I Samuẹl 10:19 - Edo Bible (E Baibol Ẹdo) Version 1996

¹⁹ Mẹ ọrọre Osanobua uwa, ne ọ viọ uwa hin uwu ukpokpo kevbe ọlọghọmwa ne uwa ye rre, sokpan banbanna nian, wa he mwẹ yotọ, wa na wẹ ne I rhie ọba ne uwa. Ọ maa khekherriọ, wa do si egbe koko ye odaro mwẹ vbe uniẹn kevbe ẹgbẹe!’ ”

I Samuẹl 10:19 ပူးပေါင်းရင်းမြစ်များ

Itan 16:33

Emwa nagbọn ghi gha yan uta ne iran miẹn ehe na rẹn emwi ne ọ rre Osa ekhọe, sokpan, Osanobua ọ re ọ tobọ ọre ta vbene uta ni gha kha hẹ.

Maika 5:2

E Nọyaẹnmwa khare wẹẹ, “Bẹtlẹhẹm Efrata, ọkpa vbe uwu ẹvbo ni kanmwa sẹẹ vbe Juda ọre uwẹ khin, sokpan, uwu uwẹ ọ re I gha ke rhie ne ọ khaemwisẹ ladian ne Izrẹl, rẹn gha vbe ke uniẹn nẹdẹ ne a ka ya gha bu ẹvbo nii ladian.”

Nọmbas 11:20

Sokpan la uki hoho, rhinrin ọ te la uwa ehọ ladian, rhinrin ọ te do khan uwa. Ọ na gha sunu rhunmwuda ne uwa na he Nọyaẹnmwa, ne ọ gu uwa rre emwa na, wa gui ma rẹn wẹ ọ ma te kei ne uwa kpa hin Igipt rre?”

Nọmbas 17:2

“Tama ivbi Izrẹl ne iran viọ ọkpọ utuaotọ iweva ne uẹn, ọkpọkpa ghi gha re ọghe ọkpọkpa vbe uwu avbe ọkaolotu dọmwadẹ ẹwae, u ghi gbẹnnẹ eni dọmwadẹ ọghe ọe ye ọkpọ ẹre.

Diuteronomi 17:14

“Wa ghẹ ghi yan otọe ne Nọyaẹnmwa Osanobua ra mu ne uwa nẹ ighẹ uwa ghi gbe ẹkun sẹ otọ nẹ, ẹghẹ nii, wa gha kha wẹ wa ho ne uwa gha mwẹ ọba zẹ vbe avbe ẹvbo ni lẹga uwa.

Jọsua 24:1

E Jọsua keghi si avbe ẹwae Izrẹl hia koko vbe Siẹkẹm. Ọ keghi tie avbe ediọn, avbe ọkaolotu, avbe enibuohiẹn kevbe avbe ekamakodin Izrẹl, iran kegha die odaro Osanobua.

Giọgis 8:23

E Gidiọn keghi wanniẹn wẹẹ, “Mẹ i ra kha yan uwa, ovbi mwẹ i vbe kha yan uwa, e Nọyaẹnmwa ọ re ọ khian gha kha yan uwa.”

I Samuẹl 10:20

Ẹre Samuẹl na wẹ ne uniẹn ọkpọkpa gha ladian, e Nọyaẹnmwa keghi hannọ uniẹn e Bẹnjamin zẹ.

I Samuẹl 12:12

Wa ghi vbe miẹn wẹ e Nahas ne ọba Amọn mu egbe ne ọ gu uwa gbinna, wa keghi he e Nọyaẹnmwa zẹ vbe ọba uwa, wa keghi tama mwẹ wẹẹ,

I Samuẹl 14:23

Okuo ni keghi gberra e Betavin, e Nọyaẹnmwa keghi miẹn ivbi Izrẹl fan vbe ẹdẹ ne ẹdẹrriọ.

I Samuẹl 14:38

Ẹre Sọl na tama avbe ọkaolotu emwa ni wẹẹ, “Wa larre ne uwa do gualọ orukhọ ne a ru ẹrẹna miẹn.

I Samuẹl 3:21

E Nọyaẹnmwa keghi wa gha rhie egbe maa vbe Silo, ehe ne ọ na rhie egbe ma Samuẹl, ọ na vbe guẹe guan, Izrẹl hia ghi wa gha rhie ẹmwẹ ọnrẹn.

I Samuẹl 4:1

Ẹghẹ nii, ivbi e Filistin keghi mu okuo gie ivbi Izrẹl, ivbi Izrẹl keghi mu agọ ye Ebẹnẹza, ivbi e Filistin keghi bu agọ iran ye Afẹk.

I Samuẹl 8:19

Emwa nii ma kue zẹ ye Samuẹl re. Iran keghi wanniẹn wẹẹ, “Ẹn o!” Ma gualọ ọba.

I Samuẹl 8:5

iran tama rẹn wẹẹ, “Ghe, u khian ọmaẹn nẹ, avbe ivbi uẹ i vbe lele ukpowẹ ruẹ. Rhunmwuda ọnii, zẹ ọba ọkpa yọ ne ọ gha khaemwisẹ yan ima ne ima vbe gha mwẹ ọba vbene avbe ẹvbo ọvbehe vbe mwẹ ọnrẹn.”