I Pita 5:7 - Edo Bible (E Baibol Ẹdo) Version 1996

⁷ Ye enegbe ruẹ hia yan rẹn, rhunmwuda, rẹn ọre ọ gbe aro ghe ruẹ.

I Pita 5:7 ပူးပေါင်းရင်းမြစ်များ

Psalm 34:15

E Nọyaẹnmwa, ọ re ọ su e nọ ru emwi ẹse khian ọ vbe danmwehọ utumwẹ iran.

Psalm 37:5

Rhie egbe ruẹ ne Nọyaẹnmwa mu ẹtin yan rẹn ọ gha yi uẹ obọ.

Psalm 40:17

Ovbiogue kevbe nọ ma wegbe ọ re imẹ khin Nọyaẹnmwa. Sokpan, wẹ ma he mianmian mwẹ. Wẹ ọrọre ọmiọnmwafan mwẹ kevbe Osanobua mwẹ zẹgiẹgiẹ do yọmwẹ obọ.

Psalm 55:22

Zẹ ọlọghọmwa ruẹn obọ ne Nọyaẹnmwa, rẹn gha gbinna ne uẹn, ẹ i kue ne a mu ọmwa esi gbotọ

Itan 16:3

Rinmwian e Nọyaẹnmwa ne ọ yobọ ye emwamwa ruẹn, u gha ra ru ẹe, te ọ wa dunna nuẹn.

Matiu 6:27

De ọmwa ne ọ gha sẹtin ye ohawa fian ba utọmwẹ ọnrẹn vbe uwu uwa?

Matiu 6:28

“Vbọzẹ ne uwa na si osi ba ẹmwẹ ukpọn? Wa ghe vbene avbe obobo ni rre oha wan hẹẹ, iran i winna, iran i do ukpọn ne egbe iran.

Matiu 6:31

“Rhunmwuda ọnii, wa ghẹ ghi si osi ba ẹmwẹ vbia gha re e? Vbia gha da? Vbia gha rhuan?

Iyẹn ne ọ Maan Ọghe Mak 4:38

Jesu kegha rre odieke vbe okọ, ọ mu uhunmwu yan ukohunmwu gha vbiẹ. Avbe erhuanegbe keghi ya huẹn ọnrẹn, iran wẹẹ, “Ọmamwaemwi, ghe ighe ma ra wulo.”

Iyẹn ne ọ Maan Ọghe Luk 12:22

Jesu tama avbe erhuanegbe wẹẹ, “Ọnii ọre ọ zẹe ne I na tama uwa wẹẹ, wa ghẹ si osi ye emwi ne uwa gha re ya da orhiọn yi, ra rhunmwuda ukpọn ne uwa gha rhie ye egbe.

Iyẹn ne ọ Maan Ọghe Luk 12:26

Deghẹ obọ uwa ma gba emwi ne tuẹin vberriọ, vbe uwa ghi kpokpo egbe ye ẹmwẹ eni dekẹe baa?

Iyẹn ne ọ Maan Ọghe Jọn 10:13

Ọmwa ne a rhie vbe iwinna lẹ fua rhunmwuda ighẹ te a rhie ẹre vbe iwinna kẹkan, ẹ i vbe si osi ye ẹmwẹ avbe ohuan.

Filipai 4:6

Ghẹ si osi ye emwi rhọkpa, sokpan gha ya erhunmwu ne a na, nọ emwi ne u ho hia vbe obọ Osanobua, u ghi gha ye ekhọe ọkpọnmwẹ ẹse nọ rẹn vbe ẹghẹ hia.

I Samuẹl 30:6

Uwu ọlọghọmwa nọkhua ọre Devid ghi ye rhunmwuda ẹko ma maa rẹn hiehie rhunmwuda ivbi iran ne iran ma ghi miẹn, iran na gha yan ighẹ iran ra filo okuta gbe ẹe rua, sokpan, e Nọyaẹnmwa ne Osanobua ẹre keghi rhie igiẹudu ne ẹẹn.