I Pita 4:7 - Edo Bible (E Baibol Ẹdo) Version 1996

⁷ Ufomwẹ emwi hia sẹ otọ fo nẹ. Wa gha ziengbe emwi, wa ghi vbe khẹ yegbe, ne uwa sẹtin gha na erhunmwu.

I Pita 4:7 ပူးပေါင်းရင်းမြစ်များ

Gẹnẹsis 19:35

Vbe asọn nii, iran keghi ye ayọn nẹẹn da, ovbi ẹre nokhuo ne kherhe keghi vbe guẹe lovbiẹ. Erriọ ọ vbe gha ye, ayọn ke gbẹe sẹrriọ wẹ ọ ma rẹn.

Gẹnẹsis 6:13

Osanobua keghi tama Noa wẹẹ, “I tae nẹ ighẹ I ra fuẹn emwa fo. I ra wa fuẹn ehia a fẹfẹẹfẹ, rhunmwuda, agbọn vuọn ne uyimwẹ ika ne iran yin.

Asan-Ibo 7:2

Ọ kere ne a gha rrie owa ne a na khiẹ sẹẹ ne a gha rrie owa ne a na tie ẹbu eghọ, rhunmwuda, te ọ kere ne emwa ni rre agbọn gha ye egbe iran ẹre rre wẹ, uwu diakhẹ dọmwadẹ ọghọe.

Jerimaia 5:31

Avbe akhasẹ i ta ẹmwẹ ọvbehe gberra ohoghe, vbene avbe akhasẹ khare ọ re avbe ohẹn ya khaemwisẹ yan emwa, emwa mwẹ i vbe wẹ hẹn. Sokpan, ena hia ghẹ ghi fo nia, vbe iran gha ru hẹ?”

Ezikiẹl 7:6

Ọ fo vbotọ. Ufomwẹ ọnrẹn ọ re ọna khin. Ọghe uwa fo nẹ.

Matiu 24:42

Rhunmwuda ọnii, wa gha ba odẹ rhunmwuda wa ma rẹn ẹdẹ ne Nọyan uwa gha rre.

Matiu 25:13

Jesu keghi gbẹe wanniẹn wẹẹ, “Rhunmwuda ọnii, wa gha ba egbe vbe ne uwa ma na rẹn ikpẹdẹ ra ẹghẹ ne ọ wa khin.

Iyẹn ne ọ Maan Ọghe Luk 21:34

“Wa gha begbe! Wa ghẹ gie iwinna evbare ne a re, ayọn ne ọ wegbe ra osi ẹmwẹ agbọn na mu uwa, ne Ẹdẹ nẹdẹrriọ ghẹ do hẹ rhu uwa vbe udomwirri.

Iyẹn ne ọ Maan Ọghe Luk 21:36

Wa gha begbe, wa gha na erhunmwu ne uwa miẹn orhiọn ya ye egbe miẹn emwi na hia ni ra sunu, ne uwa vbe mudia vbe odaro Ovbi Ọmwa.”

Iyẹn ne ọ Maan Ọghe Luk 22:46

Ọ keghi tama iran wẹẹ, “Vbọzẹ ne uwa na vbiẹ yi? Wa kpaegbe ne uwa na erhunmwu ne uwa ghẹ de fi edanmwẹ.”

Ebe ne Pọl gbẹẹn gie emwa Rom 12:12

Wa gie idaehọ ne uwa mwẹ gha ye ọyẹnmwẹ sẹ uwa vbe ẹghẹ hia, wa gha ziengbe vbe ẹghẹ ọlọghọmwa, wa ghi vbe gha na erhunmwu vbe ẹghẹ hia.

I Kọrinti 15:24

Vbe iyeke ọnii, ufomwẹ ghi do rre. Kristi ghi khọnmiotọ vbe uhunmwu ẹtin orhiọn hia ni rre asẹ, avbe ọdakha kevbe ẹtin, ọ ghi mu Arriọba nii ne Osanobua ne Evbavba.

I Kọrinti 7:29

Emwi ne I kha ọna khin etẹn mwẹ, ovbi ẹghẹ kherhe ma ghi mwẹ, kevbe ẹghẹ na kpao nian, wa gie emwa ni rhie okhuo gha yin zẹ vbe ọhae.

Ẹfisọs 6:18

Erhunmwu ọre u gha ya ru emwi na hia, u ghi rinmwian wẹ ne Osanobua yi uẹ obọ. Gha na erhunmwu vbe ẹghẹ hia, zẹ vbene nene Orhiọn rhie yi uẹ ekhọe. Rhunmwuda ọnọna, rhie vbẹẹ, ghẹ zẹ obọ vbọ, gha na erhunmwu ne emwa Osanobua vbe ẹghẹ hia.

Filipai 4:5

Gha yin uyinmwẹ ọmẹhẹ da emwa hia, Nọyaẹnmwa dee ẹgiẹgiẹ.

Kọlose 4:2

Wa mu aro ye erhunmwu ne a na, wa sikhua vbe uwa a gha na erhunmwu, ne uwa gha kpọnmwẹ Osanobua.

II Timoti 4:5

Sokpan, wẹ ghi da egbe ruẹ yi, vbe ne emwi rhirhi gha ye hẹ, gha ziengbe oya, gha winna iwinna ọmwa ne ọ kpe orhu Iyẹn Ne ọ maa ne u vbe gha winna iwinna ruẹn hia, zẹ vbe ọguọmwadia Osanobua.

Taitọs 2:12

Ẹsọhẹ ni ọre ọ ma ima ẹre, ne a gha zobọ vbe avbe uyinmwẹ ne ẹ i re ọghe Osanobua, kevbe orriarria emwi agbọn na hia, ne a gha yin uyinmwẹ a i balọ egbe ne ọ mudia ẹse, kevbe uyinmwẹ ne ọ khọ ọghe Osanobua vbe agbọn na.

Hibru 10:25

Wa ghẹ gie a do obọ iko ne a do miẹn egbe yi, zẹ vbene emwa eso ru na, sokpan wa gie a rhie igiẹdu ne egbe, kpataki vbe ne a na wa miẹn nian wẹ, Ẹdẹ Nọyaẹnmwa sẹ otọ fo nẹ.

Hibru 9:26

Akpawẹ erriọ nọ, ẹghẹ ni bun ọre ọ gha ya rri oya ke ne agbọn ya suẹn gha dee. Sokpan rẹn keghi ladian nian uhukpa ọghe ọfo vbe otọ, ne ọ do ya egbe ẹre zọ ese ya kpe orukhọ kua, vbe ẹghẹ na ne emwi hia ni rrọọ ghi na ye egbe rrie ufomwẹ.

I Pita 1:13

Rhunmwuda ọnii khekherriọ, wa mu ekhọe uwa egbe ye otọ ne a ya fian emwi gbua. Wa rhie vbẹ ne uwa vbe rhie ekhọe uwa aro ye odẹ fẹẹrẹ gha khẹ afiangbe ne a gha rhie ne uwa vbe ẹdẹ ne Jesu Kristi gha ya egbe ladian.

I Pita 3:7

Kevbe uwa ne avbe ọdọ, vbe obọ ne uwa ya mu avbe amwẹ uwa, wa ghi gha ye rre wẹ, emwa ni ma wo vbe egbe iran khin, wa ghi gha mu iran tetete, rhunmwuda iran tobọ iran gha vbe deba uwa ghae vbe arrọọ ne Osanobua ra ghae ne emwa. Wa ghi gha ru vberriọ ne emwi rhọkpa ghẹ mu idobo ye uwa erhunmwu ne uwa na.

I Pita 5:8

Khẹ yegbe, gha ba odẹ! Rhunmwuda Esu ne oghian ruẹn gha vin yo vin rre, ọ gha davan vbe oduma, ọ gualọ ọmwa ne ọ gha gbe re.

Arhie Maan 16:15

“Wa danmwehọ, I dee zẹ vbe oyi, ọ maa ọre ọghe ọmwa ne ọ ma vbiẹ, ne ọ vbe dọlọ ukpọn ẹnrẹn yi, ne i ra ya irhunmwirhun la ẹvbo, ne ekhue i ra vbe mu vbe adesẹ ẹvbo.”