I Samuẹl 1:18 - Edo Bible (E Baibol Ẹdo) Version 1996

¹⁸ Okhuo nii keghi wanniẹn wẹẹ, “Te u ghi ra gha zẹ iro itohan da mwẹ vbe ẹghẹ hia.” Ọ na kpao. Ọ keghi ya rri evbare, ọ ma ghi vbe gha khiẹ.

I Samuẹl 1:18 ပူးပေါင်းရင်းမြစ်များ

Gẹnẹsis 32:5

I mwẹ ẹmila, ekẹtẹkẹtẹ, ohuan, ẹwe, kevbe eviẹn. Te I gie uhunmwu guẹ enọwanrẹn ne I ya gualọ aro ne ọ maa vbe obọ ruẹ.”

Gẹnẹsis 32:6

Ugbẹn vbe iran ne a gie ẹre uhunmwu ghi rre, iran wẹẹ, “Ma sẹ ehe ne Isọ ne ọtuẹn ye, rẹn sẹ odẹ nẹ nian ne ọ na bu ruẹ dee. Ọ viọ arhin uri eva ba egbe.”

Gẹnẹsis 33:15

Isọ keghi kha wẹẹ, “I ghi sẹ emwa mwẹ eso rae nuẹn khekherriọ.” Sokpan e Jekọb wanniẹn wẹẹ, “U ru ẹse gbe, sokpan, ghẹ gbokhuo, aro ne ọ maa ruẹn ọkpa ọre I gualọ.”

Gẹnẹsis 33:8

Isọ keghi nọ rẹn wẹẹ, “Otu ne I ka vbe miẹn vbe odọ, de ne eni vbe khin vbọ, vba a yae kha?” E Jekọb wanniẹn wẹẹ, “Te I wẹ ne I yae gualọ aro ne ọ maa ọ wuẹ.”

Psalm 34:6

Iran ne ẹtin fo nẹ kpe tie ẹre, ọ keghi fannọ iran ye otọ vbe uwu ọlọghọmwa iran hia.

Asan-Ibo 9:7

Gie obọ gha kẹe, rri evbare ruẹ ne u gie ẹko gha sẹ uwẹ ọyẹnmwẹ, da ayọn ruẹn ne u dọlọ aro yi vbe uhunmwu. Erhọkpa i khọ vbe aro Osanobua.

Iyẹn ne ọ Maan Ọghe Jọn 16:24

He do sẹ banbanna, wa ma he ya eni mwẹ nọ emwikemwi, wa nọ ighẹ ọ gha sẹ uwa obọ. Ne ọyẹnmwẹ uwa miẹn ehe na gha re ne ọ sẹ otọ ẹko.

Ebe ne Pọl gbẹẹn gie emwa Rom 15:13

Te Osanobua obọ ọmwa ne idaehọ hia ke rre gha ya oghogho kevbe ọfumwegbe vuọn uwa, vbekpa iyayi ne uwa mwẹ vbe uwu irẹn, ne idaehọ uwa miẹn ehe na gha muan yọ vbekpa ẹtin Orhiọn Ne Ọ Huanrẹn.

Ebe Rut 2:13

E Rut keghi wanniẹn wẹẹ, “Enọwanrẹn, u kakabọ tohan mwẹ. Vbene u vbe gun mwẹ guan khuẹrhẹ, wa vbe rhie igiẹdu mẹ, mẹ ne ọguọmwadia ruẹ, a gha rhe miẹn wẹ I ma vba ọkpa vbe uwu avbe eguọmwadia ruẹ.”

Ebe Rut 2:2

Ẹdẹ ikẹtin e Rut keghi tama Naomi wẹẹ, “Gunmwẹ gha rrie ugbo ne I ya gha rhọ vbe erhan ọka ne iran ni rhọ emwiokọ rhọ sẹrae. I gha rhọ ẹre lele ikpia eso nẹ, ọ gha kue yọ ne I gha rhọ ẹre.” E Naomi keghi wanniẹn wẹẹ, “Gha khian ovbi mwẹ.”