I Pita 3:9 - Edo Bible (E Baibol Ẹdo) Version 1996

⁹ Wa ghẹ ya ọkhọ ha osa ọkhọ, ra ne a ya ihẹn ha osa ihẹn, sokpan wa gha ya erhunmwu afiangbe ha osa, rhunmwuda, ẹghẹ ne Osanobua na tie uwa, afiangbe ọre ọ wẹ rẹn ra rhie ne uwa.

I Pita 3:9 ပူးပေါင်းရင်းမြစ်များ

Gẹnẹsis 42:25

E Josẹf keghi wẹ ne a viọ ọka vuọn ẹkpo iran, ne a vbe dọlegbe rhie igho dọmwadẹ ọghọe ye ẹkpo dọmwadẹ ọghọe, kevbe ne iran vbe viọ evbare ne iran gha re vbe odẹ ne iran, a ke ru vberriọ.

Itan 17:13

U gha ya ọkhọ ha osa ọ maa, ọkhọ i lahin owa ruẹ rre ẹdẹdẹmwẹdẹ.

Itan 20:22

Ghẹ wa kha wẹ u ra ya rria ikhi ne egbe ruẹ. Mu ẹtin yan e Nọyaẹnmwa, ọ gha dọlọ ẹe yi.

Itan 28:10

U gha rẹrẹ ọmwa esi fi orukhọ, ifi ne uwẹ tobọ khuẹn gha mu ẹẹn. A ghi san ọmwa ne ọ ma rukhọ ẹsẹse.

Matiu 19:29

Debare, ọmwaikọmwa ne ọ sẹ owa rae kevbe etẹn nikpia, etẹn nikhuo, erha ra iye, emọ ra ugbo rhunmwuda mwẹ, ukhukhu iyisẹn avbe emwi na hia gha sẹ ọre obọ deba ẹfe ne ẹ i mwẹ ọfo.

Matiu 25:34

Ọba ghi tama iran ni rre obọ erha ọmwa wẹẹ, ‘Wa larre, wa ne erha mwẹ fiangbe, wa do mu arriọba ne a kpehe ẹre ye otọ khẹ uwa ke ne a ya yi agbọn gha dee.

Matiu 5:39

Sokpan, mẹ tama uwa nian, ghẹ rria ọmwaikọmwa ne ọ ruẹ khọ ikhi. Ọmwa gha gbe ubi ye uwẹ irho obọ erha ọmwa, giee wa vbe gbe ye ọghe obọ iye ọmwa.

Matiu 5:44

Sokpan, mẹ tama uwa nian, gha ho ẹmwẹ nọkhuiwu ruẹ, gha na erhunmwu ne iran ni zẹ uwẹ owẹ.

Iyẹn ne ọ Maan Ọghe Mak 10:17

Ugbẹn vbe Jesu ghi ra vbe suẹn okhian, okpia ọkpa rhulẹ bu ẹre rre, ọ diguẹ nẹ, ọ keghi nọ rẹn wẹẹ, “De emwi ne I gha ru, Ọmamwaemwi ne ọ maa, ne ẹfe ne ẹ i fo gha na sẹ mwẹ obọ?”

Iyẹn ne ọ Maan Ọghe Luk 10:25

Okpia ne ọ ma emwa Uhi ọkpa keghi do gualọ Jesu ẹmwẹ ne unu, ọ nọ rẹn wẹ, “Ọmamwaemwi, vbe i a gha ru ne a rrọọ etẹbitẹ miẹn ehe na sẹ mwẹ obọ?”

Iyẹn ne ọ Maan Ọghe Luk 18:18

Ọkaolotu avbe Ju ọkpa keghi nọ rẹn wẹẹ, “Ọmamwaemwi ne ọ maa, Vbe i a gha ru ne ẹfe nẹi fo gha na sẹ mwẹ obọ?”

Ebe ne Pọl gbẹẹn gie emwa Rom 12:14

Gha na erhunmwu ne iran ni zẹ uwẹ kpokpo, ẹn, gha na erhunmwu ne iran, ghẹ tie ihẹn.

Ebe ne Pọl gbẹẹn gie emwa Rom 12:17

Ọmwa gha ruẹ khọ, ghẹ vbe ye ọkhọ ha ẹre nẹẹn. Hia ne u gha ru emwi ne emwa hia ka ye ne ọ maa.

Ebe ne Pọl gbẹẹn gie emwa Rom 8:28

Ma rẹnrẹn wẹ vbe uwu emwi hia, te Osanobua yaba emwa ni ho ẹmwẹ ọnrẹn ru emwi ne ọ ma an, avbe emwa ne irẹn tie re zẹ vbene ọ mwamwa ẹn.

Ebe ne Pọl gbẹẹn gie emwa Rom 8:30

Osanobua keghi tie iran ne irẹn zẹ ye efẹn ọkpa nẹ, ẹ i re wẹ ọ tie iran ọkpa, sokpan ọ keghi vbe ye iran dọlọ kugbe ba egbe irẹn, ẹ i re wẹ ọ dọlọ iran kugbe ba egbe ọkpa, sokpan ọ keghi vbe ghae ne iran vbe uwu uyi ẹre.

Galatia 3:14

Kristi ru vberriọ, ne a miẹn ehe na rhie afiangbe ne Osanobua ve Ebraham re ne iran ne ẹ i re Ju vbe ekpa Jesu Kristi, ne Orhiọn ne Osanobua ve miẹn ehe na la ekpa iyayi sẹ ima obọ.

Ẹfisọs 4:32

Sokpan, wa gha mwẹ itohan kevbe ekhọe agiẹngiẹn da egbe, wa vbe gha ya bọ egbe, zẹ vbene Osanobua vbe la ekpa Kristi yabọ uwa.

I Tẹsalonaika 5:15

Wa ghẹ ye ọkhọ ha osa ọkhọ, sokpan wa gha ru egbe emwi esi, wa ghi vbe gha ru emwa hia ẹse vbe ẹghẹ hia.

Hibru 12:17

Wa rẹnrẹn wẹ, vbe okiekie, ọ keghi te gha ho ne erha ẹe fiangbe irẹn sokpan, a keghi khu ẹe werriegbe rhunmwuda, ọ ma miẹn odẹ ne ọ ya fi emwi ne ọ ru nẹ werriẹ, a gha rhe miẹn wẹ ameve ọ ya gha rinmwian.

Hibru 6:14

Ọ keghi kha wẹẹ, “I yan ma ruẹn wẹ, I gha fian gbe uẹ, I ghi vbe viọ uniẹn ni bun nuẹn.”

I Pita 5:10

Sokpan, u ghẹ ghi rri oya la ẹghẹ eso vberriọ nẹ, Osanobua ẹsọhẹ hia, ọmwa ne ọ tie ruẹ ne u do ghae vbe uyi etẹbitẹ ọghọe, vbe uwu a yegbe ba Kristi, gha tobọ ẹre ya uwẹ khian ne ọ gbae, ọ ghi rhie a mudia gbain nuẹn, ẹtin kevbe ẹyotọ ne ọ de ziẹn.

I Samuẹl 26:11

A wua ne Osanobua wẹ ne imẹ danmwẹ ọẹn ghe ne I ru ọba ne Osanobua maẹn emwi. Gie ima viọ asoro kevbe ọgọ amẹ ọnrẹn ne a kpao.”