I Samuẹl 10:18 - Edo Bible (E Baibol Ẹdo) Version 1996

¹⁸ Ọ keghi tama iran wẹẹ, “E Nọyaẹnmwa ne Osanobua Izrẹl khare wẹẹ, ‘Mẹ ọ re ọ viọ uwa ke Igipt ladian, I keghi miẹn uwa fan vbe obọ ivbi Igipt kevbe avbe emwa ọvbehe hia ni gha kpokpo uwa.

I Samuẹl 10:18 ပူးပေါင်းရင်းမြစ်များ

Ẹksọdọs 29:46

Iran gha vbe rẹn wẹ mẹ ọrọre Nọyaẹnmwa ne Osanobua iran, ne ọ viọ iran ke Igipt ladian ne ọ do gha rre uwu ẹbu iran. Mẹ ọrọre Nọyaẹnmwa ne Osanobua iran.

Nọmbas 10:9

Wa gha khọn vbe otọ uwa, ọnii nọ we vbe uwa a gha gu emwa ni mu okuo gie uwa khọn, wa ghi ye avbe okpe na kpe okpe orhu okuo Mẹ ne Nọyaẹnmwa Osanobua rua gha yi uwa obọ, I ghi miẹn uwa fan vbe obọ eghian uwa.

Giọgis 2:1

Odibo e Nọyaẹnmwa keghi ke Gilgal kpao gha rrie Bokim, ọ Keghi tama ivbi Izrẹl wẹẹ “I viọ uwa ke Igipt ladian, I keghi viọ uwa gha die otọ ne I ve avbe erha uwa odede re. I keghi kha wẹẹ, ‘Mẹ I ra rra ile ne I gu uwa ta.

I Samuẹl 12:8

E Jekọb vbe emwa rẹn ghi kpao gha rrie Igipt, avbe ivbi Igipt kegha zẹ iran kpokpo, avbe erha uwa odede keghi tu tie e Nọyaẹnmwa ne ọ do yi iran obọ, rẹn keghi gie Mosis kevbe Errọn ni viọ iran ladian vbe Igipt, iran na gbe iran ẹkun sẹ otọ vbe otọe na.