I Samuẹl 10:20 - Edo Bible (E Baibol Ẹdo) Version 1996

²⁰ Ẹre Samuẹl na wẹ ne uniẹn ọkpọkpa gha ladian, e Nọyaẹnmwa keghi hannọ uniẹn e Bẹnjamin zẹ.

I Samuẹl 10:20 ပူးပေါင်းရင်းမြစ်များ

II Samuẹl 3:19

Abna keghi vbe gu emwa ẹwae Bẹnjamin guan, ọ kevbe gha rrie Hibrọn ya tama e Devid emwi ne emwa Bẹnjamin kevbe ivbi Izrẹl khare ighẹ, iran ra ru.

Jona 1:7

Avbe oziguẹ keghi kha wẹẹ “Wa gie ima do yan uta yọ, ne a miẹn ehe na rẹn ọmwa ne ọ si emwi na ne ima hia na rhie uhunmwu mwẹ atataobọ na.” Iran keghi ru ẹe vberriọ, uta keghi mu e Jona.

Diuteronomi 33:12

Ọ keghi kha vbekpa ẹwae Bẹnjamin wẹẹ: “Ewae ne Nọyaẹnmwa ho ẹmwẹ ọnrẹn ne ọ vbe degue ẹdẹgbegbe iran ya rrọọ vbe a i mwẹ ẹbe vbe odaro ẹre. Ọ keghi vbe di uwu ẹbu iran ya.”

I Samuẹl 10:19

Mẹ ọrọre Osanobua uwa, ne ọ viọ uwa hin uwu ukpokpo kevbe ọlọghọmwa ne uwa ye rre, sokpan banbanna nian, wa he mwẹ yotọ, wa na wẹ ne I rhie ọba ne uwa. Ọ maa khekherriọ, wa do si egbe koko ye odaro mwẹ vbe uniẹn kevbe ẹgbẹe!’ ”

I Samuẹl 10:21

Ẹre Samuẹl na wẹ ne ẹgbẹe ni rre uniẹn Bẹnjamin gha ladian ọkpọkpa, ọ keghi hannọ ẹgbẹe Metri zẹ. Ẹre ikpia ni rre ẹgbẹe Metri na vbe gha ladian, a keghi hannọ e Sọl ne ovbi Kis zẹ. Iran ke ghi gualọ ẹe sokpan iran ma miẹn ọẹn.

I Samuẹl 14:38

Ẹre Sọl na tama avbe ọkaolotu emwa ni wẹẹ, “Wa larre ne uwa do gualọ orukhọ ne a ru ẹrẹna miẹn.

I Samuẹl 14:41

E Sọl keghi tama e Nọyaẹnmwa ne Osanobua Izrẹl, “Ya uta rhie ewanniẹn mẹ. A deghẹ Jonatan ra mẹ ọ re ọ ba emwi ku ru, u ghi mu Urim, sokpan, a deghẹ ivbi Izrẹl ne emwa ruẹn nọ, u ghi mu e Tumin.” Ewanniẹn keghi rhie ma wẹ e Jonatan kevbe Sọl nọ, ọ keghi zẹ orhue ne avbe emwa ni gbe.