I Pita 5:6 - Edo Bible (E Baibol Ẹdo) Version 1996

⁶ Rhunmwuda ọnii nian, gha mu egbe rri otọ vbe odaro obọ ẹtin nọkhua ọghe Osanobua, ne irẹn miẹn ehe na tọn ọn mu vbe ẹghẹ ne ọ keyi vbe aro ẹre.

I Pita 5:6 ပူးပေါင်းရင်းမြစ်များ

I Ọba 21:29

“U miẹn vbene Ehab mu egbe rriotọ hẹ vbe odaro mwẹ? Rhunmwuda ne ọ na ru vberriọ, I i ghi zẹ ọkhọ na rruan rẹn vbe ọ he rre agbọn, ẹghẹ ovbi ẹre I gha na zẹ ọkhọ ne ọ rruan ẹgbẹe Ehab.”

II Ọba 22:19

U na roiro fi uyinmwẹ werriẹ, u na mu egbe rriotọ vbe odaro mwẹ, u keghi sọ ukpọn ruẹn uan, u na gha viọ vbe u họn vbene I wẹ I gha rri e Jerusalẹm kevbe emwa ni rrọ oya hẹ. I gha ru ọ yan aro ua ye evba, ehe ne eni ẹnrẹn gha na khian ne a ya tie ihẹn. Sokpan, I họn erhunmwu ruẹn nẹ.

II Krọnikol 12:12

Rhunmwuda ne ọ na mu egbe rriotọ ne Nọyaẹnmwa, ohu e Nọyaẹnmwa ma wa fuẹn ọnrẹn fo, emwi kevbe gha maa ne Juda.

II Krọnikol 30:11

Sokpan, a keghi ye miẹn eso vbe ẹwae Asiẹ, e Manasẹ kevbe Zẹbulọn ni gha ho ne iran rrie Jerusalẹm.

II Krọnikol 32:26

Sokpan, vbe okiekie, e Hẹzekaia kevbe ivbi e Jerusalẹm keghi mu egberriotọ rhunmwuda ọnii, e Nọyaẹnmwa ma ghi rri emwa ni oya a te do miẹn wẹ Hẹzekaia wu.

II Krọnikol 33:12

Oya ghi rrio ẹ nẹ, aro ẹre keghi rriotọ, ọ na werriegbe bu e Nọyaẹnmwa ne Osanobua ẹre gha dee, ọ na rinmwian ẹn wẹ ne ọ yi irẹn obọ.

II Krọnikol 33:19

Erhunmwu ne ọba naẹn, kevbe ewanniẹn ne Osanobua rhie yọ, okha ọghe avbe orukhọ ne ọ ru ọ ke fiwerriẹ — avbe emwi dan ne ọ ru, avbe aro ẹbọ kevbe amazẹ ọghe Asiẹrra ne ẹbọ ne okhuo ne ọ mannọẹn, kevbe avbe amazẹ ne ọ gha ye uhunmwu rhanmwẹ otọ na, a gbẹnnẹ ehia ye Okha Avbe Akhasẹ.

II Krọnikol 33:23

sokpan, aro irẹn ma rriotọ vbe ẹghẹikẹghẹ ne ọ vbe fiwerriẹ bu e Nọyaẹnmwa gha dee vbene erha ẹe ru, ọ keghi kakabọ ru orukhọ erha ẹe ẹsẹse.

II Krọnikol 36:12

Ọ keghi sẹmwẹ e Nọyaẹnmwa ọ ma ya amuegberriotọ danmwehọ e Jerimaia ne Akhasẹ ne ọ gha ta ẹmwẹ e Nọyaẹnmwa ma rẹn.

Job 36:22

U ghi yerre vbene ẹtin Osanobua kpọlọ hẹ. Rẹn ọrọre ọmamwaemwi ne ọ kpọlọ sẹẹ vbe ehia.

Psalm 75:10

Ọ gha guọghọ ẹtin emwa dan sokpan a gha rhie ba ẹtin ọghe emwa ẹmwata.

Psalm 89:13

A miẹn vbene u mwẹ ẹtin hẹ! A miẹn vbene ẹtin ruẹn kpọlọ hẹ!

Ẹksọdọs 10:3

Ẹre Mosis kevbe Errọn na bu ọba, iran ke tama rẹn wẹẹ, “Vbe nian ọre Nọyaẹnmwa ne Osanobua ivbi e Hibru khare, ‘De ẹghẹ ne uwa gha fieghe uhunmwu ye ẹmwẹ ne I khama uwa la? Gie emwa mwẹ kpao ne iran ya ga mwẹ.

Ẹksọdọs 3:19

Sokpan I rẹnrẹn ighẹ ọba Igipt i ra gie uwa gha khian vbe ẹ i re te a ya obọ ne ọ tọn muẹn.

Ẹksọdọs 32:11

Sokpan e Mosis keghi rinmwian e Nọyaẹnmwa ne Osanobua ẹre, ọ wẹẹ, “Vbọzẹ yi e Nọyaẹnmwa ne u na gie ohu emwa ruẹn muẹn sẹrriọ, emwa ne uwẹ fannọ hin ọviẹn rre vbe Igipt vbe ekpa ẹtin kevbe iwẹgbe?

Itan 29:23

Te itengbemu mu ọmwa gbe otọ, sokpan, u gha re ọmwa ne ọ mu egbe rriotọ, a ghi gha yọghọ nuẹn.

Aizaia 2:11

Ẹdẹ dee ne a gha dobọ itengbemu ọmwa nagbọn yi, a ghi vbe fuẹn uhiomwẹ ọmwa nagbọn uan. Ẹghẹ nii, a ghi do tọn e Nọyaẹnmwa mu.

Aizaia 40:4

Wa ran avbe iya hia, wa vbe guọghọ avbe oke nekhua sotọ. Avbe oke gha khian otọe ne ọ rriẹe a ghi ya ẹvbo ne kpannọkpannọ khian ne kpẹghẹ.

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Jerimaia 13:18

E Nọyaẹnmwa keghi tama mwẹ wẹẹ, “Tama ọba ke ẹe kevbe iye ẹe wẹ ne iran tuorre vbe ẹkete gha die otọ rhunmwuda, ẹde iran ne mose mose dele hin iran uhunmwu rre nẹ.

Jerimaia 44:10

Sokpan, do sẹ ẹdẹnẹrẹ na, wa ma ye mu egbe rriotọ. Wa ma he ye ya ọghọ mẹ ra ne uwa gha ya uhi ne I yi ne uwa kevbe avbe erhan uwa odede ru emwi.

Ezikiẹl 17:21

“A gha gbele avbe ivbiyokuo ẹre ni maa sẹ vbe okuo, a ghi zagha iran ni miẹn uhunmwu vbọ gba ehehia. Ẹghẹ nii, wa gha na rẹn wẹ mẹ ne Nọyaẹnmwa ọre ọ tae.”

Ezikiẹl 21:6

“Ovbi ọmwa, gha rriakọn obalọ vbene a miẹn wẹ te egbe wọ mwẹ ghi ra gie ẹkoko udu ruẹ vua. Gha rriakọn akhiẹ, vbe ehe ne emwa hia gha na bẹghe ruẹe.

Daniẹl 5:22

“Sokpan, wẹ ne ovbi ẹre ne ọ vbe rẹn avbe emwi na hia, u ma mu egbe rriotọ.

Levitikọs 26:41

Ne I na rhunmwuda ọnii mu aro da iran, ne I na viọ iran oghunmwu gha rrie ẹvbo eghian iran. Ọ gha sẹ okiekie, vbe a ghi vbokho avbe ivbi uwa nẹ iran mu egbe rrie otọ nẹ, ighẹ iran vbe rri oya ye orukhọ kevbe isọtẹ iran nẹ.

Maika 6:8

Ẹn o, e Nọyaẹnmwa ta ma ima nẹ emwi ne ọ maa. Emwi ne ọ ho vbe obọ mwa ọre ena khin: ne a gha ru emwi ẹmwata, ne a gha mwẹ itohan ne ẹ i rueghe; kevbe ne ima gha ye a mu egbe rriotọ lele Osanobua mwa khian.

Matiu 23:12

Ọmwa ne ọ tọn egbe ẹre mu, a gha mu ẹn rriotọ, ọmwa ne ọ mu egbe ẹre rriotọ, a gha tọn ẹn mu.

Iyẹn ne ọ Maan Ọghe Luk 1:52

Ọ silo iran ne ọba nekhua hin ẹkete iran rre. Ọ keghi tọn avbe emwa ne ẹ i mwẹ esa mu.

Iyẹn ne ọ Maan Ọghe Luk 14:11

Rhunmwuda, ọmwa ne ọ tọn egbe mu, a gha mu ẹn rriotọ, ọmwa ne ovbe mu egbe ẹre rriotọ, a gha tọẹn mu.”

Iyẹn ne ọ Maan Ọghe Luk 18:14

Jesu keghi khama iran wẹẹ, “Ne I tama uwa, okpia na ọre ọ miẹn orhue rhie gha rrie vbe obọ Osanobua ighẹ ẹ i re nọkpa. Rhunmwuda, ọmwaikọmwa ne ọ tọn egbe ẹre mu, a gha mu ẹn rriotọ, ọmwa ne ọ mu egbe ẹre rriotọ, a gha tọn ẹn mu.”

Ebe ne Pọl gbẹẹn gie emwa Rom 5:6

Rhunmwuda, uhin vbe uwu ẹghẹ ne ima i na mwẹ iyobọ, Kristi wu ne emwa dan vbe ọ sẹ ẹghẹ ne Osanobua rhie yọ.

I Kọrinti 10:22

Ra te uwa ra ya Nọyaẹnmwa khian ne oya ọmwa da? Wa yayi ighẹ ma wo vbe egbe sẹ ọre ra?

Diuteronomi 32:35

E Nọyaẹnmwa gha rria ikhi, ọ ghi rri iran oya, ẹghẹ ne iran gha na dele dee. Ẹdẹ ọfuan iran sikẹ otọ nẹ.

I Timoti 2:6

Ọmwa ne ọ ye egbe ẹre dẹ emwa ne agbọn hia werriegbe, ọnii ọre ama ne aro ya dae ẹe, vbe ọwa sẹ ẹghẹ ọre zẹẹ, wẹ Osanobua ho ne emwa hia miẹn imiẹnfan.

Taitọs 1:3

ọ ghi vbe sẹ ẹghẹ ne ọ kei yi, ọ keghi gie uhunmwu ya ta ẹe ladian ne ima họn. Ọnọna ọre a mu yọ mwẹ obọ, vbene Osanobua Ọmiọnmwafan mwa gie, ọ re I ta ẹe khian.

Jems 4:10

Wa mu egbe uwa rriotọ vbe odaro Osanobua, rẹn gha vbe tọn uwa mu.

Jems 4:7

Rhunmwuda ọnii khekherriọ, wa gha zẹ egbe uwa obọ ne Osanobua. Wa mu aro igbinna da Esu, ọ gha lẹ hin ehe ne uwa ye rre.

Jems 5:10

Etẹn mwẹ, wa ye avbe akhasẹ, ni ya eni Nọyaẹnmwa guan rre. Wa ye iran ru ne a ghe ru vbene a ziengbe oya hẹẹ.