I Pita 5:8 - Edo Bible (E Baibol Ẹdo) Version 1996

⁸ Khẹ yegbe, gha ba odẹ! Rhunmwuda Esu ne oghian ruẹn gha vin yo vin rre, ọ gha davan vbe oduma, ọ gualọ ọmwa ne ọ gha gbe re.

I Pita 5:8 ပူးပေါင်းရင်းမြစ်များ

Ẹsta 7:6

Ẹsta keghi wanniẹn wẹẹ, “Oghian ima ne ọ zẹ ima kpokpo ọrọre ọmwa dan na ighẹ Haman.” E Haman keghi ye ohan nọkhua bolo aro a gha ghe ọha kevbe Oloi.

Job 2:2

E Nọyaẹnmwa keghi nọ rẹn wẹẹ, “Vbe uwẹ a ke dee vbọ?” Esu keghi wanniẹn wẹẹ, “I gha hẹ yo hẹ rre, zozo lele otọe agbọn khian.”

Psalm 104:21

Ivbi oduma ghi gha vanhiẹn vbe iran a gha ru ohuẹ, iran gha gualọ evbare ne Osanobua kpehe ẹre.

Psalm 109:6

Zẹ ọbuohiẹn dan, ne ọ ya bu ohiẹn avbe eghian mwẹ, ne u gie okpa vbe uwu avbe eghian rẹn guẹe gui.

Itan 19:12

Te ohu ọba yevbe utumwẹ oduma, sokpan, ọ gha ru ọmwa ẹse, ọ ghi ye vbe amẹ ne a rhie aro ye odẹ khẹ ọ ke do rhọ.

Itan 20:2

Lẹ ne ọba ne ohu mu, zẹ vbene u gha lẹ ne oduma ne ọ tu utumwẹ ohanmwẹ. Ọmwa ne ọ ya ohu mu ẹẹn ọ re ọ gbe egbe ẹre.

Itan 28:15

Ivbiogue i miẹn ẹmwẹ guan vbe odaro enọkhaemwisẹ ne ọmwa dan, ọ zẹ ẹbe sẹẹ oduma ne ọ tu ye evbare kevbe akpakomiza ne ọ ru ohuẹ khian.

Aizaia 50:8

Rhunmwuda, Osanobua sikẹ mwẹ ọ gha kha wẹ I ma rriabe. De ọmwa ne ohan gha gie ẹe gunmwẹ gui yi? Wẹ ne ọ gie ima gba gha rrie iko wẹ ne ọ ba mwẹ ifi ẹzọ!

Jerimaia 2:15

Iran vannọ mu ẹẹn zẹ vbe oduma, iran ya otọe ẹre khian ato, avbe okpẹvbo ni rrọ khian itowa ne emwa na lẹ kpao fẹẹrẹ.

Jerimaia 51:38

Ivbi e Babilọn hia gha tulo utumwẹ oduma, iran gbọ vbe ivbi oduma.

Ezikiẹl 19:7

Ọ dunmwu avbe odin ẹvbo, ọ rẹnkhẹn avbe okpẹvbo, ẹghẹikẹghẹ ne ọ ya davan, emwa ni rre ẹvbo nii ghi runran.

Ezikiẹl 22:25

Avbe ọkaolotu yevbe avbe oduma ni vannọ yan atita ne iran gbe nẹ. Iran gha gbele emwa ni nẹ, iran ghi viọ igho kevbe emwi iran ne obọ iran vbare, rhunmwuda ne iran na de izigha, te ikhuo ni i mwẹ ọdọ ghi kpọ.

Daniẹl 6:24

Ẹre ọba na wẹ ne a munọ avbe emwa ni do gu e Daniẹl gui. Ọ na wẹ ne a viọ iran ku uwu uvun avbe oduma nii, ke iran kevbe avbe amwẹ iran kevbe ivbi iran. Vbe iran te sẹ otọe vbe uvun nii, avbe oduma guaa iran rhie nẹ, iran keghi gbẹn iran ugboloko hia.

Hozia 11:10

“Emwa mwẹ gha lele mwẹ vbe I gha van mu avbe eghian iran nẹ zẹ vbe oduma. Iran gha ke odẹ orrie rhulẹ bu mwẹ gha dee.

Hozia 13:8

I gha gu uwa gbinna zẹ vbe akpakomiza ne ọ ma ghi miẹn ivbi ẹre, I ghi yanghan uwa hẹkua. I gha yanghan uwa re ye ihọkpa nii zẹ vbe oduma, I ghi vbe yanghan uwu ukhiọnmwu khiọnmwẹ zẹ vbe aranmwẹ akọn.

Joẹl 3:16

E Nọyaẹnmwa davan ke Oke Zaiọn rre, urhu ẹre wa vannọ ke Jerusalẹm rre, iso keghi mu rueghe. sokpan, rẹn gha gbinna ne emwa rẹn.

Emọs 1:2

Emọs khare wẹẹ, “E Nọyaẹnmwa van okan ke Oke Zaiọn rre, urhu ẹre vanhiẹn ke Jerusalẹm rre. Avbe ehe ne aranmwẹ na rria hia giẹn uan.”

Emọs 3:4

Oduma vbe davan vbe uwu ẹgbo ra vbe ẹ i re te ọ gbe emwi nẹ? Ovbi oduma vbe zuyọn vbe uwu uvun ra vbe ẹ i re te obọ ẹre vba emwi nẹ?

Emọs 3:8

Oduma gha davan, de ọmwa ne ohan i ra mu. E Nọyaẹnmwa ne Udazi gha guaan nẹ, de ọmwa ne ọ gha sẹtin wẹ rẹn i ra ta uhunmwu ne ọ gie?

Zẹkaraia 11:3

Iran ni khaemwisẹ gha viẹ eve oya, uyi iran fafaa! Gha họn vbene avbe oduma vannọ hẹ; ẹgbo ne iran dia vbe ọkpẹn Jọdan, a rẹnkhẹn ehia a!

Zẹkaraia 3:1

Vbe umian ọvbehe, e Nọyaẹnmwa keghi mu Ogie Ohẹn ighe Jọsua ma mwẹ, ọ keghi mudia ye odaro odibosa e Nọyaẹnmwa. E Satan keghi vbe mudia ke Jọsua, ọ mu egbe ne ọ ba ẹre ifi ẹzọ.

Matiu 13:39

Esu tobọ ẹre ọrọre ọmwa ne ọ do tu ohunhun ye ugbo. Ẹghẹ emwiorhọ ọrọre ufomwẹ agbọn. Avbe odibosa ọrọre iran ni rhọ emwiorhọ.

Matiu 24:42

Rhunmwuda ọnii, wa gha ba odẹ rhunmwuda wa ma rẹn ẹdẹ ne Nọyan uwa gha rre.

Matiu 25:41

“Rẹn ghi tama iran ni rre ọre obọ iye ọmwa wẹẹ, ‘Wa kpao vbe ehe ne I ye rre, wa ne Osanobua fi ẹre unu, wa gha rrie uwu erhẹn etẹbitẹ ne a kpehe ẹre ye otọ khẹ Esu kevbe avbe odibo ẹre.

Matiu 4:1

Ẹghẹ ni, Orhiọn keghi gban Jesu uhunmwu ghe uwu ẹgbo ne Esu ya danmwẹ ọẹn ghe.

Matiu 4:11

Rhunmwuda ọnii, Esu keghi sọrae, avbe odibosa keghi rre do ru ọguọmwadia nẹẹn.

Iyẹn ne ọ Maan Ọghe Mak 4:15

Ugbẹnso, eso ghi kharha ku adesẹ odẹ. Iran na họn ne ne ẹmwẹ sokpan, vbe ọwarọkpa ni Setan ghi do rhie ẹmwẹ ni hin iran ekhọe rre.

Iyẹn ne ọ Maan Ọghe Luk 21:34

“Wa gha begbe! Wa ghẹ gie iwinna evbare ne a re, ayọn ne ọ wegbe ra osi ẹmwẹ agbọn na mu uwa, ne Ẹdẹ nẹdẹrriọ ghẹ do hẹ rhu uwa vbe udomwirri.

Iyẹn ne ọ Maan Ọghe Luk 21:36

Wa gha begbe, wa gha na erhunmwu ne uwa miẹn orhiọn ya ye egbe miẹn emwi na hia ni ra sunu, ne uwa vbe mudia vbe odaro Ovbi Ọmwa.”

Iyẹn ne ọ Maan Ọghe Luk 22:31

“Saimọn! Saimọn! Danmwehọ. A fan obọ ẹre ne Setan nẹ ne ọ danmwẹ uwa hia ghe zẹ vbene ọgbugbo khan ọka hin uwu ihunhun rre.

Iyẹn ne ọ Maan Ọghe Jọn 8:44

Ivbi erha uwa ne Esu ọre uwa khin. Emwi ne erha uwa ho ọre uwa vbe ho ne uwa gha ru. Izigha rẹn wa khin ke otọe gha dee. Ọma he mwẹ obọ vbe ẹmwata ẹdẹ, rhunmwuda ẹmwata i vbe rre uwu irẹn, ọ gha ta ohoghe, emwi ne a ya we ẹe ọre ọ ru ni, rhunmwuda, ohoghe nọ, kevbe erha ohoghe hia.

II Kọrinti 2:11

Ne a ghẹ miẹn ehe na rhie otọ ne obọ Setan ya ke odukhunmwu ne ọghe ima, rhunmwuda ma rẹn ehe ne ọ ghae yi.

Ẹfisọs 4:27

Ghẹ rhie ẹghẹ ne Esu.

Ẹfisọs 6:11

Viọ emwi igbinna okuo ne Osanobua hẹ nuẹn hia ye egbe, ne egbe ruẹ miẹn ehe na rrọọ emwi ero ne Esu ru.

I Timoti 2:15

Sokpan, a gha miẹn okhuo fan vbe ekpa ne ọ gha na gha mwẹ emọ, a deghẹ ọ ziengbe vbe iyayi kevbe aho ẹmwẹ ọmwa, kevbe uhuanmwẹ deba a ru emwi ye oreghe.

I Timoti 2:9

I vbe ho ne ikhuo gha ru emwi ye oreghe, kevbe ne iran gha waan vbe ekpa ukpọn ne iran rhuan, kevbe ne iran gha mu egbe ẹse, ẹ i re eto ọghe wa do ghe ne a mẹ, ra igoru ne a ya te egbe, ra ikpẹrọmwọ ra ukpọn aghanghan.

I Timoti 3:11

Amwẹ iran ghi vbe gha re emwa ni mwẹ uyinmwẹ esi, i ghẹ ẹ i re ne ọ na iyẹn ẹrrẹ, iran ghi gha re ne aro hianrẹn, kevbe ne ọ mudia ye odẹ ẹmwata vbe emwi hia.

I Timoti 3:2

Ọ kere ne Ọkaolotu esọsi gha re ọmwa ne ẹ i mwẹ abaku ru, ọ ghi gha mwẹ okhuo ọkpa kẹkan, ọ ghi gha re ọmwa ne aro hianrẹn, kevbe ne ọ rẹn enegbe, kevbe ne ọ ru emwi uhẹn uhẹn, ọ ghi gha miẹn avbe erhunmwuyẹn yi vbe owa ẹre, ọ ghi sẹtin gha ma emwa emwi.

II Timoti 4:17

Sokpan, Nọyaẹnmwa keghi mudia ke mwẹ, ọ na rhie ẹtin yọ mwẹ iwu, sẹrriọ wẹ I keghi sẹtin kpe orhu ẹmwẹ nii ma avbe iran ne ẹ i re Ju hia họn, a keghi vbe wọlọ mwẹ hin uwu unu oduma nii rre.

Taitọs 1:8

Ọ kere ne ọ gha re ọmwa ne obọ ẹse tọlọ, kevbe ne emwi ne ọ maa yẹẹ, ọ ghi gha re ọmwa ne ọ rẹn enegbe, ne ọ mudia ẹse, ne ọ huanrẹn, kevbe ne a ma ẹre emwi.

Taitọs 2:12

Ẹsọhẹ ni ọre ọ ma ima ẹre, ne a gha zobọ vbe avbe uyinmwẹ ne ẹ i re ọghe Osanobua, kevbe orriarria emwi agbọn na hia, ne a gha yin uyinmwẹ a i balọ egbe ne ọ mudia ẹse, kevbe uyinmwẹ ne ọ khọ ọghe Osanobua vbe agbọn na.

Taitọs 2:2

Tama avbe eniwanrẹn wẹ, te ọ kere ne iran gha re emwa ni gba ọghọ ginna egbe, ni mwẹ ẹwaẹn vbe uhunmwu kevbe ni i balọ egbe, ni iran gha re emwa ni mudia ẹse vbe iyayi, aho ẹmwẹ ọmwa kevbe iziengbe.

Taitọs 2:4

Ne iran miẹn ehe na gha ma avbe ikhuo ni ma he khian ọmaẹn re, ne iran gha hoẹmwẹ ọdafẹn iran kevbe ivbi iran.

Taitọs 2:6

Erriọ vbe nọ, u ghi vbe tama avbe igbama ne iran ghẹ gha balọ egbe.

Jems 4:7

Rhunmwuda ọnii khekherriọ, wa gha zẹ egbe uwa obọ ne Osanobua. Wa mu aro igbinna da Esu, ọ gha lẹ hin ehe ne uwa ye rre.

I Pita 1:13

Rhunmwuda ọnii khekherriọ, wa mu ekhọe uwa egbe ye otọ ne a ya fian emwi gbua. Wa rhie vbẹ ne uwa vbe rhie ekhọe uwa aro ye odẹ fẹẹrẹ gha khẹ afiangbe ne a gha rhie ne uwa vbe ẹdẹ ne Jesu Kristi gha ya egbe ladian.

I Pita 4:7

Ufomwẹ emwi hia sẹ otọ fo nẹ. Wa gha ziengbe emwi, wa ghi vbe khẹ yegbe, ne uwa sẹtin gha na erhunmwu.

Arhie Maan 12:10

I keghi họn urhu ne ọ la ọkpa ne ọ khare vbe ẹrinmwi wẹẹ, “Banbanna nian, imiẹnfan Osanobua rre nẹ. Banbanna nian, Osanobua rhie ẹtin ẹnrẹn maa nẹ, zẹ vbe Ọba. Banbanna nian, Mẹzaia ẹre rhie asẹ ọre maa nẹ. Rhunmwuda, ọmwa ne ọ gu etẹn mwa gui, ne ọ mudia vbe odaro Osanobua gha ba iran ifi ẹzọ asọn kevbe avan, a muẹn fua hin ẹrinmwi rre nẹ.

Arhie Maan 12:12

Rhunmwuda ọnii, wa gha ghọghọ wa ne ẹrinmwi kevbe emwa ni rrọọ. Sokpan ọ sẹ iran ighẹ otọ agbọn kevbe okun! Rhunmwuda, Esu tuorre bu uwa re nẹ, ohu dan wa vbe muẹn, rhunmwuda, rẹn rẹnrẹn ighẹ ẹghẹ kherhe ọre irẹn ghi mwẹ.”

Arhie Maan 12:9

A keghi mu Ugbogiorinmwi ne gẹdẹgbẹ nii fua. Rẹn ọrọre ẹyẹn nẹdẹ nii, ne a tie ẹre Setan, ne ọ mu otọ agbọn hia rẹrẹ. A keghi fi ẹe fi agbọn ke ẹe kevbe avbe odibo ẹre hia.

Arhie Maan 20:10

Esu ne ọ rẹrẹ iran, a keghi mu ẹn, fi uwu odighi erhẹn kevbe ugbofi, ehe ne a ka filo aranmwẹ oha nii, kevbe akhasẹ ohoghe kui. A gha vbe gha rri iran oya asọn kevbe avan ẹdẹ kevbe ẹdẹdẹmwẹdẹ.

Arhie Maan 20:2

Ọ keghi gua Ugbogiorinmwi nii rhie, nene ẹyẹn nẹkporriọ ne a tie ẹre Esu ra Setan, ọ keghi mu ẹn gba la ukpo arriaisẹn.

Giọgis 14:5

Ẹre Samsin na gha rrie Timna ke irẹn kevbe erha ẹe kevbe iye ẹe. Ugbẹn vbe iran ghi sikẹ ọkpẹn ogba erhan ne a ye ọmọ rẹn ru ayọn ne ọ baa, ọ keghi họn vbe ovbi oduma ọkpa gbọ ẹre.