun ọ re ọ vbe gha gbearoghe avbe okpe kevbe isẹ kevbe emwi ne a kpe ọvbehe ni dekẹ hia ne a kpee vbe a gha so ihuan urhomwẹ. Ivbi uniẹn Jedutun ọ re ọ gha gbe aro ghe avbe onurho.

I Krọnikol 16:5

A keghi zẹ Asaf olotu iran, vbene Zẹkaraia na gha re ne ọ zẹ diake ẹe. E Jeiẹl, Siemiramot, e Jẹhiẹl, e Matitaia, Eliab, e Benaia, Obẹd Idọm kevbe Jeiẹl na gha re ni kpe akpata. Asaf ghi gha kpe isẹ.

Psalm 49:4

I gha mu aro ye ẹmwẹ itan, I ghi vbe gha rhan otọ iran vbe uwu ne I na kpe akpata nii.

Psalm 92:3

Ne a gha ya emwi ihuan ne ọ mwẹ irri ru ẹe, kevbe ne ọ rhiẹnrhiẹn vbe akpata.

I Kọrinti 14:1

Rhunmwuda ọnii, aho ẹmwẹ ọmwa ọrọre emwi ne uwa gha gbinna ho khekherriọ. Wa gie aro uwa gha wu ye emwi ne orhiọn ya we ọmwa, kpataki ọghe ne a ya kpe orhu Osanobua.

I Samuẹl 10:10

E Sọl kevbe ọguọmwadia ẹre ghi sẹ Gibea, otu akhasẹ ọkpa keghi do vba ẹre. Orhiọn Osanobua keghi hin yan rẹn udomwurri ọ na deba iran gha kuu, ọ kevbe gha go.

I Samuẹl 10:4

Iran gha tuọ, iran ghi vbe viọ eva ne uẹn vbe ebrẹd nii, u ghi miẹn iran re.

I Samuẹl 13:2

E Sọl keghi viọ arriaisẹn eha vbe ivbi Izrẹl, ọ na wẹ ne enekpa gha rrie owa. Ọ keghi viọ arriaisẹn eva ke egbe vbe Mikmas kevbe Bẹtẹl ne ẹvbo uhunmwu oke, arriaisẹn ọkpa na vbe gha gu e Jonatan ne ovbi ẹre vbe Gibea vbe otọe ẹwae Bẹnjamin.

I Samuẹl 13:3

E Jonatan keghi gbe ọkaokuo emwa Filistin ne ọ rre Geba, ivbi e Filistin keghi họn ẹmwẹ na. Ẹre Sọl na gie emwa ne iran ya si orhu la ẹvbo hia wẹ ne ivbi e Hibru mu egbe okuo.

I Samuẹl 19:20

Ọ na gie emwa eso ne iran ya mu ẹẹn. Iran keghi do vba avbe akhasẹ eso, iran gha kuu, iran gha vannọ, e Samuẹl kegha re ọkaolotu iran. Ẹre orhiọn Osanobua na hin emwa e Sọl, iran kevbe suẹn gha ku iran na gha vannọ.

I Samuẹl 9:12

Iran keghi wanniẹn wẹẹ, “Ẹn, ọ rre owa. Ghe, ọ wa khian vbe odaro uwa nian. Wa tua owẹ ye okhian, te ọ da ke ehe rre na rhunmwuda, emwa gha zọ ese ẹrẹna vbe aka ne ọ rre uhunmwu oke. U gha wa da la ore ẹvbo, u gha miẹn ọẹn vbe ọ te hin ukhunmwu ya rri evbare. Avbe emwa i ra suẹn evbare gha re ọ te sẹ evba, rhunmwuda te irẹn gha ka na erhunmwu emwi izọese nẹ, emwa nii ke suẹn evbare gha re. Wa gha rrie evba nii nian, wa gha miẹn ọẹn vba vbe ọwarọkpa.”