I Pita 3:14 - Edo Bible (E Baibol Ẹdo) Version 1996

¹⁴ Sokpan, gie a kha ighẹ te uwa gele rri oya ye ẹmwẹ emwi esi ne uwa ru, ọma kaan uwa! Wa ghẹ fian afianma ọmwa rhọkpa, wa ghẹ vbe si osi.

I Pita 3:14 ပူးပေါင်းရင်းမြစ်များ

Itan 3:25

U i ra vbe hawa ye ẹmwẹ ọkhọ udomwurri, egbe ne ọ hẹ rhu emwa dan zẹ vbe okpẹhoho.

Aizaia 51:12

E Nọyaẹnmwa khare wẹẹ, “Mẹ ọrọre ọmwa ne ọ rhie ẹtin ye uwẹ iwu vbọzẹ ne u gha na mu ohan ọmwa ne ọ sẹtin wu ne ẹ i vbe tọ sẹẹ irunmwu?

Jerimaia 1:8

Ghẹ gie ohan iran mu ẹẹn rhunmwuda, I gha mudia ke uẹ ne I degue ruẹ. Mẹ ne Nọyaẹnmwa ọ re ọ tae.”

Jerimaia 15:15

Ẹghẹ nii ọ re imẹ na kha wẹẹ, “E Nọyaẹnmwa, wẹ rẹn vbene emwi yẹ hẹ. Ye mwẹ rre ne u yọmwẹ obọ. Gun mwẹ sẹtin rria iran ni zẹ mwẹ kpokpo ikhi. Ghẹ ziengbe ne obọ iran gba mwẹ ya rhie gbe ua yerre wẹ rhunmwuda ruẹ ọ re a na rhovbiẹ mwẹ.

Ezikiẹl 3:9

I gha ru ẹe ne uwẹ ye gbain zẹvbe utete okuta kevbe ne ọ kaka zẹvbe edaiamọn, ghẹ gie ohan avbe etẹ nii mu ẹẹn.”

Matiu 10:28

Wa ghẹ mu ohan iran ni gbe ikinnegbe ne ẹ i sẹtin gbe orhiọn, sokpan wa mu ohan Osanobua ne ọ sẹtin fuẹn egbe kevbe orhiọn uan vbe ẹrinmwi nehianmwivin.

Matiu 10:31

Rhunmwuda ọnii, wa ghẹ gie ohan mu uwa. Wa ya ọgbin igho maa sẹ ogbodu!

Matiu 10:39

Ọmwaikọmwa ne ọ ho ne irẹn da orhiọn rẹn yi gha mu ẹn fua. Ọmwaikọmwa ne ọ mu orhiọn rẹn fua rhunmwuda mwẹ, ọ gha miẹn ọẹn rhie.

Matiu 16:25

Rhunmwuda, ọmwa ne ọ ho ne ọ sinmwi orhiọn rẹn gha muẹn fua, sokpan ọmwa ne ọ rhunmwuda mwẹ mu orhiọn rẹn fua, ọ gha miẹn ọẹn.

Matiu 19:29

Debare, ọmwaikọmwa ne ọ sẹ owa rae kevbe etẹn nikpia, etẹn nikhuo, erha ra iye, emọ ra ugbo rhunmwuda mwẹ, ukhukhu iyisẹn avbe emwi na hia gha sẹ ọre obọ deba ẹfe ne ẹ i mwẹ ọfo.

Iyẹn ne ọ Maan Ọghe Mak 10:29

Jesu wanniẹn wẹẹ, “Ẹmwata nọ sokpan ne I tama uwa, ọmwaikọmwa ne ọ sẹ owa rae, ra etẹn ne ikpia, re etẹn ne ikhuo, ra iye, ra erha, ra emọ, ra ugbo rhunmwuda mwẹ, kevbe rhunmwuda iyẹn ne ọ maa.

Iyẹn ne ọ Maan Ọghe Mak 8:35

Rhunmwuda ọmwa ne ọ ho ne irẹn sinmwi ẹdẹ agbọn ẹnrẹn gha mu ẹn fua, sokpan ọmwa ne ọ rhunmwuda mwẹ kevbe rhunmwuda iyẹn ne ọ maa mu edẹ agbọn rẹn fua, gha miẹn ọẹn rhie.

Iyẹn ne ọ Maan Ọghe Jọn 14:1

“Wa ghẹ gie ekhọe uwa lighi. Wa ya Osanobua yi. Wa vbe ya mwẹ yi ba ẹre.

Iyẹn ne ọ Maan Ọghe Jọn 14:27

“Ọfumwegbe ọre I ya we uwa, ọfumwegbe mwẹ ọre I ya we uwa, ẹ i re. Vbene agbọn ya we ọmwa ọre I ya we uwa. Wa ghẹ fian afianma, wa ghẹ gie ohan mu uwa.

Iwinna 9:16

Mẹ gha tobọ mwẹ rhie ma rẹn oya ne ọ gha re rhunmwuda mwẹ.”

II Kọrinti 12:10

Ẹko ẹre vuọn mwẹ ighẹ ne I ma na wo vbe egbe, ne a na tie ẹbọ mẹ, ẹsọn, ukpokpo, kevbe orueghe rhunmwuda Kristi. Rhunmwuda ẹghẹ ne I ma na wo vbe egbe ọre I na mwẹ ẹtin.

Filipai 1:29

Rhunmwuda, a yae ru mwa ẹse nẹ wẹ, ne uwa gha ga Kristi, ẹ i re vbe ne a na ya irẹn yi ọkpa, sokpan vbe ne a na vbe rri oya ne irẹn.

Jems 1:12

Afiangbe nọ ne ọmwa ne ọ ziẹn egbe vbe a gha danmwẹ ọẹn ghe, rhunmwuda a deghẹ ọ ma rrie edanmwẹ, ọ gha miẹn arrọọ rhie zẹ vbe ne Osanobua ve iran ni ho ẹmwẹ ọnrẹn re.

Jems 5:11

Te ima ghi tie iran emwa ni rre oghọghọ rhunmwuda, iran zin egbe. Wa họn ẹn vbene Job ziengbe hẹ, wa vbe rẹn vbene Nọyaẹnmwa ghi fiangbẹe hẹ vbe okiekie. Rhunmwuda, Nọyaẹnmwa vuọn ne itohan kevbe ẹnina.

I Pita 3:6

Erriọ Sera gha ye, te ọ gha họn ẹmwẹ ne ọdọ ẹre, ọ re ọ na gha tie ẹre “Enaẹmwẹ.” Wanwanna nian, ivbi ẹre ne ikhuo ọre uwa khin, a deghẹ wẹ yin ẹse, ighẹ wa ma vbe mu ohan emwi rhọkpa.