I Pita 3:5 - Edo Bible (E Baibol Ẹdo) Version 1996

⁵ Rhunmwuda avbe ikhuo ni ya ekhọe ga nẹdẹ, ni vbe mu idaehọ iran yan Osanobua, vberriọ ọre iran ya gha te egbe iran, te iran gbe uhunmwu ke otọ ne avbe ọdafẹn iran.

I Pita 3:5 ပူးပေါင်းရင်းမြစ်များ

Itan 31:10

Ọ wa lọghọ a te do miẹn amwẹ ne iye owa, ive ẹ re sẹ emwi itegbe ighobioye ni bun.

Itan 31:30

Te ose rẹrẹ ọmwa, te ukhuegbe vbe khian ne a ho bẹkun, sokpan okhuo ne ọ ya ọghọ ne Nọyaẹnmwa, te ọ kere ne a tian rẹn.

Jerimaia 49:11

“Wa sẹ avbe emọ ne ẹ i mwẹ erha uwa rae mẹ, I gha gbearoghe iran. Avbe ikhuo ni dẹgbẹ vbe uwu uwa sẹtin yaro khọ mwẹ.

Iyẹn ne ọ Maan Ọghe Luk 2:37

Ọdọ re ghi vbe wu nẹ, ọ keghi vbe ya ukpo enẹ yan iyenẹ ru ẹgbẹ. Ẹ ghi kpao vbe Ọgua Osa rre. Asọn vbe avan ọre ọ ya ga Osanobua vbe aguẹ kevbe erhunmwu.

Iwinna 1:14

Iran keghi kugbe zẹẹ vbe otu ọkpa, ne iran gha na erhunmwu vbe ẹghẹ hia, deba okhuo nọkpa nii, kevbe Meri ne iye Jesu, kevbe etiọnrẹn ne ikpia.

Iwinna 9:36

Okhuo ọkpa ne a tie ẹre Tabita keghi rre Jopa, ọmwa iyayi nọ. (Dọkas ọre a tie ẹre vbe Grik, emwi ne a ya ọnii kha ọrọre ẹrhuẹ.) Ọ lo ẹghẹ ẹre ye iwinna ne ọ maa kevbe ne ọ gha ye avbe ivbiogue obọ.

Ẹfisọs 5:33

Sokpan avbe ta ẹe gie uwa, ọ kere ne dọmwadẹ ọdọ gha ho ẹmwẹ amwẹ ọnrẹn, zẹ vbe egbe ẹre, dọmwadẹ amwẹ ghi vbe gha ye ọghọ ne ọdọ ẹre.

I Timoti 2:10

Sokpan, ọ ghe uyinmwẹ ne ọ maa zẹ vbe ne ọkere ne ikhuo ni khare ighẹ emwa iyayi ọre iran khin.

I Timoti 2:15

Sokpan, a gha miẹn okhuo fan vbe ekpa ne ọ gha na gha mwẹ emọ, a deghẹ ọ ziengbe vbe iyayi kevbe aho ẹmwẹ ọmwa, kevbe uhuanmwẹ deba a ru emwi ye oreghe.

I Timoti 5:10

A ghi vbe gha so eni ẹnrẹn ẹse ye uyinmwẹ ne ọ maa, okhuo nọ koko ivbi ẹre ẹse, ne ọ miẹn avbe orhunmwuyẹn yi vbe owa ẹre, ne ọ vbe kpe emwa Osanobua owẹ, ne ọ vbe ye iran ni rre uwu ọlọghọmwa obọ, ne ọ vbe rhie egbe ye ne ọ gha winna iwinna ni maa hia.

I Timoti 5:5

Okhuo ne ọ re ẹgbẹ ne ẹgbẹ, ne ẹ i mwẹ ọmwa ne ọ gbe aro ghe ẹre, aro Osanobua ọkpa ọre ọ ghi ghe, ọ ghi gha na erhunmwu, ọ ghi gha nọ iyobọ vbe obọ ẹre asọn kevbe avan.

Hibru 11:11

Iyayi ọre ọ do ya Ebraham khian ebaba, egbe ne a rhe ya miẹn wẹ, ọ khian ọmaẹn gbe nẹ, kevbe wẹ, Sera ne amwẹ ọnrẹn keghi vbe gha re agan. Ọ keghi mu ẹtin yan Osanobua wẹ, ọ gha ru vbene ọ khare.

I Pita 1:3

Wa gie ima rhie ekpọnmwẹ ne Osanobua ne Erha kevbe Nọyaẹnmwa Jesu Kristi! Rhunmwuda itohan rẹn nọkhua, ọ keghi rhie arrọ ọghe ọgbọn ne ima, vbe ekpa ne ọ na huẹn Jesu Kristi kpao vbe orinmwi. Ọ na rhie idaehọ ne ọ ma wu vuọn ima.

I Samuẹl 2:1

E Hanna keghi na erhunmwu wẹẹ: “E Nọyaẹnmwa ya oghọghọ vuọn ekhọe mwẹ nẹ, ọyẹnmwẹ sẹ mwẹ ye emwi ne ọ ru! I giẹ iran ne eghian mwẹ nian, ọyẹnmwẹ sẹ mwẹ rhunmwuda, Osanobua yọmwẹ obọ nẹ.