I Pita 3:15 - Edo Bible (E Baibol Ẹdo) Version 1996

¹⁵ Sokpan, wa gha ya ọghọ ne Kristi vbe uwu ekhọe uwa, ne uwa vbe ya ẹe ru Nọyan uwa. Mu egbe vbe ẹghẹ hia ne u ya rhie ewanniẹn ne ọmwa ne ọ rhirhi nọ ruẹn, wẹ ne u rhan otọ idaehọ ne u mwẹ.

I Pita 3:15 ပူးပေါင်းရင်းမြစ်များ

Psalm 119:46

Mẹ gha na iyẹn iyi ruẹ ma avbe ọba ekhue i ra vbe mu mwẹ.

Itan 15:28

Te emwa esi roro ẹe nẹ ọ ke gha rhie ewanniẹn ye ẹmwẹ. emwa dan wa mwẹ ewanniẹn ẹgiẹgiẹ sokpan ẹti ọre ọ si.

Itan 22:21

Ọ gha vbe ma ruẹn emwi ne ọre ẹmwata ne ọ rrọ. Ẹghẹ nii, ọ ghẹ ghi giọ wẹ ne u ya gualọ otọ ẹre ladian, u ghi miẹn ewanniẹn ẹmwata ne ọ rrọ rhie rre.

Aizaia 1:18

E Nọyaẹnmwa khare wẹẹ, “Larre nian ne a zẹ iro kugbe, orukhọ ruẹ gha ya a gbiruẹn sẹrriọ wẹ te u ghi baa, sokpan, I gha khuọ ruẹ ne u gha fua vbe isonorhọ. Orukhọ ruẹ gha rhe gha ye vbe ododo u gha fua zẹ vbe ititi oru.

Aizaia 29:23

Wa ghẹ ghi miẹn emọ ne I ra viọ ne uwa, ẹghẹ nii wa ghi na miẹnkue wẹ mẹ ọrọre Osanobua nọhuanrẹn ọghe Izrẹl. Wa gha ya ọghọ mẹ, wa ghi vbe gha mu ohan mwẹ.

Aizaia 41:21

Ẹmwẹ ne Nọyaẹnmwa ne ọba Izrẹl tae ọ re ọna khin: “Wa ne avbe ẹbọ uhunmwu ẹvbo wa gui ẹzọ ọghe uwa. Ẹzọ ne ọ dia sẹẹ ne uwa mwẹ wa gui ẹe.

Aizaia 5:16

Sokpan, e Nọyaẹnmwa ne Oghodua rhie maa vbene irẹn kpọlọ hẹ vbekpa ne ọ na ru emwi ne ọ kere, ọ keghi vbe rhie uhuanmwẹ ọnrẹn maa vbekpa ne ọ na bu ohiẹn avbe emwa.

Aizaia 8:12

“Ghẹ deba uma ne avbe emwa nii si, ghẹ vbe mu ohan emwi ne iran mu ohan ẹnrẹn.

Nọmbas 20:12

Sokpan e Nọyaẹnmwa gue e Mosis kevbe Errọn gui wẹẹ, “Rhunmwuda ne uwa na ma mwẹ iyayi sẹ ne uwa mu ẹtin yan ẹtin mwẹ ne ọ huanrẹn vbe odaro ivbi Izrẹl, wa i ghi ra su iran la otọ ne I ve wẹ I gha mu ne iran.”

Nọmbas 27:14

Rhunmwuda wa eva ọre ọ sọtẹ uhi mwẹ vbe ẹgbo e Zin. Ẹghẹ ne emwa ni na gha gui ẹzọ uwu unu ghe mwẹ vbe Mẹriba. wa ma kue ne uwa miẹn ẹtin mwẹ nọhuanrẹn kue ma iran.” (Mẹriba ọrọre ẹzẹ ne ọ rre Kedẹs vbe uwu ẹgbo Zin).

Iwinna 21:39

E Pọl keghi wanniẹn wẹẹ, “E Ju ọre I khin, Tasọs ne ọ rre Sisilia, ọre a na biẹ mwẹ, ovbi ẹvbo ne ẹ i re akhua ọre I khin. Lahọ gun mwẹ gu emwa na guan.”

Iwinna 24:25

Sokpan Pọl ghi suẹn gha ta ẹmwẹ uyinmwẹ esi, a mu egbe ye ọghọ kevbe Ẹdẹ Ibuohiẹn, ohan kegha mu e Fẹlis, ọ na kha wẹẹ, “U sẹtin gha khian nẹ, I gha dọlegbe tie ruẹ vbe i a miẹn obọ.”

Kọlose 1:23

Ne ẹ i mwẹ a ma ru nọ khekherriọ, ne uwa gha mwẹ iyayi khian vbe uhunmwu ẹyotọ ne ọ de ziẹn kevbe ne gbain, ne uwa ghẹ gie a bẹghe uwa hin idaehọ ne uwa miẹn rhie ẹghẹ ne uwa na họn iyẹn ne ọ maa. Iyẹn ne ọ maa na ọre imẹ ne Pọl khian ọguọmwadia ẹre, iyẹn ne ọ maa na ne a kpe orhu ẹre ma emwa hia ni rre agbọn na nẹ.

Kọlose 1:27

Rhunmwuda nene emwamwa ọghe Osanobua ọre ọna khin. Ne ọ we oro ẹre rua ma emwa irẹn, oro emwi ighobioye kevbe uyi ne ọ viọ khẹ emwa rẹn hia. Nene oro ọna khin: Kristi rre uwu uwẹ, ọnii rhie maa wẹ, te a ghi ra ghae su uẹ egbe vbe uyi Osanobua.

Kọlose 1:5

Ẹghẹ ne ikporhu ẹmwata nii, ighẹ Iyẹn Ne ọ maa na ka sẹ ehe ne uwa ye, wa keghi họn vbene ọ rhie idaehọ ne ọmwa hẹ. Rhunmwuda ọnii, iyayi kevbe aho ẹmwẹ ọmwa keghi re ne ọ hẹnhẹn egbe yan emwi ne uwa danmwehọ ẹre, emwi ne a dọlọ yi ye otọ khẹ uwa vbe ẹrinmwi.

Kọlose 4:6

Wa gie ẹmwẹ uwa gha re ne ọ maa kevbe ne ọ rhiẹnrhiẹn vbe ehọ ẹghẹ hia, wa ghi vbe gua ra gha rhie ewanniẹn ne ọ gua ẹe ro ne emwa hia.

Taitọs 1:2

Idaehọ ẹfe etẹbitẹ ọre a hẹnhẹn ọẹn yan, Osanobua ne ẹ i ta ohoghe, ọ re ọ ve ima arrọọ na, vbe ẹghẹ te do suẹn,

Hibru 3:6

Sokpan Kristi kegha re ne ọ gia mu ẹtin yan, zẹ vbe Ọmọ ne a gbe aro ghe owa erha ẹe. Ma na ọrọre owa ẹre, a deghẹ ma ya obọ da ẹtin mwa kevbe a muẹtinyan mwa yi mwẹ, vbe ọghe emwi ne ima mwẹ idanmwehọ ẹre.

Hibru 6:1

Rhunmwuda ọnii, wa gia na na sikẹ odaro, ne a ya guan yan avbe emwi ni dinmwi, ne a sẹ avbe ikpogho ẹmwẹ ikpo orhu Iyayi e Kristi rae nẹ. Ma i ghi ra vbe dọlegbe gha gbe ẹyotọ ọghe ne a sẹ iwinna ne ẹ i mwẹ esa rae ye otọ, ne a do ya Osanobua yi.

I Pita 1:17

Wa gha na erhunmwu ghe Osanobua, erha ọre uwa tie ẹre re, ọmwa ne ọ ya omwa ọkpa bu ohiẹn emwa hia zẹ vbe iwinna ne dọmwadẹ ọghọe winnaẹn, rhunmwuda ọnii khekherriọ, ẹghẹ ne uwa ghi mwẹ vbe agbọn vbe emwa na, wa ya ẹe gha go wan rẹn.

I Pita 3:2

Rhunmwuda, iran gha miẹn uyinmwẹ ọghọ vbe ute ọghe uwa.

I Pita 3:4

Sokpan, ọ kere ne ose uwa gha re ọghe ekhọe ọmẹhẹ ne khuẹrhẹ, ne ọ re emwi ighobioye vbe odaro Osanobua.

I Samuẹl 12:7

Banbanna nian, wa mudia ye ehe ne uwa ye ne I gu uwa gui ma e Nọyaẹnmwa vbe ekpa ne I gha na ye uwa rre iwinna nekhua ne Nọyaẹnmwa winnaẹn ya miẹn uwa kevbe avbe erha uwa odede fan.