I Pita 3:20 - Edo Bible (E Baibol Ẹdo) Version 1996

²⁰ Ena keghi re orhiọn iran ni ma họn ẹmwẹ ne Osanobua vbe uwu ẹghẹ ne ọ na ya i ziengbe mudia vbe Noa ka okọ. Ibozẹghẹ ni gha rre uwu okọ ni — iran erẹnrẹn nọ, a keghi la ekpa amẹ miẹn iran fan.

I Pita 3:20 ပူးပေါင်းရင်းမြစ်များ

Gẹnẹsis 6:13

Osanobua keghi tama Noa wẹẹ, “I tae nẹ ighẹ I ra fuẹn emwa fo. I ra wa fuẹn ehia a fẹfẹẹfẹ, rhunmwuda, agbọn vuọn ne uyimwẹ ika ne iran yin.

Gẹnẹsis 6:3

Ẹre Nọyaẹnmwa na kha wẹẹ, “I i ghi kue ne emwa wa gha rre agbọn ẹdẹdẹmwẹdẹ rhunmwuda emwi ne ọ sẹtin wu ọre iran khin. Ke eban kpao iran i ghi ra gha ya gberra ukpo iyehan (120) vbe agbọn.”

Gẹnẹsis 6:5

Ugbẹn vbe Nọyaẹnmwa ghi miẹn wẹ emwi dan wa gba emwa hia obọ vbe ehe hia kevbe wẹ, iro dan ọkpa ọre ọ wa rre iran ekhọe vbe ẹghẹ hia,

Gẹnẹsis 6:8

Sokpan ẹmwẹ Noa keghi yẹ Nọyaẹnmwa.

Gẹnẹsis 7:13

Vbe ẹdẹ ne ẹdẹrriọ nii, e Noa kevbe amwẹ ọnrẹn, ivbi ẹre nikpia eheha Siẹn, Ham kevbe Jafẹt kevbe amwẹ iran keghi la uwe okọ.

Gẹnẹsis 8:1

Sokpan, Osanobua keghi ye Noa rre, kẹe kevbe avbe aranmwẹ oha kevbe emwirri ni guẹe rre uwe okọ, ọ gie ẹhoho ne ọ hoho ye agbọn, amẹ nii keghi gha rriotọ.

Gẹnẹsis 8:18

E Noa keghi do kpao vbe okọ rre kẹe kevbe amwẹ ọnrẹn, ivbi ẹre nikpia kevbe avbe amwẹ iran.

Aizaia 30:18

Sevba e Nọyaẹnmwa ye mudia ne ọ tohan uwa. Ọ mu egbe ne ọ ya tohan uwa, rhunmwuda emwi ne ọ gbae ọ re irẹn ru vbe ẹghẹ hia. Ọmakin iran ni mu ẹtin yan e Nọyaẹnmwa.

Matiu 7:14

Sokpan te onurho arrọọ ye wẹnrẹn, odẹ ne a la sọe ma vbe rriẹ, ibozẹghẹ ọre ọ vbe lae.

Iyẹn ne ọ Maan Ọghe Luk 12:32

“Wa ghẹ fian afianma, oghẹn kherhe. Rhunmwuda, ọ re ekhọe Erha uwa nẹ ne ọ rhie Arriọba ni ne uwa.

Iwinna 2:41

Ni bun vbe uwu iran keghi ya ẹmwẹ ọnrẹn yi, a keghi sa amẹ ne iran, emwa ni do ya egbe ba iran vbe ẹdẹrriọ kegha re omwa arriaisẹn eha.

Ebe ne Pọl gbẹẹn gie emwa Rom 9:22

Erriọ emwi ne Osanobua ru wa vbe ye zẹẹ. Ọ ho ne ọ rhie ohu ẹre maa kevbe ne ọ vbe rhie iwegbe ẹre ladian ne a miẹn. Ọ keghi wa kakabọ ziengbe ya mu ẹmwẹ iran ne ohu ẹre muẹn woo egbe, emwa ne ọ te kei ne a rẹnkhẹn uan.

Ẹfisọs 5:26

Te irẹn ru ọna, ne ọ miẹn ehe na ya ẹmwẹ ọnrẹn ya esọsi fi ohan ne Osanobua, vbe iyeke vbe ọ ghi ye amẹ kpe ẹe huan nẹ.

Hibru 11:7

Iyayi ọre ọ ya Noa họn ẹmwẹ ne Osanobua tama rẹn ye otọ, vbe ekpa emwi ne ọ gha he sunu vbe ẹghẹ ne ọ dee, ne irẹn ma he dẹghe. Rẹn keghi ru vbene Osanobua kha re, ọ keghi kan okọ ne irẹn kevbe ẹgbẹe ọre na miẹn uhunmwu. Odẹ vbe nian, rẹn bu abe gbe agbọn, ọ keghi ya iyayi khian ọmwa. ẹmwata vbe obọ Osanobua.

I Pita 1:22

Vbene uwa ghi na la ekpa ne uwa na ru vbene ẹmwata khare, ye egbe uwa khian ne ọ huanrẹn nẹ nian, ne uwa na vbe mwẹ aho ẹmwẹ ọmwa ẹmwata ghe emwa iyayi ne iho uwa, wa gha ya ekhọe uwa hia ho ẹmwẹ egbe uwa ẹsẹse.

I Pita 1:9

Rhunmwuda emwi ne uwa rhunmwuda ẹre yayi, sẹ uwa obọ nẹ, ọnii nọ wẹ, imiẹnfan orhiọn uwa.

I Pita 2:25

Wa keghi te ye vbe avbe ohuan ni bibi odẹ, sokpan, banbanna nian, a viọ uwa bu Ọsuohuan kevbe Nọgharoghe orhiọn uwa gha dee nẹ.

I Pita 3:19

Vbe uwu a rrọọ zẹ vbe orhiọn ni, ọre ọ na ya kpe orhu ma avbe orhiọn ne a munọ ye eghan.

I Pita 4:19

Rhunmwuda ọnii khekherriọ, iran ni rri oya rhunmwuda wẹ, vbene Osanobua wẹ emwi gha ye iran hẹ nọ, wẹ ne iran la ekpa uyinmwẹ esi iran wa ya egbe iran hia yan Ayi ne ọ yi iran, ọmwa ne ọ re ne ẹ i hiẹ ọmwa.

II Pita 2:5

Osanobua ma yabọ agbọn nẹdẹ, sokpan, te ọ hihiẹ Okpamẹ ne ọ lẹ rhu agbọn emwa dan, emwa ni miẹn uhunmwu vbọ ma gberra Noa ne ọ gha kpe orhu ẹmwata, deba arhin ihinrọn ọvbehe.

II Pita 3:15

Wa gha ka i ziengbe Nọyaẹnmwa ye ẹkpo otọ ne ọ rhie ne uwa, ne a ya miẹn uwa fan, zẹ vbene ọtẹn mwa ighẹ Pọl ya ẹwaẹn ne Osanobua rhie nẹẹn gbẹn ebe ẹre gie uwa.