I Pita 3:8 - Edo Bible (E Baibol Ẹdo) Version 1996

⁸ Ne I ya fian ẹre ifi: wa gie vbene uwa ziro kevbe vbene emwi ye vbe ekhọe uwa, gha ya kugbe. Wa gha ho ẹmwẹ egbe, zẹ vbe etentẹn ne ikpia. Wa gha mwẹ itohan ghe egbe, ne uwa vbe gha mu egbe rri otọ ne egbe.

I Pita 3:8 ပူးပေါင်းရင်းမြစ်များ

Psalm 103:13

Zẹ vbene erha tohan ivbi ẹre, erriọ e Nọyaẹnmwa tohan iran ni ya ọghọ ne ẹẹn.

Itan 28:8

Adeghẹ igho isu kevbe igho ne u miẹn vbe obọ emwa ne emwi ba so ọ re u ya fe, ẹfe ruẹ gha gberra gha rrie obọ ọmwa ne ọ tohan ivbiogue.

Zẹkaraia 7:9

“Vbe ẹghẹ ne ọ kpee fua, I keghi gu avbe emwa mwẹ guan wẹẹ, ‘Wa gia miẹn wẹ vbene ọ khẹke ọ re a ru emwi yi wa ghi vbe gha tohan egbe, wa ghi gha mwẹ ẹnina egbe.

Matiu 18:33

Ọ te kei ne uwẹ vbe tohan ọguọmwadia ne ihua zẹ vbene imẹ tohan ruẹn.’

Iyẹn ne ọ Maan Ọghe Luk 10:33

Sokpan ovbi e Sameria ọkpa ghi la odẹ nii khian, ọ keghi do dekun ẹnrẹn, ugbẹn vbe ọ bẹghe okpia nii, ohan rẹn to ẹe ẹsẹse.

Iwinna 2:1

Ugbẹn vbe ọ ghi sẹ ẹdẹ Pẹntikọst, iran ni yayi hia keghi si egbe koko ye ihe ọkpa.

Iwinna 27:3

Ẹdẹ ne ọ lele ẹe, ma keghi sẹ Saidọn. Juliọs keghi tohan Pọl, ọ na giee ya miẹn avbe esiọ re, ne iran miẹn ehe na we ehe ye ọre ẹkpo.

Iwinna 28:7

Otọe okpia ọkpa ne a tie eni ẹnrẹn Publiọs keghi sikẹ evba, rẹn ọre ọ vbe re enogie ẹvbo ni. Rẹn keghi wa miẹn ima yi, ma na gbe ikpẹdẹ eha vbe owa ẹre.

Iwinna 4:32

Otu iran ni yayi keghi gha rrọọ vbe ekhọe ọkpa kevbe orhiọn ọkpa. Arhiọnkpa ne ọ vbe tie emwi ne ọ mwẹ ọghe obọ ẹre, ẹ i rrọọ. Iran hia ghi gha gba ghae emwi ne iran mwẹ, ọ gba obọ.

Ebe ne Pọl gbẹẹn gie emwa Rom 12:10

Wa kakabọ gha ho ẹmwẹ egbe zẹ vbe etẹn vbe uwu Kristi, wa gie ẹe gha bọbọ uwa egbe ighẹ ẹmwẹ ọghọ na rhie ne egbe.

Ebe ne Pọl gbẹẹn gie emwa Rom 15:5

Ne Osanobua, obọ ọmwa ne i ziengbe kevbe a rhie ẹtin ye ọmwa iwu ke rre, gie uwa sẹtin gha zẹ iro kugbe, vbe emwi ne uwa ru, vbe ekpa ne uwa gha na gha lele igiemwi Jesu.

I Kọrinti 1:10

I ya ẹtin Nọyaẹnmwa Jesu Kristi rinmwian uwa etẹn, ne uwa gie ẹmwẹ uwa hia ha gu egbe ro vbe ẹmwẹ ne uwa ta, ne iwannegbe ghẹ gha rre ẹkpo uwa, wa gha re ọkpa vbe iro ne uwa zẹ, kevbe emwi ne uwa họ ne uwa ru.

I Kọrinti 12:26

A deghẹ efẹn ọkpa vbe egbe miẹn obalọ, ehe ni dekẹe hia ghi guee miẹn obalọ nii, a deghẹ a vbe tian ọkpa vbọ, ni dekẹe hia ghi gu ẹe ghọghọ.

Ẹfisọs 4:2

Wa gha mu egbe rriotọ, wa vbe fu, ne uwa vbe gha mwẹ i ziengbe vbe ẹghẹ hia. Wa gha rhie maa ighẹ wa ho ẹmwẹ egbe, vbe ekpa ne a na ru iyobọ ne egbe.

Ẹfisọs 4:31

Wa gbe ukhu ẹre ua ighẹ ẹkorriaramwẹ, owowo, kevbe ohu, wa ghẹ ghi vannọ okan, ra ne a gha tie ihẹn, wa gie ẹkokhọmwẹ fo, ke ẹe kevbe emwi ni ye rriọ hia.

Ẹfisọs 4:32

Sokpan, wa gha mwẹ itohan kevbe ekhọe agiẹngiẹn da egbe, wa vbe gha ya bọ egbe, zẹ vbene Osanobua vbe la ekpa Kristi yabọ uwa.

Filipai 2:3

Wa ghẹ ya ekhọe a gua ye ẹgẹn ọmwa ọkpa ru emwi rhọkpa, ra ekhọe a ba wẹ, sokpan wa gba gha daa ne egbe, vbene u i na ro ighẹ wẹ maa sẹ ọmwa ọvbehe.

Filipai 3:16

Vbene ọnii a rhirhi gha ye hẹ, wa gie ima rhie owẹ lele ukpowẹ ne ima la de usin do sẹ wanwan na.

Kọlose 3:12

Emwa Osanobua ọre uwa khin, ọ ho ẹmwẹ uwa, ọ keghi vbe hannọ uwa zẹ ne ọ ya ru ọghọe, rhunmwuda ọnii, wa gha mwẹ ekhọe agiẹngiẹn, itohan imuegberriotọ, ọmẹhẹ, ufumwẹ kevbe iziengbe.

Hibru 13:1

Wa gha ho ẹmwẹ egbe zẹ vbe etẹn vbe uwu Kristi.

Jems 2:13

Rhunmwuda, ọmwa ne ọ ma mwẹ itohan, Osanobua i ra tohan rẹn vbe ọ a gha bu ohiẹn, sokpan itohan ọre ọ khọnmiotọ ibuohiẹn.

Jems 3:17

Sokpan ẹwaẹn ne ọ ke odukhunmwu rre, keghi re vbe okaro, ne ọ huanrẹn, ọ keghi vbe re ne ọ fu ọmwa egbe rre, ne rọkhọ kevbe ọghe ọse, ọ vuọn ne itohan, ọ keghi vbe viọ emwiorhọ iwinna esi ladian, ẹ i mwẹ ẹko ne ọkhọ ọmwa ra ẹkẹ vbe iwẹnwẹn.

Jems 5:11

Te ima ghi tie iran emwa ni rre oghọghọ rhunmwuda, iran zin egbe. Wa họn ẹn vbene Job ziengbe hẹ, wa vbe rẹn vbene Nọyaẹnmwa ghi fiangbẹe hẹ vbe okiekie. Rhunmwuda, Nọyaẹnmwa vuọn ne itohan kevbe ẹnina.

I Pita 1:22

Vbene uwa ghi na la ekpa ne uwa na ru vbene ẹmwata khare, ye egbe uwa khian ne ọ huanrẹn nẹ nian, ne uwa na vbe mwẹ aho ẹmwẹ ọmwa ẹmwata ghe emwa iyayi ne iho uwa, wa gha ya ekhọe uwa hia ho ẹmwẹ egbe uwa ẹsẹse.

I Pita 2:17

Wa gha daa ne emwa hia, wa gha hoẹmwẹ ivbi iyayi ne iho uwa, wa gha mu ohan Osanobua, wa gha gbe uhunmwu ke otọ ne Enọgbaisi.

I Pita 5:5

Erriọ vbe nọ zẹẹ, wa ne igbama, wa gha gbe uhunmwu ke otọ ne avbe eniwanrẹn. Wa hia fẹẹrẹ ghi rhie ukugba imuegberriotọ gba, ne uwa ya gha ru ne egbe rhunmwuda ebe khare wẹẹ, “Osanobua mu aro igbinna da e nọ tọn egbe mu, sokpan ọ ghi gha rhie ẹsọhẹ ne ne ọ mu egbe rri otọ.”

II Pita 1:7

wa ghi rhie aho ẹmwẹ ọmwa ne ọ rre ẹkpo etẹn ba aruemwi vbene ọkhọ ọghe Osanobua uwa, wa ghi rhie aho ẹmwẹ ọmwa ba aho ẹmwẹ ọmwa ne ọ rre ẹkpo etẹn uwa.

I Jọn 3:14

Ma rẹnrẹn wẹ, ma lẹ uwu fe nẹ, ma keghi la uwu ẹfe. Ma rẹn ọna ye vberriọ rhunmwuda, ma ho ẹmwẹ etẹn mwa. Ọmwaikọmwa ne ẹ i mwẹ aho ẹmwẹ ọmwa, uwu uwu ọre ọ ye ye.