I Pita 3:6 - Edo Bible (E Baibol Ẹdo) Version 1996

⁶ Erriọ Sera gha ye, te ọ gha họn ẹmwẹ ne ọdọ ẹre, ọ re ọ na gha tie ẹre “Enaẹmwẹ.” Wanwanna nian, ivbi ẹre ne ikhuo ọre uwa khin, a deghẹ wẹ yin ẹse, ighẹ wa ma vbe mu ohan emwi rhọkpa.

I Pita 3:6 ပူးပေါင်းရင်းမြစ်များ

Gẹnẹsis 18:12

Rhunmwuda ọnii, e Sera keghi hẹko gha giẹ, ọ wẹẹ, “Eban I khian ọmaẹn gbe ne ọ ghi biẹ, ẹghẹ na ọre I gha na ye gha miẹn okpia ra? Yevbe sẹ ọnii, ọdafẹn mwẹ khian ọmaẹn nẹ.”

Gẹnẹsis 18:15

Rhunmwuda ne ohan na mu Sera, ọ keghi siẹn wẹẹ, “I ma giẹ,” rẹn wanniẹn tama rẹn wẹẹ, “U giẹe vbe ne ẹmwata, u giẹe.”

Psalm 45:11

Ose ruẹ gha ya ọba ho ẹmwẹ ruẹn, rẹn ọrọre arowa a rhunmwuda ọnii, u ghi gha họn ẹmwẹ ne ẹẹn.

Aizaia 57:11

E Nọyaẹnmwa khare wẹẹ, “Vbe avbe ẹbọ na ye ne afianma rẹn fian uwa na yi, ne uwa na ta ohoghe ma mwẹ, wa na vbe mianmian mwẹ fẹẹrẹ? Rhunmwuda ne I na hunwan la ẹghẹ ne ọ taẹn vberriọ ọ re uwa na dobọ uyi ne a rhie mẹ yi ra?

Iwinna 4:19

Sokpan Pita kevbe Jọn zẹ wanniẹn iran wẹ, “Wa tobọ uwa ta ne ọ maa sẹ vbọ vbe odaro Osanobua, ne a ru ne uwa khare ra ne a ru ne Osanobua khare?

Giọgis 19:26

Ẹdẹ ghi gbe, okhuo nii kegha dee, ọ na de gbe otọ vbe onurho okpia nii, vbe ehe ne ọdọ ẹre ye. Evba ọ re ọ gha ye ẹdẹ te gbe.