I Samuẹl 1:1 - Edo Bible (E Baibol Ẹdo) Version 1996

¹ Okpia ọkpa ne a tie ẹre Ẹlkana kegha rrọ, ovbi Ifreim nọ, ọ kegha rre Rama ne ẹvbo uhunmwu oke vbe otọe Ifreim. Ovbi e Jeroboam nọ, eyẹ ọghe Elihu, vbe ẹgbẹe Tohu ne uniẹn e Zuf.

I Samuẹl 1:1 ပူးပေါင်းရင်းမြစ်များ

I Ọba 11:26

Ọmwa ọvbehe ne ọ ghi vbe sọtẹ e Solomọn kegha re ọkpa vbe uwu emwa iwinna rẹn ne a tie ẹre Jeroboam ne ovbi e Nebat ne ọ ke Zareda ne otọ Ifreim rre. Iye ẹe kegha re okpokhuo ne ọ dẹgbẹ, a tie ẹre Zẹrua.

I Krọnikol 6:12

e Zadọk, e Sialọm,

I Krọnikol 6:22

Ivbi uniẹn e Kohat ke egbe orre ọkpa ya sẹ ọvbehe ọ re ena khin, Aminadab, e Kora, Asi,

I Krọnikol 6:33

Uviẹn uniẹn iran ni gha rre ukpo nii ọ re ena khin. Ewae ọghe Kohat: Heman ne ọ re ọkaolotu otu ihuan ne okaro, ovbi e Joẹl ọ re irẹn gha khin vbene uviẹn uniẹn ọnrẹn ye ọna khin rhinrin ya sẹ egbe Jekọb: E Heman, e Joẹl, e Samuẹl,

I Krọnikol 6:34

Ẹlkana e Jeroham, Eliẹl, e Toa,

Matiu 27:57

Ugbẹn vbe ọ ghi sẹ ota, okpia ne ọ fe ọkpa ne a tie ẹre Josẹf, ne ọ vbe re ọkpa vbe uwu avbe erhuanegbe Jesu, keghi ke Arimatia gha dee.

Jọsua 24:33

Eliaza ne ovbi Errọn keghi wu, a na re ẹre ye Gibea ne ẹvbo e Finihaz ne ovbi ẹre, ne a mu ne ẹẹn vbe ẹvbo oke ọghe Ifreim.

Giọgis 12:5

Ivbi e Giliad keghi khọn mu ehe ne a gha na sẹtin fian Jọdan rra, ne ivbi Ifreim ghẹ miẹn ehe na fian ẹn rra. Ovbi Ifreim ghẹ ghi sẹ evba, ọ na gha ho ne irẹn lẹ fua, ọ na wẹ ne iran gie irẹn gberra, iran ghi nọ rẹn wẹẹ, “Ovbi Ifreim we khin ra.” Ọ gha kha wẹ “Ẹn ẹn,”

Giọgis 17:1

Okpia ọkpa kegha rrọọ ne a tie ẹre Maika, ọ kegha rre ẹvbo uhunmwu oke Ifreim.

Giọgis 19:1

Vbe ẹghẹ nii, ẹkpo ne Izrẹl i na mwẹ ọba, e Livai ọkpa kegha rrọ vbe odẹ ehe ne ẹvbo oke ọghe Ifreim sẹe fẹẹrẹ, ọ keghi ya zẹ ọse ọkpa vbe Bẹtlẹhẹm ne Juda.

Giọgis 4:5

Udin ọkpa rre ẹkpo e Rama kevbe Bẹtẹl vbe ẹvbo oke Ifreim. Evba ọ re ọ gha tota yi, ivbi Izrẹl ghi vbe gha bu ẹre rrie evba ne iran do gha họn vbene ọ kha hẹ.

I Samuẹl 1:19

Vbe owiẹ ne ọ lele ẹe, Ẹlkana kevbe ẹgbẹe ọre keghi guakpao, iran ghi gaa e Nọyaẹnmwa nẹ, iran keghi werriegbe gha rrie owa iran vbe Rama. Ẹlkana kevbe Hanna ne amwẹ ọnrẹn keghi miẹn egbe, e Nọyaẹnmwa keghi họn erhunmwu ẹnrẹn.

I Samuẹl 17:12

E Devid kegha re ovbi e Jese ne ovbi Ifreim vbe Bẹtlẹhẹm ne Juda. Emọ erẹnrẹn ọre Jese gha mwẹ, ẹghẹ ne Sọl na gha re ọba, e Jese wa khian ọmaẹn nẹ ẹsẹse.

I Samuẹl 2:11

Ẹre Ẹlkana na werriegbe gha rrie Rama, sokpan, ọmọ okpia nii keghi tota vbe Silo, ọ kegha ga e Nọyaẹnmwa vbe ototọ Elai ne Ohẹn.

I Samuẹl 7:17

Iyeke onii ọ ghi vbe gha rrie Rama ne ẹvbo ẹre, ọ ghi vbe ya bu ohiẹn vba. Ọ keghi bọ aka ọkpa ne Nọyaẹnmwa vbe Rama.

I Samuẹl 9:4

Iran keghi la Ifreim ne ẹvbo oke fo, kevbe ako otọ Sialisia, sokpan iran ma miẹn iran. Iran na vbe ya sẹ otọ Sialim, sokpan, avbe ẹsin i vbe rre evba. Iran na vbe ye otọ Bẹnjamin, sokpan, iran ma ye miẹn iran.

I Samuẹl 9:5

Iran ghi sẹ otọ Zuf, e Sọl keghi tama ọguọmwadia ẹre wẹẹ, “Gie ima gha rrie owa, ne a ghẹ miẹn wẹ ẹ i re igbinna ẹsin erha mwẹ ghi ye, ọ ghi do gha hawa yo hawa rre ba ẹmwẹ ima.”