I Samuẹl 1:3 - Edo Bible (E Baibol Ẹdo) Version 1996

³ Ukpukpo ọ re Ẹlkana ya ke ẹvbo ẹre kpao gha rrie Siailo, ne ọ ya ga, kevbe ne ọ ya zọ ese ghe Nọyaẹnmwa ne Oghodua. E Hofnai kevbe Finihaz ne ivbi Elai eva, kegha re ohẹn ọghe Nọyaẹnmwa vbe evba.

I Samuẹl 1:3 ပူးပေါင်းရင်းမြစ်များ

Psalm 78:60

Ọ he owa ukpọn ẹnrẹn ne ọ rre Siailo ye otọ, owa ne irẹn te gha ye vbe uwu ẹbu ima.

Ẹksọdọs 23:14

Igba eha vbe ukpo ọre uwa gha ru emwiukpo mẹ.

Ẹksọdọs 23:17

Igba eha vbe ukpo ọre ikpia nii rre ọbuohiẹn uwa hia gha do gha miẹn mwẹ aro, erriọ Nọyaẹnmwa khare.

Ẹksọdọs 34:23

Ikpia nii rre uwu uwa hia ghi gha rri ehe ne I ye igba eha vbe ukpo, mẹ ne Nọyaẹnmwa, Osanobua ọghe Izrẹl.

Iyẹn ne ọ Maan Ọghe Luk 2:41

Ukpukpo ọre avbe evbibiẹ Jesu ya gha ru Emwiukpo Alagberra vbe Jerusalẹm.

Diuteronomi 16:16

“Ikpia ẹvbo ruẹ hia, igba eha vbe ukpo ọ re iran gha yo ihọkpa nii ne a na ga ẹe ya gha ga e Nọyaẹnmwa, ena ọ re Alagberra, Emwiukpo Akọrhọre kevbe Emwiukpo Irhu. Dọmwadẹ ọghe ọe ghi rhie ọhẹ gha dee.

Jọsua 18:1

Iran ghi khọn otọe ni nẹ, ivbi Izrẹl hia ke do si koko vbe Siailo, iran na mu Owa Ukpọn e Nọyaẹnmwa ye evba.

Giọgis 18:31

Amazẹ ọghe Maika kegha rre evba vbe ẹghẹ hia ne Owa Ukpọn ọghe Osanobua vbe ya gha rre e Silo.

Giọgis 21:19

Ẹre iran ghi na kha wẹẹ, “Emwiukpo e Nọyaẹnmwa ne a ru vbe Siailo ukpukpo sikẹ otọ nẹ.” (Siailo odẹ okuọ Bẹtẹl ọ re ọ ye vbe odẹ Lebanọn kevbe odẹ ahọ ọghe odẹ ne ọ rre ẹkpo Bẹtẹl kevbe Siẹkẹm.)

I Samuẹl 1:21

Ẹlkana kevbe ẹgbẹe ọre kegha rrie Siailo ne ọ ya zọ ese ukpukpo kevbe ese ne irẹn yan rẹn kpataki, ghe e Nọyaẹnmwa.

I Samuẹl 1:9

Ọ ghi sẹ ẹghẹ ọkpa vbe Siailo, vbe iran ghi rri evbare nẹ, e Hanna keghi kpaegbe. Elai ne ohẹn keghi tota ye ihe ọkpẹn onurho Ọgua Osa e Nọyaẹnmwa. Iro keghi wa han Hanna, ọ na viẹ eve orriara vbe ehe ne ọ na na erhunmwu ghe Nọyaẹnmwa.

I Samuẹl 14:3

(Ohẹn ne ọ mu adaghọ rhuan kegha re Ahija ne ovbi ọtẹn Ikabọd ne a tie ẹre Ahitub ne ovbi e Finihaz, eyẹ Elai ne ohẹn e Nọyaẹnmwa vbe Siailo.) Emwa nii ma rẹn wẹ e Jonatan ladian.

I Samuẹl 2:19

Ukpukpo ọ re iye ẹe ya gha dẹlẹ ovbi ẹwu gie ẹe vbe ọ gha lele ọdafẹn ọnrẹn ya zọ ese ukpukpo nii.

I Samuẹl 2:34

Ẹghẹ ne ivbi uẹ eva ighẹ Hofnai kevbe Finihaz gha na wulo ẹdẹ ọkpa, ọnii gha rhie maa ruẹn wẹ, ẹmwẹ ne I ta nẹ, ẹ i mwẹ ọ ma sẹ.

I Samuẹl 3:13

I tama rẹn ne wẹẹ, I gha rri uniẹn ọnrẹn oya ẹdẹdẹmwẹdẹ, rhunmwuda, ivbi ẹre fi unu gun mwẹ. Elai rẹnrẹn ighẹ iran ru emwi na, sokpan ọ ma kie iran ukpo ọre.

I Samuẹl 4:11

okuo keghi khọn mu Ẹkpẹti Ile ọghe Nọyaẹnmwa iran keghi gbele Hofnai ke Finihaz ne ivbi Elai eveva.

I Samuẹl 4:4

Iran keghi rhunmwuda onii gie emwa gha rrie Silo, iran na ya mu Ẹkpẹti Ile ọghe Nọyaẹnmwa ne Oghodua, ne ọ tota yan ẹkete ẹre vbe adesẹneva emwi na yi ni mwẹ ifuẹn nii, ivbi Elai eveva Hofnai kevbe Finihaz keghi lele Ẹkpẹti Ile ni gha dee.