I Samuẹl 1:5 - Edo Bible (E Baibol Ẹdo) Version 1996

⁵ Sokpan ọ ghi rhie ne ọ mobọ maa ne Hanna. Ọ kakabọ ho ẹmwẹ ọnrẹn, a gha rhe miẹn wẹ e Nọyaẹnmwa ma rhie ọmọ ne ẹẹn biẹ.

I Samuẹl 1:5 ပူးပေါင်းရင်းမြစ်များ

Gẹnẹsis 11:30

Serai ma gha mwẹ emọ, rhunmwuda ọ ma biẹ.

Gẹnẹsis 16:1

E Serai ne amwẹ Ebram ma biẹ nẹẹn. Sokpan rẹn kegha mwẹ ovbi Igipt nokhuo ọkpa ne a tiẹre Hega vbe ọviẹn,

Gẹnẹsis 30:1

Sokpan, e Rekiẹl, ma he biẹ ne Jekọb, ọ keghi gha gbọvo ọtiọnrẹn, ọ keghi khama e Jekọb wẹẹ, “Rhie ọmọ mẹ biẹ, deghẹ ẹ ire erriọ, I gha wu.”

Gẹnẹsis 30:2

Ohu e Rekiẹl keghi mu e Jekọb, ọ na wẹẹ, “Mẹ ira sẹtin mudia ye ihe Osanobua. Rẹn ọre ọ ma guẹ biẹ.”

Gẹnẹsis 43:34

A kegha ke eteburu e Josẹf viọ evbare gie iran. A keghi gie evbare Bẹnjamin ye ukhukhu isẹn sẹ ọghe iran nekpa. Iran keghi guẹe re, guẹe da, ayọn te do gha gbe iran.

Gẹnẹsis 45:22

Ọ kevbe viọ ukpọn ne iran gha ya fi ni rre iran ẹkun werriẹ ne iran, sokpan ọ keghi viọ agiẹghẹ esiliva iyisẹn yan uri (300) ne Bẹnjamin kevbe ẹwu ughughan isẹn.

Diuteronomi 21:15

“A gha miẹn ighẹ okpia mwẹ ikhuo eva, iran eveva na biẹlẹ emọ ikpia ne ẹẹn, sokpan a keghi miẹn wẹ ẹ i re amwebọ ne ọ rrọ ọ re ọ biẹ ọdiọn.