I Samuẹl 10:3 - Edo Bible (E Baibol Ẹdo) Version 1996

³ U gha ke evba kpao, u ghi do sẹ isi erhan iruemwi ne ọ rre Tabọ, U ghi miẹn ikpia eha ni rrie Bẹtẹl ne iran ya zọ ese ghe Osanobua vbe Bẹtẹl. Ọkpa vbọ gha viọ ivbi ẹwe eha mwẹ, ọkpa gha viọ ebrẹd eha mwẹ kevbe ne ogieha ghi mu ọgọ ohian ayọn mwẹ.

I Samuẹl 10:3 ပူးပေါင်းရင်းမြစ်များ

Gẹnẹsis 28:19

Ọ kegha tie evba nii Bẹtẹl (Luz ọre a te ka gha tie ẹvbo nii).

Gẹnẹsis 28:22

Okuta ne I yi ẹre ama na ọre ọ khian gha re ehe ne a na gaa. I ghi vbe wa emwi ne u viọ mẹ hia ye ihigbe mu obọkpa nuẹn vbọ.”

Gẹnẹsis 35:1

Osanobua keghi tama e Jekọb wẹẹ, “Muegbe ne u gha rrie Bẹtẹl ne u ya yin evba. U ghi gba aka mẹ vbe evba, Mẹ ne Osanobua ne ọ rhie egbe ma ruẹn vbe vba ẹghẹ ne u na gha lẹ khian hin obọ Isọ ne ọtuẹn.”

Gẹnẹsis 35:3

Ma ra kpao vbe emwa gha rrie Bẹtẹl, ehe ne I gha na gba aka ne Osanobua ne ọ yọmwẹ obọ vbe ẹghẹ ọlọghọmwa mwẹ, kevbe ne ọ vbe yaba mwẹ vbe eheikehe ni I he la.”

Psalm 89:12

Wẹ ọ re ọ yi odẹ okuọ kevbe ekẹn Oke Tabọ kevbe Oke Hẹmọn iran hia ya oghọghọ so ihuan ghe ruẹ.

Jerimaia 32:8

Zẹ vbene e Nọyaẹnmwa wa tae zẹẹ, e Hanamẹl keghi wa bu mwẹ gha die ẹghodo ẹguae, ọ na wẹ ne I do dẹ nene ako oha. Ẹre I na rẹn wẹ vbe ẹmwata, te Nọyaẹnmwa gele gunmwẹ guan.

Levitikọs 1:10

“A deghẹ ohuan ra ẹwe ẹre ọre ọ ra ya zọ ese, ọ ghi gha re ọwẹ ne ẹ i mwẹ okan.

Levitikọs 23:13

Wa ghi vbe viọ uwan enẹ ọghe irhuarhua ne a ya ofigbọn ọliv gbe gha de do ya ẹe zẹ ọhẹ evbare. Uwinhinmwẹ izẹọhẹ vberriọ wa yẹ e Nọyaẹnmwa. Wa ghi mu ọgọ ayọn ọkpa lele ẹe rre.

Levitikọs 3:12

“Omwa gha ya ewe zọ ese,

Levitikọs 3:6

A deghẹ ohuan ra ewe ọre a ya sisara, ọ ghi gha re ọwa ra amwẹ, sokpan ọ ghi gha re ne ẹ i mwẹ okan.

Levitikọs 7:13

Yevbe deba ọnii, ọ ghi vbe viọ ebrẹd ne a ma ya eyist gbe rre.

Jọsua 19:12

Ọ kevbe ya sẹ ọkpẹn Kislotabọ vbe odẹ ahọ vbe obọ nọkpa ọghe Sarid. Ọ kevbe la ghe Debe-rat ya sẹ Jafia.

Jọsua 19:22

Uwu ẹre kevbe ya sẹ Tabọ, Siahazuma kevbe Bẹt Siemẹs, ọ kevbe ya fo vbe Jọdan. Ọ kegha re okpẹvbo enẹ irrọvbugie kevbe ẹvbo ni lẹga iran.

Giọgis 20:18

Ivbi Izrẹl kegha rrie owa ugamwẹ vbe Bẹtẹl. Iran na ya nọ Osanobua vbe evba wẹẹ, “De ẹwae ne ọ gha ka dekun e Bẹnjamin?” E Nọyaẹnmwa keghi wanniẹn wẹ, ẹwae Juda.

Giọgis 20:27

Iran kevbe nọ e Nọyaẹnmwa ọta (Ẹkpẹti Ile ọghe Nọyaẹnmwa, e Bẹtẹl ọ re ọ gha ye vbe ẹghẹ ne a kha na. E Finihaz ne ovbi Eliaza ne ovbi Errọn ọ re ọ gha gbearoghe ẹre.) Iran keghi nọ wẹẹ, “Ne ima ye ya gu etẹn ima ighẹ ivbi Bẹnjamin gbinna ra ne ima ghẹ ghi yo?” E Nọyaẹnmwa keghi kha wẹẹ, “Ẹdẹ ne akhuẹ, I gha gie uwa khọnmiotọ vbe uhunmwu iran. Wa ya gbinna.”

Giọgis 4:12

A keghi ya tama Siseria wẹ Barak ne ovbi Abinoam kpao gha rrie Oke Tabọ.

Giọgis 4:6

Ẹdẹ ikẹtin ghi rre okhuo nii keghi gie ne a tie Barak ne ovbi Abinoam ne ọ vbe re ovbi ẹvbo ne a tie ẹre Kedẹs vbe Naftali, ọ Keghi tama rẹn wẹẹ, “E Nọyaẹnmwa ne Osanobua Izrẹl ọ re ọ gie uhunmwu na guẹ: ‘Gha khian ne u ya viọ emwa ruẹn gha rrie uhunmwu oke Tabọ viọ arhin arriaisẹn igbe vbe ẹwae Naftali vbe Zebulọn.

Giọgis 8:18

Ẹre Gidiọn na nọ e Zẹba kevbe Zalmuna wẹẹ, “Emwa ne uwa gbele de emwi ne iran khọe?” Iran wanniẹn wẹẹ, “Wẹ ọre iran khọe, dọmwadẹ ọghọe vbe uwu iran wa ye vbe ovbi ọba.”

I Samuẹl 10:4

Iran gha tuọ, iran ghi vbe viọ eva ne uẹn vbe ebrẹd nii, u ghi miẹn iran re.