I Samuẹl 10:27 - Edo Bible (E Baibol Ẹdo) Version 1996

²⁷ Sokpan avbe ẹwobi emwa eso kegha kha wẹẹ, “Vbe oko na ra sẹtin ru ne ima yi?” Iran keghi ye aro tila e Sọl rua. iran ma ye imuohan gie ẹe.

I Samuẹl 10:27 ပူးပေါင်းရင်းမြစ်များ

II Samuẹl 20:1

A keghi vbe miẹn wẹ ọmwa oya ọkpa ne a tie ẹre Siẹba kegha rre evba, ovbi e Bikri ne ovbi ẹwae ẹ Bẹnjamin. Ọ keghi si urhu, ọ na kha wẹẹ, “Wa sẹ e Devid rae, ma i lele ẹe. Ivbi Izrẹl, wa gia gha rrie.”

II Samuẹl 8:2

Iyeke ọnii, obọ ẹre keghi vbe gba ivbi e Moab, ọ na wẹ ne iran ne obọ vbare vbọ lovbiẹ lele otọ, a na gbele eva sẹ ọkpa rae vbe arhin eha. Ẹre emwa e Moab na do gha rre ototọ ẹre iran na gha ga gie ẹe.

I Ọba 10:25

Emwa ni rre hia ghi gha ha oko gie ẹe, avbe esiliva, igoru, ẹwu, emwi igbinna, emwi ni winhin, ẹsin kevbe ekẹtẹkẹtẹ. Erriọ ọ re ọ wa gha ye ke ukpo dinna ukpo.

I Ọba 4:21

Otọe arriọba e Solomọn keghi ke Ẹzẹ e Yufretes vbe odọ ahọ, ya sẹ Filistia vbe odẹ orrie kevbe rhinrin yasẹ okhiẹ Igipt. Iran kegha ha igho uhunmwu gie ẹe, iran na vbe gha rre ototọ ẹre vbe ẹdẹ agbọn rẹn hia.

I Ọba 5:1

Ke Omuhẹn gha dee, ọse Devid ọre Hiram ne ọba Taia gha khin, ọ ghi họn wẹ e Solomọn rriọba lele Devid ne erha ẹe, ọ keghi gie ukọ bu ẹre gha khian.

II Krọnikol 13:7

Vbe iyeke ọnii, ọ keghi si avbe emwa ne agbọn ma gie ẹe rre koko, iran na mu emwi ne iran ho yan e Rehoboam ne ovbi ọvbokhan ne ọ ma rẹn ne a ye, a ma wẹ te ọ gha sẹtin rrọ iran.

II Krọnikol 17:5

Osanobua ke wa gie obọ e Jehosiafat gba ehehia vbe otọe arriọba e Juda, emwa hia kegha viọ emwi gie ẹe, sẹrriọ, ne ọ na gha re ọmwa ne ọ fe ke ne a ya ọghọ na ẹsẹse.

Psalm 38:13

Te imẹ ye vbe ayin ehọ ne ẹi họn ẹmwẹ I ye vbe odin ne ẹi sẹtin guan.

Psalm 72:10

Avbe ọba e Spen kevbe iran ni rre otọ ne amẹ lẹga gha zẹ ẹfe gie ẹe. avbe ọba avbe Arrebia kevbe Etiopia gha viọ imuohan gie ẹe.

Asan-Ibo 7:21

Ghẹ danmwehọ ẹmwẹ hia, ne emwa tae, u sẹtin wa họn vbe eguọmwadia ruẹ a gha rhovbiọ.

Aizaia 36:21

Emwa nii keghi wa hunwan zẹ vbene Hẹzekaia tama iran, iran ma vbe ta ukpẹmwẹ ọkpa.

Matiu 2:11

Ugbẹn vbe iran ghi la owa, iran keghi miẹn nene ọmọ kẹe kevbe Meri ne iye ẹe. Iran keghi diguẹ ya emwi nẹẹn, igoru, eturari kevbe oziya.

Iwinna 7:35

“Nene Mosis ne ivbi Izrẹl ma rhan obọ miẹn ọre ọna khin na. Ne iran tama wẹẹ, ‘Gha ya uwẹ ru ne ọ khaemwisẹ rra ne ọ bu ohiẹn yan ima yi?’ Rẹn na ọre Osanobua ghi gie zẹ vbe ne ọ khaemwisẹ ke ọmiọnmwafan gie iran, vbe kpa iyobọ odibosa ne ọ miẹn vbe oha ne erhẹn na gha baa.

Diuteronomi 13:13

Wẹ emwa oya eso vbe ẹvbo uwa bibi emwa ẹvbo ne iran ye odẹ, ne iran ya gha gho ẹbọ ne uwa ma he gho ẹdẹ.

I Samuẹl 11:12

Ẹre emwa Izrẹl na tama e Samuẹl wẹẹ, “De emwa ne ọ kha re yi wẹ ne e Sọl ghẹ rriọba yan ima, wa viọ iran ladian gie ima, ne ima gbele iran uan.”

I Samuẹl 11:13

Sokpan, e Sọl keghi kha wẹẹ, “A i gbe ọmwa rhọkpa a ẹrẹna rhunmwuda ẹdẹnẹrẹ ọ re Nọyaẹnmwa miẹn Izrẹl fan.”

I Samuẹl 16:20

E Jese keghi gie Devid bu e Sọl gha khian, ọ na mu ọgọ ohian ayọn ọkpa, kevbe ovbi ẹwe kevbe ebrẹd ne ọ sẹ ekẹtẹkẹtẹ ọkpa mu, gie ẹe.

I Samuẹl 2:12

Ivbi Elai ne ikpia kegha re emọ ni ku ogboi. Iran i zẹdẹ zẹ ye ẹmwẹ e Nọyaẹnmwa

I Samuẹl 25:17

Ya roro ẹmwẹ na ne u rẹn vbene u gha ru ẹe hẹ. Emwi nọkhua sẹtin la ekpa ọna rre do degbe arowa ima kevbe ẹgbẹe ọre. Ọ rhia sẹrriọ wẹ ẹ i danmwehọ ọmwa rhọkpa!”