I Samuẹl 1:22 - Edo Bible (E Baibol Ẹdo) Version 1996

²² Sokpan, e Hanna ma yo. Ọ keghi tama ọdọ ẹre wẹẹ, “Ọmọ na gha ghi wa fian ewẹn nẹ, I ghi rhie ẹre gha rrie owa Osanobua, ọ ghi ya gha rre evba vbe ẹdẹ agbọn rẹn hia.”

I Samuẹl 1:22 ပူးပေါင်းရင်းမြစ်များ

Psalm 110:4

E Nọyaẹnmwa vẹe ye urhu nẹ, ẹ i ra vbe fi ẹe werriẹ wẹẹ, “Ohẹn wẹ ra gha khin ẹdẹdẹmwẹdẹ vbe uniẹn ne a na rri ohẹn ọghe Mẹlkizẹdẹk.”

Psalm 23:6

Aro mwẹ dae wẹ aro ne ọma kevbe aho ẹmwẹ ọmwa ruẹn, gha gunmwẹ gha rrọọ, vbe ẹdagbọn mwẹ hia. Kevbe wẹ, owa ruẹ ọ re imẹ ra gha ye vbe ẹdẹ hia ni I gha ya vbe agbọn.

Psalm 27:4

Emwi ọkpa, ọ re imẹ nọ Nọyaẹnmwa re, emwi ọkpa ni ọ re I vbe ho, ne imẹ gha rre uwu owa e Nọyaẹnmwa ẹdẹdẹmwẹdẹ. Ne I gha ye ọyunnuan ghe iwinna rẹn, ne ọ gha ma mwẹ odẹ.

Ẹksọdọs 21:6

ẹghẹ nii, arowa ẹre ghi rhie ẹre bu Osanobua gha dee, ọ ghi rhie ẹre gha die onurho ra ọkpẹn ẹkhu, ọ ghi ha ẹre ehọ. Rẹn ghi do gha re ọviẹn ọ te ya wu.

Aizaia 9:7

Te ẹtin arriọba ẹre ra gha muan yọ, ọfumwegbe ọ re otọe arriọba ẹre ra gha ye vbe ẹghẹ hia te irẹn ra rriọba zẹvbe ọmwa ne ọ rriọba lele Devid ne Ọba ẹmwata kevbe uhunmwu ẹmwẹ ọ re irẹn ra ya gha mwẹ ẹtin; ke ẹghẹ na kpao ya sẹ ufomwẹ agbọn. E Nọyaẹnmwa ne Oghodua tae nẹ ighe erriọ rẹn ra ru ehia.

Levitikọs 25:23

“Wa ghẹ khiẹn otọ uwa fua fẹẹrẹ, rhunmwuda ẹ i re ọwuẹ ọghe Osanobua nọ, te uwa ye vbe orhunmwuyẹn ne a kue yọ ẹre ne ọ gha lo ẹre.

Iyẹn ne ọ Maan Ọghe Luk 2:22

Ẹghẹ ghi sẹ nẹ ne Meri kevbe Josẹf gha ya mu Uhi Mosis sẹ ne iran ya ru ugamwẹ akpehuan, iran keghi mu ọmọ ni gha rrie Jerusalẹm ne a ya mu ẹn gie Nọyaẹnmwa.

Diuteronomi 16:16

“Ikpia ẹvbo ruẹ hia, igba eha vbe ukpo ọ re iran gha yo ihọkpa nii ne a na ga ẹe ya gha ga e Nọyaẹnmwa, ena ọ re Alagberra, Emwiukpo Akọrhọre kevbe Emwiukpo Irhu. Dọmwadẹ ọghe ọe ghi rhie ọhẹ gha dee.

Jọsua 4:7

Wa ghi tama iran wẹ ẹghẹ ne Ẹkpẹti Ile ọghe Nọyaẹnmwa na fian Ẹzẹ Jọdan rra, amẹ ọnrẹn keghi dobọ ulẹmwẹ yi. Avbe okuta na ghi gha re ama ayere ne ivbi Izrẹl ẹdẹdẹmwẹdẹ.”

I Samuẹl 1:11

E Hanna keghi ye ekhọe kekhọe ru eyan wẹẹ, “Oghodua Nọyaẹnmwa, ghe mwẹ, mẹ ne ọguọmwadia ruẹ. Ghe ukpokpo ne I mwẹ, ne u ye mwẹ rre. A deghẹ u rhie ọmọ okpia mẹ, I yan rẹn ighẹ I gha yae fi ohan nuẹn ne ọ gha re ọwuẹ vbe ẹdẹ agbọn rẹn hia, ẹ i ra vbe gbe eto ẹre.”

I Samuẹl 1:28

Rhunmwuda ọnii, te imẹ ghi ra ya ẹe fi ohan ne Nọyaẹnmwa. Ẹghẹ ne ọ rhirhi ya vbe agbọn, ọ ghe Nọyaẹnmwa rẹn khian gha khin.” Ẹre iran na ga e Nọyaẹnmwa vbe evba.

I Samuẹl 13:13

E Samuẹl keghi wanniẹn wẹẹ, “Emwi ukọnmwẹ ọ re uwa ru nii. U ma ru vbene Nọyaẹnmwa Osanobua ruẹ tama ruẹn. Akpawẹ te u họn ẹmwẹ ọnrẹn, ọ gha gie uwa vbe uniẹn ruẹn gha khaemwisẹ yan Izrẹl ẹdẹdẹmwẹdẹ.

I Samuẹl 2:11

Ẹre Ẹlkana na werriegbe gha rrie Rama, sokpan, ọmọ okpia nii keghi tota vbe Silo, ọ kegha ga e Nọyaẹnmwa vbe ototọ Elai ne Ohẹn.

I Samuẹl 2:18

E Samuẹl ne ọmọ okpia nii, kegha ga e Nọyaẹnmwa vbe Siailo, ọ ghi mu adaghọ eto ovbiohuẹ rhuan.

I Samuẹl 28:2

E Devid keghi wanniẹn wẹẹ, “Wẹ rẹnrẹn wẹ ọguọmwadia ruẹ ọ re I khin, wẹ tobọ gha vbe miẹn emwi ne I gha ru.” Akis keghi kha wẹẹ, “Ọ wa maa, I gha ya ẹe ru ne I ya khẹ egbe mwẹ ẹdẹdẹmwẹdẹ.”

I Samuẹl 3:1

Ẹghẹ ne ọmọ nii ighẹ Samuẹl na gha ga e Nọyaẹnmwa vbe ototọ Elai. E Nọyaẹnmwa i mobọ gie uhunmwu rre, umian ne ọ rhie ne ọmwa gha miẹn, ma vbe gha kpọ.