I Samuẹl 1:23 - Edo Bible (E Baibol Ẹdo) Version 1996

²³ Ẹlkana keghi tama rẹn wẹẹ, “Ru ẹe vbene ọ ke yi sẹẹ vbe aro ruẹ, tota ye owa u te do fian ọmọ nii ewẹn. Osanobua ne ọ gie eyan ne u yan rẹn sẹ.” Rhunmwuda ọnii, e Hanna keghi tota vbe owa, ọ na gha koko ovbi ẹre.

I Samuẹl 1:23 ပူးပေါင်းရင်းမြစ်များ

II Samuẹl 7:25

“Wanwanna nian, e Nọyaẹnmwa Osanobua, eyan ne u yan rẹn vbe ekpa mwẹ kevbe ẹgbẹe mwẹ, gie ẹe gha re ne u mu sẹ ke orre yasẹ orre, ne u vbe ru emwi ne u khare ighẹ u gha ru.

I Ọba 3:21

Ẹdẹ ghi gbe, i ghi rhiọrre, vbe I ghi mu ọmọ ne i ya ne ẹẹn wẹn, I keghi miẹn wẹ, ọ wu, I keghi kakabọ ghẹ ẹre ẹse, I na miẹn wẹ ẹ i rre ovbi mwẹ.”

Psalm 22:9

Wẹ ọ re ọ gie a biẹ mwẹ hẹnnẹdẹn. Ẹghẹ ne I na re ọmobọ, wẹ ọ re ọ rhie mwẹ lẹre.

Aizaia 44:26

Sokpan avbe eguọmwadia mwẹ ta emwi ne ọ gha he sunu yotọ Mẹ gha gie ọmwa uhunmwu ne ọ ya rhie emwamwa mwẹ maa, I ghi ru ẹe ne avbe emwamwa nii kevbe ẹmwẹ ne a ta yotọ nii gele gha sunu. I tama Jerusalẹm wẹ emwa gha dọlegbe gha rre evba, kevbe avbe okpẹvbo ni rre Juda ighe a gha dọlegbe bọ iran. Avbe ẹvbo nii gha kpaegbe hin itowa ree.

Nọmbas 30:12

Sokpan adeghẹ ọdọ ẹre ma kue ne ọ mu eyan nii sẹ vbe ọ họn ẹẹn, a i ghi vbe wẹ ne ọ ru ẹe. Ọdọ ẹre ọre ọ ma gie ẹe mu eyan ni sẹ. E Nọyaẹnmwa gha ya bọ ẹe.

Matiu 24:19

U miẹn vbene ogha ba so ikhuo-hanmwẹ kevbe ne emobọ gue hẹ ẹdẹnẹdẹrriọ.

Iyẹn ne ọ Maan Ọghe Luk 11:27

Jesu ghi ta ẹmwẹ na nẹ, okhuo ọkpa keghi niẹn urhu ke uwu ẹbu rre wẹẹ, “U miẹn egie ne ọ ye ighe okhuo nẹ ọ biẹ ọ kevbe ne ọ koko uẹ!”

I Samuẹl 1:17

Elai keghi tama rẹn wẹẹ, “Gha khian vbe ọfumwegbe, te Osanobua Izrẹl gha rhie emwi ne u nọ ẹre re nuẹn.”

I Samuẹl 14:36

E Sọl keghi tama emwa rẹn wẹẹ, “Wa gie ima ya hẹ rhu avbe emwa e Filistin vbe asọn, a ghi viọ iran emwi vbe ẹdẹ te do gbe ne a gbele iran hia a.” Iran keghi wanniẹn tama rẹn wẹẹ, “Ru ẹe vbene u roro ighẹ ọ ke yi vbe ekhọe ruẹ.” Sokpan, ohẹn ke kha wẹẹ, “Gia ka nọ Osanobua nẹ.”

I Samuẹl 14:40

Ẹre Sọl na tama iran wẹẹ, “Wa hia mudia vbe odọ ne imẹ vbe Jonatan mudia vbe edinran. Iran wanniẹn tama rẹn wẹ, ru ẹe vbe ne u roro ighẹ ọ ke yi sẹẹ.”