Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




I Pita 3:18 - Edo Bible (E Baibol Ẹdo) Version 1996

18 Rhunmwuda, Kristi tobọ ẹre wu ne uwa, ọ wu ye orukhọ, uhukpa ne emwa hia, ọmwa esi wu ne emwa dan, ne ọ miẹn ehe na viọ uwa gie Osanobua. A gbe ẹe ua vbe ekpa ọghe egbe, a keghi huẹn ọnrẹn kpaegbe vbe ekpa ọghe orhiọn.

အခန်းကိုကြည့်ပါ။ ကော်ပီ




I Pita 3:18
34 ပူးပေါင်းရင်းမြစ်များ  

Ọ gha sẹ ufomwẹ ẹghẹ na, iran gha gbe ẹe rua ighe ọkaolotu ne Osanobua zẹe na vbene ẹ i na mwẹ emwi ne ọ ru. Ivbiyokuo ọmwa ne ọ wegbe ọkpa ne ọ rre asẹ gha mu okuo la ẹvbo, iran gha dunmwu avbe idunmwu nii kevbe Ọgua Osa rua. Ufomwẹ gha rre, orogho okpamẹ ne ọ lẹẹ gha rre, ọ ghi viọ okuo kevbe ọfuan gha dee zẹ vbene Osanobua mwamwaẹn yotọ.


Wa gha ghọghọ, wa gha ghọghọ ivbi e Zaiọn! Wa gha wee ne oghọghọ, wa ne ivbi e Jerusalẹm! Wa ghe ighẹ ọba uwa dee! Ọ dee vbe ọmwa ne ọ ru rho obọ, ọ vbe khọnmiotọ. Sokpan, ọmẹhẹ ne ọ hin ekẹtẹkẹtẹ ne kherhe, ne sọguọsọguọ rẹn khin.


Pailet ghi tota ye ugha ne ọ na bu ohiẹn, amwẹ ọnrẹn gie uhunmwu giẹ wẹẹ, “Ghẹ mwẹ obọ vbe egbe ọmwa ne ọ ma rukhọ nii, rhunmwuda, I rrioya emwi ni bun vbe imina vbe ekpa ẹre ne asọn.”


Pailet ghi miẹn wẹẹ rẹn gha wẹ ne irẹn gha gui ẹzọ nii khian ẹ i mwẹ esa, kevbe wẹ otutu gha tu, ọ keghi sa amẹ ya kpe obọ sirra iran hia, ọ wẹẹ, “I i mwẹ obọ vbe ẹmwẹ uwu okpia na. A lẹ ọre ginna uwa obọ.”


Vbekpa ọghe emwi ẹmwata, rhunmwuda mẹ ra bu Evbavba, wa i ghi ra miẹn mwẹ ọvbehe.


Rẹn keghi kha wẹẹ, ‘Osanobua avbe erha mwa odede ọre ọ hannọ uwẹ zẹ ne u do rẹn emwi ne irẹn ho, ne u bẹghe Ọguọmwadia ẹmwata ẹre kevbe ne u vbe họn vbe ọ ya urhu ẹre guan.


Ọmwa ne ọ huanrẹn kevbe ne ọ maa rẹn khin, wa keghi hẹẹ ye otọ, wa na rinmwian Pailet ne ọ fan izigan fua ne uwa ye ihe ẹre.


Zẹ vbe ọghe uhuanmwẹ ọnrẹn ke ẹrinmwi re, a keghi ya ẹtin nọkhua rhie maa ighẹ Ovbi Osanobua nọ vbe ekpa ne a na huẹn ọẹn kpao vbe idin orinmwi.


A keghi yae fi ohan ne ọ wu ye orukhọ mwa, a keghi vbe huẹn ọnrẹn kpaegbe ne ọ miẹn ehe na ye ima khian emwata vbe odaro Osanobua.


Rẹn keghi ye iyayi viọ ima gha die uwu ẹse ọhẹ Osanobua, ehe ne ima ghi mudia yi na. Rhunmwuda ọnii nian, te ima ghi ghọghọ vbe idanwehọ wẹ ma gha ghae vbe uwu uyi ọghe Osanobua.


A deghẹ Orhiọn Osanobua ne ọ huẹn Jesu ke orinmwi ladian, rre uwu uwẹ, ẹghẹ nii, ọmwa ne ọ huẹn Jesu kpao vbe orinmwi rre, gha rhie arrọọ ne egbe ruẹ ne ọ sẹtin wu, la ekpa Orhiọn ne ọ rre uwu uwẹ rre.


Emwi ne Uhi ma sẹtin ru, rhunmwuda ne ọmwa ma na wo vbe egbe vbe a yiẹe, Osanobua ru ẹe nẹ. Rẹn keghi bu ohiẹn gbe orukhọ ne ọ rre egbe ọmwa zẹ vbe ne a yiẹe, vbe ne ọ na gie Ovbi ẹre ne ọ mu akpa egbe ọmwa ne ọ mwẹ orukhọ yọ gha dee, ne ọ miẹn ehe na do gbe ukhu orukhọ ua.


Ẹ i re te ima tae ye uwa obọ wẹ, ghe emwi ne uwa gha yayi, rhunmwuda wa tobọ uwa mudia nẹ gbain vbe uwu iyayi, sokpan te ima deba uwa winna ne ọyẹnmwẹ uwa.


Rhunmwuda, a gha rhe miẹn wẹ, uwu a ma wo vbe egbe ọre a na gbe ẹe rua vbe uhunmwu ugbugbe, ẹtin Osanobua ọre ọ ya rrọọ. Ma ghẹ ghi ya egbe ba irẹn nẹ, ma ghi vbe do gha re ne ọ ma wo vbe egbe, sokpan zẹ vbe ọ ghe ne ọ kan ima kan uwa, ẹtin Osanobua ma khian ya gu irẹn gha rrọọ.


Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.


Ne ọ miẹn ehe na fan ima vbe obọ orre dan na, Kristi keghi ye egbe ẹre miẹn orukhọ mwa, zẹ vbe iho ọghe Osanobua kevbe Erha mwa.


Sokpan, rhunmwuda ne Kristi na rhunmwuda mwa khian ne a fi ẹre unu, ọ keghi fannọ ima kua vbe obọ ifi unu ne ọ ke obọ nene Uhi rre. Zẹ vbene ebe kha re, “Ọmwaikọmwa ne a sirrọ ye uhunmwu erhan, khian ne a fi ẹre unu.”


Vbe uwu a ku egbe mwa gbe ba irẹn nẹ, kevbe rhunmwuda iyayi ne ima mwẹ vbe uwu irẹn, te ima ghi sẹtin sẹ odaro Osanobua nian vbe ne a i na fian afianma.


Rẹn keghi rhie egbe ẹre ne ima, khian emwa ne ẹ i mwẹ iruẹn, ne ọ re ọghe irẹn ọkpa, kevbe ne ho ne iran gha ru emwi esi.


Rhunmwuda wẹ Kristi ru zẹ vbene Osanobua ho ne ọ ru, ma keghi khian ne a khuẹ hin orukhọ ima ne, rhunmwuda ese ne ọ ya egbe ẹre zọ uhukpa ne ọ fo vbe otọ.


Ugbẹn vbe a ghi miẹn wẹ ẹmwata ọna khin, Inuinu ọre ne esagiẹn Kristi gha ru ya kpọlọ sẹẹ! Ọ la ekpa Orhiọn etẹbitẹ nii ya egbe ẹre zọ ese ne ọ gbae ghe Osanobua. Esagiẹn ọnrẹn ọre ọ gha khuẹ ekhọe orhiọn mwa huan hin obọ iwinna ọrhiae rre, ne ima miẹn ehe na gha ga Osanobua ne ọ rrọọ.


Akpawẹ erriọ nọ, ẹghẹ ni bun ọre ọ gha ya rri oya ke ne agbọn ya suẹn gha dee. Sokpan rẹn keghi ladian nian uhukpa ọghe ọfo vbe otọ, ne ọ do ya egbe ẹre zọ ese ya kpe orukhọ kua, vbe ẹghẹ na ne emwi hia ni rrọọ ghi na ye egbe rrie ufomwẹ.


Erriọ vbe nọ zẹẹ, a keghi ya Kristi zọ ese uhukpa, ne ọ viọ orukhọ emwa ni bun gha rrie. Ọ gha ye vbe ya egbe ladian uhukpa, ẹ i ghi re ne ọ do guan ye ẹmwẹ orukhọ, sokpan ne Ọ do miẹn iran fan ighẹ avbe emwa ni mudia khẹ ọre.


Wa bu ohiẹn uwu gbe ne ọ ma ru khọ, wa keghi vbe gbe ẹe rua sokpan, ọ ma vbe gu uwa sinmwi egbe.


Vbe uwu a rrọọ zẹ vbe orhiọn ni, ọre ọ na ya kpe orhu ma avbe orhiọn ne a munọ ye eghan.


Vbene a ghi na miẹn wẹ, ikinnegbe ọre Kristi ya rri oya, wa vbe ya egbe iro vberriọ rhie ẹtin ye egbe uwa iwu, rhunmwuda ọmwa ne ọ ghi rri oya nẹ vbe egbe, ẹ i ghi de fi orukhọ.


Ọna ọre ọ si ẹe ne a na vbe ya kpe orhu nene Iyẹn Ne ọ maa ma iran ni wulo nẹ, iran ne a bu ohiẹn ọnrẹn nẹ vbe ne a vbe bu ohiẹn emwa hia vbe ekpa ọghe egbe. A kpe orhu ẹre ma iran, ne iran miẹn ehe na gha lo ẹdẹ agbọn iran vbe ọghe orhiọn zẹ vbe ọghe Osanobua.


Sokpan a deghẹ ma miẹn orukhọ mwa kue ma Osanobua, rẹn gha mu eyan ọghọe sẹ, ọ ghi ru vbene ọ keyi, ọ gha ya orukhọ mwa bọ mwa, ọ ghi vbe kpe mwa hin uwu abakuru mwa hia rre.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ