I Pita 3:3 - Edo Bible (E Baibol Ẹdo) Version 1996

³ Wa ghẹ gha ya emwi itegbe te egbe ne uwa ba miẹn ehe na gha mose, egbe vbene uwa mẹ eto hẹ ra emwi itegbe ne uwa viọ ye egbe ra ukpọn ne uwa ya mu egbe.

I Pita 3:3 ပူးပေါင်းရင်းမြစ်များ

Gẹnẹsis 24:22

Ugbẹn vbe ọ ghi sa amẹ ne avbe ekẹtẹkẹtẹ nii wọn fo nẹ, okpia nii keghi rhie oroka ihue ọghe igoru ighobioye ye ọre ihue, ọ keghi viọ emwiobọ eva ọghe igoru nekhua ye ọre obọ.

Gẹnẹsis 24:47

I keghi nọ rẹn wẹẹ, ‘Gha ọ re erha a?’ Rẹn keghi wanniẹn wẹẹ, ‘Ovbi e Bẹtuẹl nokhuo ọre I khin, ovbi Milka kevbe Nahọ.’ Ọre I na rhie oroka nii ye ọre ihue, kevbe emwiobọ ye ọre obọ.

Gẹnẹsis 24:53

Ọ viọ esiliva kevbe igoru ladian kevbe ikpẹrọnmwọ kevbe ukpọn ọ na viọ ne Ribẹka, ọ kevbe ya emwi ighobioye ne ọtiọnrẹn nokpia kevbe iye ẹe.

II Ọba 9:30

E Jehu keghi sẹ Jezrẹl. E Jezibẹl ghi họn emwi ne ọ sunu, ọ keghi ba itiro, ọ na dọlọ eto ẹre yi ẹse, ọ keghi mudia ye ewindo ẹguae ke evba gha ghe adesẹ ore.

Ẹsta 5:1

Ọ ghi rre ikpẹdẹ eha ne Ẹsta ghi suẹn gha yo aguẹ, ọ keghi hẹ ukpọn ọba ẹre ye egbe, ọna gha khian ya mudia ye ikun ne ọ ke ẹguae, ọ na mu aro da ugha ne ẹkete ye. Ọba kegha rre uwu owa, ọ tota ye ẹkete, ọna mu aro da onurho.

Psalm 45:9

Avbe ivbiọba nikhuo rre avbe ikhuo ni rre ẹrriẹ ruẹ amwẹ ọba vbe mudia ye obọ erha ọmwa ẹkete ruẹ, vbe ne ọ na ya emwi itegbe ọghe igoru ne ọ maa sẹẹ han.

Ẹksọdọs 3:22

Dọmwadẹ avbe ikhuo ghi nọ okhuo ne ọ rre owa ne ọ ye ra ẹdogbo ẹre ukpọn, emwi itegbe, esiliva kevbe igoru, ivbi Izrẹl ghi viọ avbe emwi na yọ avbe ivbi iran nikpia kevbe nikhuo vberriọ wa gha ya viọ avbe emwa Igipt emwi gha rrie.”

Ẹksọdọs 32:2

Errọn keghi tama iran wẹẹ, “Wa viọ avbe emwi ehọ igoru ne avbe amwẹ uwa, ivbi uwa nikpia kevbe nikhuo viọ ye ehọ ne uwa viọ ehia gun mwẹ.”

Ẹksọdọs 33:4

Ugbẹn vbe emwa nii ghi họn iyẹn dan na, iran keghi suẹn gha khiẹ, iran ma ghi viọ emwi itegbe ye egbe.

Ẹksọdọs 35:22

Ikpia kevbe ikhuo kevbe dọmwadẹ emwa ni ho keghi viọ ukotin ne a ya te emwi egbe rre, emwiehọ, oroka, emwiurhu, kevbe ikpẹrọnmwọ igoru ne iran ya fi ohan, zẹ vbe emwi izọhẹ gie Nọyaẹnmwa.

Ẹksọdọs 38:8

Ọ keghi ru uwawa akhuẹ oze kevbe uhe ẹre ọghe oze, ughegbe avbe ikhuo ni winna vbe onurho ne a la la Owa Ukpọn Ehe ne Nọyaẹnmwa ye ọre ọ ya ru ẹe.

Aizaia 52:1

Jerusalẹm, wegbe ne u vbe dọlegbe gha kpolo! Ẹvbo nọhuanrẹn ọghe Osanobua, ya ose yọ egbe ruẹ ẹwu. Avbe ni ma yayi i ghi dọlegbe fi owẹ la onurho ruẹ ọvbehe.

Aizaia 61:10

Ẹko rhiẹnrhiẹn Jerusalẹm rhunmwuda iwinna ne Nọyaẹnmwa winna ẹn. Te ọ yevbe ọha ne a mu ẹre egbe irhiọha. Osanobua ya imiẹnfan kevbe akhọnmiotọ yo ẹre ẹwu.

Jerimaia 2:32

Okhuo ọvbokhan vbe mianmian ikpẹrọnmwọ itegbe ẹre ra? Ra ne ovbiọha mianmian ẹwu irhiọha ẹre. Sokpan avbe emwa mwẹ mianmian mwẹ la inu ẹghẹ ne a ghi sẹtin ka nẹ.

Jerimaia 4:30

E Jerusalẹm, ọwuẹ fo! Vbe u a ghi na ya ododo han hẹ yi? Vbe u a na viọ ikpẹrọnmwọ ye egbe hẹ? Ne u na vbe ba itiro? Te u wa te egbe ne u ba gha mose kẹkan, avbe enida ruẹ hee uẹ yotọ ne, iran ho ne iran gbuẹ ua.

Ezikiẹl 23:40

“Kugba kẹghẹrẹ ọ re iran ya gha gie ya gha tie ikpia ke ehe ne ọ rrei ẹsẹse rre, avbe ikpia nii ghi vbe gele rre. Ivbiye eva na ghi khue iran ghi ba itiro, iran ghi ya ikpẹrọnmwọ te egbe.

Ebe ne Pọl gbẹẹn gie emwa Rom 12:2

Wa ghẹ ya egbe ba emwi ne agbọn na ru, sokpan wa gie Osanobua fi uwa werriẹ vbe uwu egbe vbe ekpa ne ọ gha na fi ekhọe uwa werriẹ. Ẹghẹ nii wa gha na sẹtin rẹn emwi ne Osanobua ho emwi ne ọ maa, ne ọ yẹ ọre kevbe ne ọ gbae.

I Pita 3:2

Rhunmwuda, iran gha miẹn uyinmwẹ ọghọ vbe ute ọghe uwa.