I Samuẹl 10:11 - Edo Bible (E Baibol Ẹdo) Version 1996

¹¹ Emwa ni ka rẹn ọnrẹn yi ghi miẹn ọẹn vbe ọ ru emwi vberriọ, iran kegha nọ egbe wẹẹ, “Vbọ ghi rruan ovbi e Kis yi? E Sọl vbe khian akhasẹ nẹ ra?”

I Samuẹl 10:11 ပူးပေါင်းရင်းမြစ်များ

Emọs 7:14

Emọs keghi wanniẹn wẹẹ, “Mẹ i re egbe avbe akhasẹ ne ọ miẹn igho ye ne ọ na guan ẹmwẹ akhasẹ, ọsuohuan ọ re I khin, I vbe gbe aro ghe avbe erhan ohọ.

Emọs 7:15

Sokpan e Nọyaẹnmwa keghi rhie mwẹ hin ehe ne I na su ohuan rre, ọ na tama mwẹ wẹ ne I ya gha guan ẹmwẹ akhasẹ ma ivbi Izrẹl ne emwa irẹn.

Iyẹn ne ọ Maan Ọghe Jọn 7:15

Unu keghi kakabọ yan avbe Ju, iran wẹẹ, “Vbe okona na rẹn emwi sẹ rriọ hẹ yi ugbẹn vbe ọ ma yo esuku?”

Iwinna 3:10

Ugbẹn vbe iran ghi do rẹn ighe ne ọ vbu evbare re ne ọ tota ye “Onurho Ne ọ mose” ọghe Ọgua Osa nọ, ọ keghi kpan iran odin, ọ yan iran unu uan ighe emwi ne ọ sunu vbe egbe ẹre.

Iwinna 4:13

Unu keghi mobọ yan emwa ni rre Iko nii vbe iran miẹn vbene Pita kevbe Jọn din hẹ, sẹe hia vbe iran ghi vbe do rẹn wẹ emwa kẹkan ni ma ruẹ ebe ọre iran khin. Ẹkpo nii ọre iran na do yerre wẹ Jesu ọre iran ka gha lele khian.

Iwinna 9:21

Unu keghi yan emwa ni họn ẹn hia, iran kegha nọ wẹẹ, “Ọ na i re oko nii ne ọ gbele emwa ni ya eni na yi vbe Jerusalẹm? Ẹ i re ne ọ do munọ iran, ne ọ vbe viọ iran bu avbe igie ohẹn ọre ọ yae gha die edinran?”

I Samuẹl 19:24

Rẹn keghi bannọ ukpọn kua, ọ na gha ku, ọ na gha vannọ vbe odaro e Samuẹl. Ọ keghi wa lovbiẹ vbe irhunmwirhun avan nii hia ke ẹe kevbe asọn nii hia. (Erriọ ọre itan na ya suẹn wẹẹ, “Akhasẹ ọre Sọl ghi vbe khin ra?”)