I Pita 3:17 - Edo Bible (E Baibol Ẹdo) Version 1996

¹⁷ Rhunmwuda, a rri oya ba ẹmwẹ uyinmwẹ esi, a deghẹ Osanobua ho ẹre ye vberriọ, ọre ọ maa sẹ, rhunmwuda ighẹ a ru emwi dan.

I Pita 3:17 ပူးပေါင်းရင်းမြစ်များ

Matiu 26:39

Rẹn keghi khian sikẹ odaro, ọ keghi wa mu aro rhu otọ ọ keghi na erhunmwu wẹẹ, “Deghẹ ọ gia ru, Erha mwẹ, mu ukpu na hin mwẹ obọ rre, sokpan ẹ i re vbene I mẹ ho, sokpan vbene uwẹ ho.”

Matiu 26:42

Jesu keghi dọlegbe gha khian ya na erhunmwu ukpogieva wẹẹ, “Evbavba, deghẹ ukpu na i gia miẹn mwẹ re vbe ẹ i re te I wọn ẹn, iho ọwuẹ ọre a gha ru.”

Iwinna 18:21

Sokpan, ọ ghi ra kpao ọ tama iran wẹ, “A deghẹ Osanobua ho ro, I gha dọlegbe bu uwa rre,” ọ na la okọ kpao vbe Ẹfisọs.

Iwinna 21:14

Ma ma sẹtin fi ẹre ekhọe werriẹ, ọre ima na ghi kẹtin rre, ma na ghi kha wẹ, “E nọ yẹ Osanobua ọre a gha ru.”

I Pita 1:6

Wa gie ọyẹnmwẹ ọ na gha sẹ uwa, a gha rhe miẹn wẹ ẹ i mwẹ wa ma gha mwẹ ẹkorriaramwẹ vbe ẹghẹ kherhe, rhunmwuda edanmwẹ ughughan ne u wa miẹn.

I Pita 2:15

Rhunmwuda, vbene Osanobua ho ẹre yi ọna khin: Ọ ho ne uwa ya uyinmwẹ esi uwa gbe ọta ye iran unu, ighẹ iran ni kọẹn ni guan ẹmwẹ ogboi.

I Pita 2:20

Rhunmwuda, de ere ne ọ rrọọ yi, a deghẹ wa ziengbe ye vbe a gha rri uwa oya ba emwi ne uwa ba ku rru? Sokpan a deghẹ uwa ziengbe oya ne uwa re vbe uwa ma ba emwi rhọkpa ku ru, Osanobua gha fiangbe uwa yọọ.

I Pita 3:14

Sokpan, gie a kha ighẹ te uwa gele rri oya ye ẹmwẹ emwi esi ne uwa ru, ọma kaan uwa! Wa ghẹ fian afianma ọmwa rhọkpa, wa ghẹ vbe si osi.

I Pita 4:15

Ọma kei ne ọmwaikọmwa vbe uwu uwa rri oya ba ẹmwẹ ẹrrẹe.

I Pita 4:19

Rhunmwuda ọnii khekherriọ, iran ni rri oya rhunmwuda wẹ, vbene Osanobua wẹ emwi gha ye iran hẹ nọ, wẹ ne iran la ekpa uyinmwẹ esi iran wa ya egbe iran hia yan Ayi ne ọ yi iran, ọmwa ne ọ re ne ẹ i hiẹ ọmwa.