I Samuẹl 1:8 - Edo Bible (E Baibol Ẹdo) Version 1996

⁸ Ẹlkana ne ọdọ ẹre ghi nọ rẹn wẹẹ, “Hanna, vbọzẹ ne u na viẹ yi? Vbọzẹ ne u ma na rri evbare? Vbọzẹ ne ẹko ruẹ na rhia sẹrriọ ẹghẹ hia? Mẹ ma sẹ emọ igbe ne uwẹ ra?”

I Samuẹl 1:8 ပူးပေါင်းရင်းမြစ်များ

II Ọba 8:12

E Hazaẹl keghi nọ rẹn wẹẹ, “Vbọzẹ ne u na viẹ yi enọwanrẹn?” Elaisia keghi wanniẹn wẹẹ, “Rhunmwuda, I miẹn emwi ne ọ wegbe ne u ra ru ivbi Izrẹl re. U gha rhu erhẹn ye owa ọkhẹ iran, u ghi rẹnkhẹn nii maa sẹẹ vbe igbama iran, u ghi dunmwu ivbi iran an, u ghi vbe wọlọ akpa hin ẹko ikhuohanmwẹ rre.”

Job 6:14

“Ẹghẹ ọlọghọmwa vbenian, avbe ọse ne ọ guobọmwa ọ re I ho. Adeghẹ I fi iyeke gbe Osanobua ra ẹn o.

Psalm 43:4

Ẹghẹ nii, mẹ gha na gha rriẹ Ogiukpo ruẹ Osanobua wẹ ọrọre ẹzi oghọghọ mwẹ. I gha kpe akpata mwẹ I ghi vbe gha so ihuan urhomwẹ ghe ruẹ Osanobua, Osanobua mwẹ.

Aizaia 54:1

E Jerusalẹm, te uwẹ gha ye vbe okhuo ne ẹ i mwẹ emọ, sokpan, eban nian, u sẹtin so ihuan ne u vbe gha wee ne oghọghọ. Eban nian, u gha mwẹ emọ sẹ okhuo ne ọdọ ẹre ma sẹrae ẹdẹ,

Aizaia 54:6

Izrẹl te u ye vbe okhuo ọvbokhan ne ọdọ lẹẹ sẹ rae ekhọe ẹre na rhiaa ẹsẹse. Sokpan, e Nọyaẹnmwa dọlegbe tie ruẹ rriegbe ọ na kha wẹẹ,

Iyẹn ne ọ Maan Ọghe Jọn 20:13

Iran nọ rẹn wẹẹ, “Okhuo na, vbe u a viẹ baa?”

Iyẹn ne ọ Maan Ọghe Jọn 20:15

Jesu nọ rẹn wẹẹ, “Okhuo na vbe u a viẹ baa? De ọmwa ne u gualọ?” Rẹn keghi te gha ro ighẹ ne ọ gbe aro ghe ogba nii nọ, ọ keghi tama rẹn wẹẹ, “Enọwanrẹn, deghẹ u muẹn hin emwa rre, tama mwẹ ehe ne u mu ẹn yi ne I ya mu.”

I Tẹsalonaika 5:14

Ma kakabọ tua unu muẹn ma uwa etẹn mwẹ, wa gha ye obọ sa ekhae ne iran ni si oroho, wa gha rhie udinmwẹ ne iran ni ma din, wa gha ye iran ni ma wo vbe egbe obọ, wa gha mu ẹmwẹ emwa hia wo egbe.

Ebe Rut 4:15

Te ọ gha rhie ẹdagbọn ọgbọn gie uẹ kevbe ne ọ gha re eke ne a ya egbe gọ yan vbe ẹghẹ ọmaẹn ruẹn. Amwẹ ovbi uẹ ne ọ biẹ ọe wa ho ẹmwẹ ruẹn, ọ gha vbe ru nuẹn sẹ emọ ikpia ihinrọn.”

I Samuẹl 1:7

Erriọ ọ re emwi na gha sunu ukpukpo; ẹghẹ kẹghẹ ne iran ya yo owa e Nọyaẹnmwa, e Penina ghi ru Hanna sẹrriọ wẹ, ọ ghi gha viẹ, ẹ i rri evbare rhọkpa.