I Pita 4:17 - Edo Bible (E Baibol Ẹdo) Version 1996

¹⁷ Ọ sẹe nẹ nian ne ibuohiẹn gha ya suẹn, emwa Osanobua ọre a gha ka bu ohiẹn ọnrẹn. A deghẹ egbe ima ọre ọ na suẹn, vbe ọ ra gha ye hẹ vbe ufomwẹ ọnrẹn, vbe egbe iran ni ma ya Iyẹn Ne ọ maa ne ọ ke obọ Osanobua rre yi?

I Pita 4:17 ပူးပေါင်းရင်းမြစ်များ

Aizaia 10:12

Sokpan, I gha ru emwi ne I ru vbe Oke Zaiọn kevbe Jerusalẹm nẹ, I gha rri ọgbaisi Asiria oya ye orhuọ hia ne ọ rhuọ kevbe uhiomwẹ ne ọ hio.

Jerimaia 25:29

Ẹvbo mwẹ ọ re I ra na suẹn iwinna ọ dunmwu an nii. Te iran ro wẹ iran gha lẹ ọre fe vbe ne a i na rri iran oya ra? Hiehiere, te a ra rri iran oya rhunmwuda, te I ra gie okuo gie emwa hia ni rre agbọn. Mẹ ne Nọyaẹnmwa ne Oghodua tae nẹ.

Jerimaia 49:12

“Adeghẹ te a ghi miẹn wẹ avbe emwa ni ma te kei ne iran rrioya, vbe danmwẹ vbe uwu ukpu irrioya ni, te uwẹ ghi ro i ghe irrioya nii gha la uwẹ ban? Hiehiere, te uwẹ gha vbe wọn vbe uwu ukpu nii!

Ezikiẹl 9:6

Wa gbele avbe ediọnmwa, kevbe avbe edede, igbama kevbe ivbialeke, iye emọ kevbe emọ. Sokpan, wa ghẹ ya obọ kan emwa ne ama rre ọre uharo. Wa wa suẹn vbe Ọgua Osa mwẹ vbe emwa na.” Rhunmwuda ọnii, iran keghi wa ye avbe ọkaolotu ni mudia vbe Ọgua Osa vba suẹn.

Emọs 3:2

“Vbe avbe uhunmwu ẹvbo hia ni rre agbọn na, wa ọkpa ọre I rẹnrẹn, wa ọkpa ọre I vbe gbe aro ghe vbọ. Ọnii ọre ọ si ẹe ne orukhọ uwa na re emwi ne ọ mu ohan, ọnii ọ si ẹe ne a na miẹn wẹ ẹ i mwẹ I ma rri uwa oya yọ.”

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

Iyẹn ne ọ Maan Ọghe Luk 23:31

Rhunmwuda a ghi ru emwi vbe nian vbe egbe erhan ọgbọn, vbe ọ gha ye hẹ ne erhan ne ọ kae?”

Ebe ne Pọl gbẹẹn gie emwa Rom 1:1

E Pọl ne Ọguọmwadia Kristi Jesu, kevbe ukọ Osa ne Osanobua tie re ne ọ gha kpe orhu Iyẹn Ne ọ maa ọghe irẹn, ọre ọ gbẹn ehe na rre.

Ebe ne Pọl gbẹẹn gie emwa Rom 2:9

Oya kevbe obalọ gha rrọọ ne emwa hia ni ru emwi dan, okaro ne avbe Ju, vbe iyeke ọnii, kevbe ne iran ne ẹ i re Ju.

Galatia 3:1

Wa ne emwa Galatia ne akpa. Gha ọ ruan uwa yi? Vbe odaro uwa zẹ, wa miẹn vbene a wa gie ẹre hẹ ighẹ uwu ne Jesu Kristi wu vbe uhunmwu ugbugbe!

Galatia 5:7

Wa te wa gha gbe ẹse. Gha ọ ghi da uwa obọ emwi ẹmwata ne uwa te ru yi yi? Vbe ọ ya sẹtin ya uwa ru ẹe hẹ yi?

Galatia 6:10

Rhunmwuda ọnii, ẹghẹikẹghẹ ne a ya miẹn otọ, wa gie a gha ru emwa hia ẹse, sokpan sẹe hia sẹẹ hia, iran ne ima gba re ọkpa vbe ẹgbẹe iyayi.

II Tẹsalonaika 1:8

Ke ẹe kevbe ogidi erhẹn, ne ọ do rri iran oya ighẹ iran ni ma rẹn Osanobua, kevbe iran ni ma ru vbene Iyẹn Ne ọ maa vbe ekpa Nọyaẹnmwa Jesu kha re.

I Timoti 3:15

Sokpan deghẹ I ma ghi rherhe rre, ebe na gha gie uwa rẹn vbene ọ kere ne ima gha mu egbe yi hẹ vbe uwu igiowa Osanobua, ne ọre esọsi ọghe Osanobua ne ọ rrọọ, orre kevbe okpo ọghe ẹmwata.

Hibru 11:8

Iyayi ọre ọ ye. Ebraham họn vbe Osanobua tie ẹre, ọ na gha rrie ẹvbo ne Osanobua ve ẹre re wẹ, rẹn gha rhie nẹẹn. Rẹn keghi kpao vbe ẹvbo irẹn rre, vbe ne ọ ma na rẹn ehe ne ọ rriẹ.

Hibru 2:2

A miẹn ọẹn wẹ, ẹmwẹ ne avbe odibo Osa do ta, ẹmwata nọ, kevbe wẹ, ọmwaikọmwa ne ọ ma ya ẹe ru emwi ra ne ọ ma ru vbe ne ọ khare, ọ ghi rri oya ne ọ ma ẹn.

Hibru 2:4

Erriọ vbe nọ zẹ, Osanobua keghi rhie osẹe ọghọe te ọghe iran vbe ekpa ne ọ gha winna iwinna ama, ẹtin, ọyunnuan, kevbe iwinna ọyunnuan ni bun. Deba ẹre, ọ keghi ya ọhẹ Orhiọn Ne Ọ Huanrẹn ghae ne emwa hia vbene ọ yẹ ọre.

Hibru 3:6

Sokpan Kristi kegha re ne ọ gia mu ẹtin yan, zẹ vbe Ọmọ ne a gbe aro ghe owa erha ẹe. Ma na ọrọre owa ẹre, a deghẹ ma ya obọ da ẹtin mwa kevbe a muẹtinyan mwa yi mwẹ, vbe ọghe emwi ne ima mwẹ idanmwehọ ẹre.

Hibru 5:9

Ugbẹn vbe a ghi ya ẹe khian enọgbae na nẹ, rẹn keghi do khian ehe ne imiẹnfan etẹbitẹ ke rre ne iran hia ni họn ẹmwẹ nẹẹn.

I Pita 2:5

Wa gha dee zẹ vbe okuta ni rrọọ, ne uwa gia ya uwa bọ Ọgua Osa ọghe orhiọn, eke ne uwa gha na winna, zẹ vbe avbe ohẹn ni huanrẹn, ne uwa gha zọ ese orhiọn ne a ọ gia rhan obọ miẹn ghe Osanobua vbe ekpa Jesu Kristi.

I Pita 2:8

Ebe ọvbehe keghi vbe kha wẹ: “Ọna ọ re okuta ne emwa gha na gha rrua owẹ, okuta ne ọ gha munọ iran gbe otọ.” Iran rrua owẹ rhunmwuda iran ma ya nene ẹmwẹ yi, ehe ne Osanobua mwamwa iran yi ọre ọnii khin.