I Samuẹl 1:9 - Edo Bible (E Baibol Ẹdo) Version 1996

^9-10 Ọ ghi sẹ ẹghẹ ọkpa vbe Siailo, vbe iran ghi rri evbare nẹ, e Hanna keghi kpaegbe. Elai ne ohẹn keghi tota ye ihe ọkpẹn onurho Ọgua Osa e Nọyaẹnmwa. Iro keghi wa han Hanna, ọ na viẹ eve orriara vbe ehe ne ọ na na erhunmwu ghe Nọyaẹnmwa.

I Samuẹl 1:9 ပူးပေါင်းရင်းမြစ်များ

II Samuẹl 7:2

Ẹre ọba na tama e Natan ne akhasẹ wẹẹ, “Ghe, mẹ rre owa ne a ya sida bọ, sokpan, Ẹkpẹti Ile ọghe Osanobua rre uwu owa ukpọn.”

Psalm 27:4

Emwi ọkpa, ọ re imẹ nọ Nọyaẹnmwa re, emwi ọkpa ni ọ re I vbe ho, ne imẹ gha rre uwu owa e Nọyaẹnmwa ẹdẹdẹmwẹdẹ. Ne I gha ye ọyunnuan ghe iwinna rẹn, ne ọ gha ma mwẹ odẹ.

Psalm 29:9

Urhu e Nọyaẹnmwa rueghe okan ọ kevbe bọnmwẹ ẹbe hin erhan nii rre. Vbene emwa ni rre Ọgua Osa ẹre na go kha wẹẹ, “Uyi nọ ne Osanobua.”

Psalm 5:7

Sokpan, rhunmwuda ahoẹmwọmwa ruẹn nọkhua, mẹ gha sẹtin gha die uwu owa ruẹ. I gha sẹtin ga, vbe uwu ọgua Osa ruẹ ne ọ huanrẹn, mẹ ghi vbe ya ọghọ ghughẹrre nuẹn.

Ẹksọdọs 21:6

ẹghẹ nii, arowa ẹre ghi rhie ẹre bu Osanobua gha dee, ọ ghi rhie ẹre gha die onurho ra ọkpẹn ẹkhu, ọ ghi ha ẹre ehọ. Rẹn ghi do gha re ọviẹn ọ te ya wu.

I Samuẹl 3:15

E Samuẹl keghi lovbiẹ ye ukpo ẹre rhinrin ya sẹ owiẹ, ọ keghi kpaegbe ọ na ya kie urho ọgua Osa. Ohan ma gie ẹe ta umian nii ma Elai.

I Samuẹl 3:3

E Samuẹl keghi vbe gha vbiẹ vbe uwu Ogiukpo, ehe ne Ẹkpẹti Ile ọghe Osanobua ye. Ukpa ne ọ rre evba ke ye gha baa.

I Samuẹl 4:13

Elai keghi tota ye ọkpẹn odẹ vbe ehe ne ọ wa tota yi, ọ na gha ghe umọdia. Afianma keghi wa gha fian ẹn ba ẹmwẹ Ẹkpẹti osẹe ọghe Nọyaẹnmwa. Okpia nii ghi sẹ adesẹneva ẹvbo, ọ keghi na iyẹn, emwa hia kegha tulo rhunmwuda ohan mu iran.