I Pita 4:2 - Edo Bible (E Baibol Ẹdo) Version 1996

² Rhunmwuda ọnii khekherriọ, ke ẹghẹ na kpao, wa ghi gha lo edẹ agbọn uwa vbe emwa na, vbe ne a gha na miẹn wẹ, iho Osanobua ọre ọ ta ne a gha ru ma rẹn ighẹ ẹ i re orriarria emwa ne agbọn.

I Pita 4:2 ပူးပေါင်းရင်းမြစ်များ

Psalm 143:10

Wẹ ọrọre Osanobua mwẹ, ma mwẹ ẹre ne I gha ru iho ruẹ. Gha ru mwẹ ẹse, ne u vbe gha dia mwẹ, la odẹ ne ẹbe i ye.

Hozia 6:7

“Sokpan ọwarọkpa vbe iran ghi la otọ Adam nẹ, iran keghi wa rra iyi ne ima gba yi ne egbe.

Matiu 12:50

Rhunmwuda ọmwa ne ọ rhirhi ru iho Erhamwẹ ne ọ rre ẹrinmwi ọrọre ọtẹn mwẹ nokpia, kevbe ọtẹn mwẹ nokhuo kevbe iye mwẹ.”

Matiu 20:4

Ọ kevbe tama iran wẹẹ, ‘Wa gha rrie ugbo mwẹ ya winna, I gha ha osa ne uwa vbe ne ọ ke yi.’

Matiu 21:31

Vbe uwu iran eva na, gha ọ ru emwi ne erha ẹe ho vbọ?” Iran wanniẹn wẹẹ, “Nọdiọn nọ.” Jesu wanniẹn tama iran wẹẹ, “Ne I tama uwa, avbe iran ni koko igho uhunmwu kevbe avbe igberagia ọre ọra ka la arriọba Osanobua khẹ uwa.

Matiu 7:21

“Ẹ i re emwa hia ni tie mwẹ ‘Nọyaẹnmwa, Nọyaẹnmwa’ ọre ọ gha la Arriọba Osanobua, sokpan emwa ni ru iho erha mwẹ ne ọ rre ẹrinmwi.

Iyẹn ne ọ Maan Ọghe Mak 3:35

Rhunmwuda, ọmwaikọmwa ne ọ ru emwi ne Osanobua ho ọrọre ọtẹn mwẹ nokpia, ọtẹn mwẹ nokhuo kevbe iye mwẹ.”

Iyẹn ne ọ Maan Ọghe Mak 7:21

Rhunmwuda, uwu ọmwa ọre iro dan ne ọ ya ẹe ru emwi dan hia ke ladian, alama, oyi, izigha.

Iyẹn ne ọ Maan Ọghe Jọn 1:13

Iran ma khian ivbi Osanobua rhunmwuda ighe erriọ a wa yi ẹe, ra rhunmwuda ighe erha iran biẹlẹ iran ye agbọn na nẹ, Osanobua tobo ẹre ọrọre Erha iran.

Iyẹn ne ọ Maan Ọghe Jọn 7:17

Ọmwaikọmwa ne ọ ho ne irẹn ru vbene Osanobua ho gha rẹn deghẹ emwi ne I ma emwa ẹre obọ Osanobua ọre ọ ke rre ra ẹmwẹ obọ mwẹ ọre I zẹ ta.

Ebe ne Pọl gbẹẹn gie emwa Rom 12:2

Wa ghẹ ya egbe ba emwi ne agbọn na ru, sokpan wa gie Osanobua fi uwa werriẹ vbe uwu egbe vbe ekpa ne ọ gha na fi ekhọe uwa werriẹ. Ẹghẹ nii wa gha na sẹtin rẹn emwi ne Osanobua ho emwi ne ọ maa, ne ọ yẹ ọre kevbe ne ọ gbae.

Ebe ne Pọl gbẹẹn gie emwa Rom 14:7

Rhunmwuda ọmwa ọkpa ne ọ rrọọ ne egbe ẹre, ẹ i rre uwu ima, ne ọ vbe wu ne egbe ẹre ọkpa, ẹ i vbe rrọọ. Deghẹ ma rre agbọn, Osanobua ma rre agbọn na.

Ebe ne Pọl gbẹẹn gie emwa Rom 6:11

Erriọ zẹẹ ọre uwa vbe gha ka egbe uwa ye ni wulo hin orukhọ rre nẹ, sokpan ni rre agbọn ne Osanobua, yaba Jesu Kristi.

Ebe ne Pọl gbẹẹn gie emwa Rom 6:2

Hiehiere. Ma wu hin orukhọ rre nẹ, vbe a ghi ra na vbe dọlegbe gha yin uyinmwẹ ọnrẹn hẹ?

Ebe ne Pọl gbẹẹn gie emwa Rom 7:4

Vbe nian ọre ọ ye vbe egbe uwa, etẹn mwẹ. Zẹ vbe emwi ni la ghe odẹ ọghe nene Uhi, wa wulo nẹ, rhunmwuda, efẹn ọkpa vbe egbe Kristi ọre uwa khin. Banbanna nian, ọmwa ne a huẹn kpaegbe vbe idin ọre ọ ghi yan uwa, ne ima miẹn ehe na gha re ne ẹdẹ agbọn rẹn mwẹ esa ne ọ ye vbe ohọ Osanobua.

II Kọrinti 5:15

Te ọ wu ne emwa, ne avbe emwa ni rre agbọn ghẹ ghi gha rre agbọn ne egbe iran ọvbehe, sokpan ne iran gha rrọọ ne irẹn nii ne ọ wu, ne a vbe huẹn kpaegbe vbe idin, rhunmwuda iran.

Ẹfisọs 2:3

Vbe ẹmwata, vbene iran ye ọre ima hia te ka gha ye, ma na wa gha ru vbene ikinnegbe mwa wa hoo, ma na gha ru emwikemwi ne egbe kevbe ekhọe mwa ghi ho. Zẹ vbene emwa nekpa hia gha ye, ma kegha re emwa ne a yi ẹre ama wẹ, ọ gha rri oya vbe obọ izohu Osanobua.

Ẹfisọs 4:17

Rhunmwuda ọnii, eni Nọyaẹnmwa ọre I ya ta ẹmwẹ na, te I wa vbe tua unu muẹn wẹ, wa ghẹ gha ru vbene avbe iran ne enigẹbọ ru, emwa ne iziro ekhọe iran i mwẹ esa ne ọ ye.

Ẹfisọs 5:17

Rhunmwuda ọnii, wa ghẹ gha re akpa sokpan, hia ne u gha gualọ otọ ẹre ighẹ emwi ne Nọyaẹnmwa ho ne u ru.

Ẹfisọs 6:6

Ẹ i re vbe iran a gha dẹghe uwa ọkpa, wa gha na gha ru vberriọ, ne iran miẹn ehe na tian uwa, sokpan, wa gha ya ekhọe uwa hia ru vbene Osanobua ho, zẹ vbe eviẹn Kristi.

Kọlose 1:9

Ọna ọre ọ si ẹe ne a na miẹn wẹ ke ne ima ya họn ẹmwẹ uwa gha dee, ẹghẹ hia ọre ima ya na erhunmwu ne uwa. Ma rinmwian Osanobua ne ọ ya irẹnmwi emwi ne ọ ho vuọn uwa, deba ẹwaẹn kevbe irẹnmwi ne Orhiọn rẹn rhie ne ọmwa.

Kọlose 3:3

Rhunmwuda, wa wulo nẹ, a keghi vbe rhie arrọọ ọwua lẹre ba Kristi vbe uwu Osanobua.

Kọlose 4:12

Ẹpafras ne ọ vbe re ọkpa vbe uwu uwa, kevbe ne ọ vbe re ọguọmwadia Jesu Kristi we uwa do. Ẹghẹ hia ọre ọ wa ya kakabọ na erhunmwu ne uwa, ọ ghi gha rinmwian Osanobua ne ọ gie uwa mudia gbain, ne uwa si uwan, ne ọ la uwa ekhọe fo, vbe uwu ne a na wa ru iho ẹre.

I Tẹsalonaika 5:18

Gha kpọnmwẹ ye emwi ne ọ rhirhi sunu. Erriọ ọre Osanobua ho ne uwa gha ru vbe ẹdẹ agbọn uwa vbe uwu Kristi Jesu.

Hibru 13:21

Osanobua ọfumwegbe ne ọ viọ emwi ni maa hia ne uwa ho ne uwa, vbe ne uwa gha na sẹtin ru vbene irẹn ho, kevbe ne ọ vbe la ekpa Jesu Kristi ru emwi ne ọ yẹ ọre vbe uwu ima. Jesu Kristi ọre uyi gha rrọọ na ẹdẹ kevbe ẹdẹdẹmwẹdẹ! Isẹ.

Jems 1:18

Ekhọe obọ ẹre ọre ọ ya la ekpa ẹmwẹ ẹmwata yi ima, ne ima miẹn ehe na gha rre ukpo ne okaro vbe uwu ẹbu avbe emwi ne ọ yi hia.

I Pita 1:14

Wa gha họn ẹmwẹ ne Osanobua, wa ghẹ gie a miẹn wẹ avbe emwi ne uwa te rriarria ba ẹghẹ ne uwa na he re ne ọ ma rẹn ne a ye, ye gha ma uwa emwi ne uwa gha ru.

I Pita 2:1

Rhunmwuda ọnii nian, wa gie a wabọ emwi dan hin ehe ne uwa ye rre, ohoghe ne a ta fo, kevbe ẹkẹ vbe iwẹnwẹn kevbe oya ọmwa da ọmwa, kevbe ẹmwẹ obi unu.

I Jọn 2:17

Agbọn na, kevbe emwi ne agbọn gualọ ni rrọọ hia, te ehia rhie gberra khian, sokpan, ọmwa ne ọ ru vbene Evbavba ho ọ gha rrọọ ẹdẹdẹmwẹdẹ.