I Samuẹl 1:11 - Edo Bible (E Baibol Ẹdo) Version 1996

¹¹ E Hanna keghi ye ekhọe kekhọe ru eyan wẹẹ, “Oghodua Nọyaẹnmwa, ghe mwẹ, mẹ ne ọguọmwadia ruẹ. Ghe ukpokpo ne I mwẹ, ne u ye mwẹ rre. A deghẹ u rhie ọmọ okpia mẹ, I yan rẹn ighẹ I gha yae fi ohan nuẹn ne ọ gha re ọwuẹ vbe ẹdẹ agbọn rẹn hia, ẹ i ra vbe gbe eto ẹre.”

I Samuẹl 1:11 ပူးပေါင်းရင်းမြစ်များ

Gẹnẹsis 28:20

Ẹre Jekọb ghi na yan vbe odaro Nọyaẹnmwa Osanobua wẹẹ, “A deghẹ u yaba mwẹ, u na degue mwẹ vbe okhian ne I ye na, u na rhie evbare kevbe ukpọn mẹ,

Gẹnẹsis 29:32

E Lia keghi hanmwa, ọ na biẹ ọmọ okpia ọ keghi kha wẹẹ, “E Nọyaẹnmwa rẹn ọlọghọmwa ne I mwẹ, te ọdọ mwẹ ghẹ ghi ho ẹmwẹ mwẹ nian”; ọ keghi he ẹre Riubẹn.

Gẹnẹsis 30:22

Ẹghẹ nii Osanobua keghi ye Rekiẹl rre, ọ keghi họn erhunmwu ẹnrẹn, ọ keghi giẹe biẹlẹ emọ.

Gẹnẹsis 8:1

Sokpan, Osanobua keghi ye Noa rre, kẹe kevbe avbe aranmwẹ oha kevbe emwirri ni guẹe rre uwe okọ, ọ gie ẹhoho ne ọ hoho ye agbọn, amẹ nii keghi gha rriotọ.

II Samuẹl 16:12

U gha ghe, e Nọyaẹnmwa gha zẹ ye usẹ ẹmwẹ agbọn ne I miẹn, ọ ghi ya ihẹn ne ọ tie na khian afiangbe mẹ.”

Psalm 25:18

Roro usẹ kevbe oya mwẹ ne u vbe ya orukhọ mwẹ hia bọ mwẹ.

Ẹksọdọs 4:31

Iran keghi yayi, ugbẹn vbe iran ghi họn wẹ Nọyaẹnmwa bu iran gha dee, ighẹ ọ vbe miẹn vbe iran sẹ iran usẹ hẹ, iran keghi ya uhunmwu rhanmwẹ otọ, iran na ga Osanobua.

Itan 31:2

“Ovbi mwẹ ne ọ ghan ọ re u khin, emwi ne a ya họn erhunmwu mwẹ. Demwi ne I gha tama ruẹn?

Asan-Ibo 5:4

Rhunmwuda ọnii, u gha ve Osanobua emwi, zẹgiẹgiẹ ru ẹe vbene u gha sẹtin rhulẹ ru ẹe sẹ. Rẹn i mwẹ vbe ọ ya ọzuọ ru. Ru emwi ne u yanrẹn ighe u gha ru.

Levitikọs 27:2

ne ọ viọ ne ivbi Izrẹl A deghẹ a ghi ya ọmwa fi ohan ne Nọyaẹnmwa nẹ, ne a miẹn ehe na mu eyan kpataki sẹ, ọmwa nii sẹtin rhan egbe ẹre vbe imu vbe ne ọ gha na hae avbe igho na.

Nọmbas 21:2

Ẹre ivbi Izrẹl na do yan emwi ne Nọyaẹnmwa wẹẹ, “U gha gie ima khọn iran na miẹn otọ, ma gha ya iran kevbe ẹvbo iran fi ohan nuẹn, ma ghi fuẹn iran uan.”

Nọmbas 6:11

Ohẹn ghi ya ọkpa zọ ese ye orukhọ, ọ ghi ye nọkpa zọ ese na giẹn uan, odẹ vberriọ ọ gha ru iruemwi akpehuan ne ẹẹn, rhunmwuda ne ọ na ya egbe kan orinmwi. Vbe ẹdẹ ọkpa nii, ọmwa nii ghi dọlegbe ya uhunmwu ẹnrẹn fi ohan.

Nọmbas 6:5

“Vbe ẹghẹ ne a na miẹn wẹẹ uwu eyan Agbihiagha ọ re ọ ye, wẹ ne ọ ghẹ gbe eto ra ne ọ zẹ ẹtu. Eyan Agbihiagha ne ọ ru nii ye muẹn la inu ẹghẹ ne a ya ẹe fi ohan ne Nọyaẹnmwa la, ọ ghi gie eto kevbe ẹtu ẹre gha sọn.

Nọmbas 6:8

Ẹghẹ ne ọ rhirhi ya gha re Agbihiagha, a ya ẹe fi ohan ne Nọyaẹnmwa.

Giọgis 11:30

E Jẹfta keghi yan ma e Nọyaẹnmwa wẹẹ, “U gha gun mwẹ khọn Amọn miotọ,

Giọgis 13:5

Rhunmwuda te u ra hanmwa na, ne u biẹ ọmọ okpia. Ghẹ zẹ ọre eto rhunmwuda, ke ẹdẹ ne a biẹ ọe kpao, ta a ra wa ya ẹe fi ohan ne e Nọyaẹnmwa zẹ vbe e Agbihiagha. Rẹn gha suẹn gha winna ọghe ne a miẹn ivbi Izrẹl fan vbe obọ emwa Filistia.”

I Samuẹl 1:12

E Hanna keghi wa ya ẹghẹ ne ọ taẹn gha na erhunmwu ghe Nọyaẹnmwa. Elai kegha ghe akhuarhamwunu ẹnrẹn.

I Samuẹl 1:19

Vbe owiẹ ne ọ lele ẹe, Ẹlkana kevbe ẹgbẹe ọre keghi guakpao, iran ghi gaa e Nọyaẹnmwa nẹ, iran keghi werriegbe gha rrie owa iran vbe Rama. Ẹlkana kevbe Hanna ne amwẹ ọnrẹn keghi miẹn egbe, e Nọyaẹnmwa keghi họn erhunmwu ẹnrẹn.

I Samuẹl 1:22

Sokpan, e Hanna ma yo. Ọ keghi tama ọdọ ẹre wẹẹ, “Ọmọ na gha ghi wa fian ewẹn nẹ, I ghi rhie ẹre gha rrie owa Osanobua, ọ ghi ya gha rre evba vbe ẹdẹ agbọn rẹn hia.”

I Samuẹl 1:27

Ọmọ na ọ re I nọ ẹre re, ọ kevbe rhie emwi ne I nọ rẹn re mẹ.

I Samuẹl 1:28

Rhunmwuda ọnii, te imẹ ghi ra ya ẹe fi ohan ne Nọyaẹnmwa. Ẹghẹ ne ọ rhirhi ya vbe agbọn, ọ ghe Nọyaẹnmwa rẹn khian gha khin.” Ẹre iran na ga e Nọyaẹnmwa vbe evba.

I Samuẹl 2:20

Ẹghẹ nii, Elai ghi fiangbe Ẹlkana kevbe ọvbokhan rẹn, ọ ghi khama Ẹlkana wẹẹ, “E Nọyaẹnmwa ne ọ gie okhuo na biẹlẹ emọ ọvbehe nuẹn ne ọ rhie ihe ọnọna ne u ya fi ohan ne ẹẹn na.” Iyeke onii, iran ghi werriegbe gha rrie owa.