I Pita 3:21 - Edo Bible (E Baibol Ẹdo) Version 1996

²¹ Amẹ na keghi re emwikemwi ne a ya gie isamẹ ne ọ miẹn uwa fan banbanna nian, ẹ i re vbe ekpa ne ọ na kpe iruẹn ne ọ rre ikinnegbe kua, sokpan vbe ekpa eyan ne a ya ekhọe ne ọ ma bu abe gbe ọmwa yan ma Osanobua. Te isamẹ la ekpa arhiọkpaegbe Jesu Kristi miẹn uwa fan.

I Pita 3:21 ပူးပေါင်းရင်းမြစ်များ

Zẹkaraia 13:1

E Nọyaẹnmwa ne Oghodua khare wẹẹ, “Ọ gha sẹ ẹghẹ ne a kha na, a gha kie uhunmwu ẹzẹ ọkpa a, nẹ ọ khue ivbi uniẹn e Devid kevbe ivbi e Jerusalẹm huan hin orukhọ iran kevbe ẹbọ ne a gho rre.

Matiu 28:19

Wa bu emwa hia gha rrie ehe hia ne uwa ya gha ya iran khian erhuanegbe mwẹ, wa gha samẹ ne iran vbe Eni ọghe Erha, kevbe Ọmọ kevbe ọghe Orhiọn Ne Ọ Huanrẹn.

Iyẹn ne ọ Maan Ọghe Mak 16:16

Ọmwaikọmwa ne ọ yayi, a na vbe samẹ nẹ ẹn, ọ gha miẹn imiẹnfan. Ọmwaikọmwa ne ọ ma yayi, a gha bu abe gbẹe.

Iyẹn ne ọ Maan Ọghe Jọn 13:9

Saimọn Pita wanniẹn wẹẹ, “Nọyaẹnmwa, a deghẹ erriọ nọ, ẹ i re owẹ mwẹ ọkpa u gha kpe, wa vbe kpe mwẹ obọ kevbe uhunmwu ba re.”

Iwinna 16:33

Vbe asọn ni, eseghan nii keghi viọ iran, ọ na kpe iran ẹwẹn, a keghi vbe sa amẹ ne ẹn, ke ẹe kevbe ẹgbẹe ọre hia vbe ọwarọkpa nii.

Iwinna 2:38

Pita tama iran wẹẹ, “Dọmwadẹ ọghọe vbe uwu uwa zẹ obọ vbe orukhọ ne a ru ne a do sa amẹ ne uwa, vbe eni Jesu Kristi, ne a miẹn ehe na ya orukhọ uwa bọ uwa, wa gha vbe mwẹ Orhiọn Ne Ọ Huanrẹn ne Osanobua gha ya ru uwa ẹse.

Iwinna 22:16

Wanwanna nian, de emwi ne u ghi ye mudia khẹ? Kpaegbe ne a sa amẹ nuẹn ne a miẹn ehe na kpe orukhọ ruẹ kua vbe ekpa ne u na datie eni ẹnrẹn.’

Iwinna 8:36

Vbene iran khian vbe odẹ nii, iran keghi do sẹ ihe ọkpa ne amẹ ye, ọka iwinna ni keghi kha wẹẹ, “Ghe amẹ vbe emwa na, de emwi ne ọ gha zẹ ne a i ra na sa amẹ mẹ nian?” [

Iwinna 8:37

Filip khama rẹn wẹẹ, “A sẹtin sa amẹ nuẹ a deghẹ u ya ekhọe ruẹ hia yayi?” Rẹn wanniẹn wẹ, “I yayi, I yayi ghe Ovbi Osanobua ọre Jesu Kristi khin.”]

Ebe ne Pọl gbẹẹn gie emwa Rom 5:14

Sokpan ke ẹghẹ Adam gha dee do sẹ ẹghẹ Mosis, uwu keghi mu yan emwa hia, ya sẹ egbe avbe emwa ne ọ ma ru khọ zẹ vbene Adam rukhọ vbekpa ne ọ ma na ru vbene Osanobua kha re. Adam keghi re emwi ne a ya gie ọmwa ne ọ dee.

I Kọrinti 12:13

Erriọ ọre ọ ye ne ima hia, e Ju kevbe ne ẹ i re Ju, eviẹn kevbe ne ẹ i re eviẹn, a sa amẹ ne ima ye uwu egbe ọkpa nii nẹ vbe ekpa Orhiọn ọkpa nii, a keghi vbe rhie Orhiọn ọkpa nii ne ima hia wọn vbọ.

I Kọrinti 4:6

Rhunmwuda uwa, etẹn mwẹ, ẹmwẹ Apọlọs kevbe egbe mwẹ ọre I ta na. Te I ya egbe mwa ru igiemwi ne uwa miẹn ehe na rẹn emwi ne a ya ẹmwẹ na kha wẹẹ, “Wa gha ru vbene a yi ẹre iyi.” Ọmwa rhọkpa vbe uwu uwa ghẹ gha ya ọmwa ọkpa ghagha, ne ọ gha zan ọmwa ọvbehe.

II Kọrinti 1:12

Emwi ne ima ya ghagha ọ na khin: ekhọe mwa tama mwa wẹ, uyinmwẹ mwa vbe agbọn na, ibiba vbe ne ima vbe uwa gba ya ye egbe khian hẹ, a ta ẹmwata kevbe a i zẹ ibeleku ọrọre okpo ne ọ da ẹe yi, vbe ekpa ẹtin ẹsọhẹ Osanobua nọ, ighẹ ẹ i re vbe ekpa iguemwi emwa ne agbọn.

II Kọrinti 7:1

Emwi na hia ọre a ve ima ẹre, wa ne ọse mwẹ ni ghan. Rhunmwuda ọnii, wa gie ima khuẹ egbe mwa huan hin emwi ne ọ sẹtin ye egbe ra orhiọn khian ne ọ ma huan, wa gie ima hia ne ima gha re ne ọ huanrẹn fẹẹrẹ, vbe ekpa ne ima gha na gha rrọọ vbe a mu ohan Osanobua.

Galatia 3:27

Rhunmwuda, te a sa amẹ ne uwa ye uwu a kugbe be Kristi, rhunmwuda ọnii, te uwa ghi vbe mu akpa emwi ne ọ maa hia ọghe Kristi yọ.

Ẹfisọs 5:26

Te irẹn ru ọna, ne ọ miẹn ehe na ya ẹmwẹ ọnrẹn ya esọsi fi ohan ne Osanobua, vbe iyeke vbe ọ ghi ye amẹ kpe ẹe huan nẹ.

Kọlose 2:12

Rhunmwuda, ẹghẹ ne a na sa amẹ ne uwa, a keghi re orinmwi uwa ba Kristi, kevbe vbe uwu isamẹ nii, a kevbe huẹn uwa kpaegbe vbe orinmwi ba Kristi, vbe ekpa iyayi ne uwa mwẹ vbe uwu ẹtin nọ winna ọghe Osanobua ne ọ huẹn ọnrẹn kpao vbe orinmwi rre.

I Timoti 1:5

Emwi ne I rhunmwuda ẹre yi iyi na ọrọre, ne ọ gua ẹe kpao ighẹ aho ẹmwẹ ọmwa ne ekhọe sẹẹnrẹn, orhiọn ne ekhọe ẹre i gu gui, kevbe iyayi ne ẹ i re ọghe ababa.

I Timoti 6:12

Ye ẹtin ruẹn hia rhulẹ vbe ulẹ iyayi na, ne u ya obọ ruẹ khọn mu ẹfe etẹbitẹ, rhunmwuda, arrọọ vberriọ ọre Osanobua tie ruẹ yi, vbe ẹghẹ ne u na tobọ ruẹ ye unu miẹn kue, vbe sirra osẹe ni bun.

Hibru 10:22

Rhunmwuda ọnii, wa gie ima ye ẹkoata sikẹ Osanobua, ba iyayi ne aro dae, ke ẹe kevbe orhiọn ne a kpe huan hin ekhọe ne ọ rri abe rre nẹ, kevbe egbe ne a ye amẹ ne ọ hianrẹn khuẹ.

Hibru 11:19

Te Ebraham wa rhie aro yọ wẹ, Osanobua gha sẹtin dọlegbe huẹn Aizik kpaegbe vbe idin, a sẹtin kha khekherriọ wẹ, a gele rhie Aizik ke idin werriegbe gie Ebraham.

Hibru 13:18

Wa ye gha na erhunmwu ne ima. Ma rẹnrẹn wẹ ekhọe ima ma bu abe gbe ima, rhunmwuda, ma ho ne ima ru vbene ọ kere ẹghẹ hia.

Hibru 9:14

Ugbẹn vbe a ghi miẹn wẹ ẹmwata ọna khin, Inuinu ọre ne esagiẹn Kristi gha ru ya kpọlọ sẹẹ! Ọ la ekpa Orhiọn etẹbitẹ nii ya egbe ẹre zọ ese ne ọ gbae ghe Osanobua. Esagiẹn ọnrẹn ọre ọ gha khuẹ ekhọe orhiọn mwa huan hin obọ iwinna ọrhiae rre, ne ima miẹn ehe na gha ga Osanobua ne ọ rrọọ.

Hibru 9:24

Rhunmwuda, ẹ i re Ehe Ne ọ Huanrẹn ne emwa ye obọ ru, ne a ya ta ọghe ẹmwata ne ọ rrọọ, ọre Kristi lao. Ẹrinmwi fẹẹrẹ rẹn wa gha rrie, ehe ne ọ na mudia ne ima nian vbe odaro Osanobua.

I Pita 1:3

Wa gie ima rhie ekpọnmwẹ ne Osanobua ne Erha kevbe Nọyaẹnmwa Jesu Kristi! Rhunmwuda itohan rẹn nọkhua, ọ keghi rhie arrọ ọghe ọgbọn ne ima, vbe ekpa ne ọ na huẹn Jesu Kristi kpao vbe orinmwi. Ọ na rhie idaehọ ne ọ ma wu vuọn ima.

I Pita 3:16

Sokpan u ghi ru ẹre ọghe ọghọ vbe ute. Ghẹ gie ekhọe ruẹ bu ohiẹn gbe uẹ hiehiere, a i rẹn deghẹ te a ghi ya ukpẹ sakan uwa, ọmwaikọmwa ne ọ ya unu rhia uwa, vbe ekpa uyinmwẹ ne uwa yin, zẹ vbe ne ọ lele Kristi, ekhue ghi mu iran ba ẹmwẹ ne iran ta.