I Pita 3:11 - Edo Bible (E Baibol Ẹdo) Version 1996

¹¹ Ọ ghi zobọ vbe emwi dan do gha ru emwi esi. Ọ ghi gha gualọ ọfumwegbe, ọ ghi gha zọ uhio ẹre khian.

I Pita 3:11 ပူးပေါင်းရင်းမြစ်များ

Job 1:1

Okpia ọkpa kegha rrọ vbe ẹvbo ne a tie ẹre Uz, a keghi tie eni okpia na e Job, ọmwa na keghi ga Osanobua, ọ kevbe guobọ ẹre ẹsẹse. Ọmwa esiesi wa gha nọ, ọ keghi gha hia ne ọ ghẹ ru emwi dan rhọkpa.

Job 2:3

E Nọyaẹnmwa keghi nọ rẹn wẹẹ, “U ma miẹn ọguọmwadia mwẹ ighẹ Job? Ọrhiọnkpa i rrọ vbe uhunmwu otọ agbọn ne ọ guobọmwẹ kevbe ne ọ vbe maa zẹ vbe ọre. Ọ wa ga mwẹ, ọ keghi vbe hia vbe ẹghẹ hia ne ọ ghẹ ru orukhọ. U nọ mwẹ, I kevbe kue yuẹ ẹre wẹ ne a guẹ hẹ rhu ẹe vbe ne ẹ i na mwẹ emwi rhọkpa ne ọ ru, sokpan, te Job ye guobọmwẹ vbene ọ ka ye dee ẹdẹ.”

Job 28:28

Osanobua keghi tama emwa nagbọn wẹẹ, ‘Deghẹ wa ho ne uwa gha wan, wa ghi gha ya ọghọ ne Nọyaẹnmwa. Ne uwa miẹn ehe na rẹn otọ emwi, te uwa gha fiwerriẹ hin ọkhọ rre.’ ”

Psalm 125:4

E Nọyaẹnmwa, ru ọmaa ne iran ni maa, iran ni ya iyi ruẹ ru emwi.

Psalm 34:14

Fi iyeke gbe emwi dan, gha ru emwi esi, ye ekhọe kekhọe ruẹ hia, gha gbinna ye emwi ẹmwata.

Psalm 37:27

Fi iyeke gbe ọkhọ, gha ru emwiesi, ivbi uniẹn ruẹn gha yin otọe nii rhinrin ẹdẹ.

Itan 16:17

Odẹ ne ẹbe i ye ọ re emwa esi la, rhunmwuda ọnii, gha rhuan egbe vbe ehe ne u yo, ọnii sẹtin da uhunmwu ẹn yi ye agbọn.

Itan 16:6

Gha re ne ọ gie a mu ẹtin yan kevbe ne ọ guobọmwa, e Nọyaẹnmwa gha ya orukhọ ruẹ bọọ. Gha ya ọghọ ne Nọyaẹnmwa, emwi dan rhọkpa i ra vbe sunu vbe egbe ruẹ.

Itan 3:7

Ghẹ gie ekhọe ruẹ gha guẹ zẹ iro wẹ u wan sẹẹ vbe ne u ye; emwi ọkpa wa nọ wẹ ne u gha họn ẹmwẹ ne Nọyaẹnmwa, ne u vbe gha biegbe hin abakuru rre.

Matiu 5:45

Ne uwa miẹn ehe na gha re ivbi erha uwa ne ọ rre ẹrinmwi. Rhunmwuda, ọ gie ovẹn ọnrẹn gha yunmwu ne emwa esi kevbe emwa dan, ọ ghi vbe gie amẹ gha rhọ ne iran ni ru emwi esi kevbe ni ru emwi dan.

Matiu 5:9

Ọ maa ne iran ni gualọ ọfumwegbe emwa, Osanobua gha tie iran ivbi irẹn!

Matiu 6:13

Ghẹ gia danmwẹ mwa ghe, rhie mwa lẹre hin obọ Ọkaẹrhia Nii.’

Iyẹn ne ọ Maan Ọghe Mak 14:7

Ẹghẹ hia ọre uwa gha ya gha miẹn avbe ivbiogue, wa gha sẹtin ru iran ẹse vbe ẹghẹ ne uwa a rhirhi gha ho, sokpan mẹ i ra gha gue uwa rrọọ vbe ẹghẹ hia.

Iyẹn ne ọ Maan Ọghe Luk 1:79

Rẹn wan uwanmwẹ ke ẹrinmwi rre, yan emwa hia ni rre ebiebi aghọnghọn uwu ne ọ dia owẹ mwa lele uro odẹ ọfumwegbe.”

Iyẹn ne ọ Maan Ọghe Luk 6:35

Ẹ i re rriọ! Gha ho ẹmwẹ eghian ruẹn, vbe gha ru iran ẹse, rhie ne emwa mọmọ, ghẹ ghi vbe rhie aro ye odẹ khẹ emwi rhọkpa. A gha san ruẹn ẹse nọkhua, u ghi vbe gha re ovbi Osanobua Ne Ọ Yo Sẹ, rhunmwuda te irẹn maa ne emwa ẹse oghodan kevbe emwa dan.

Iyẹn ne ọ Maan Ọghe Luk 6:9

Jesu keghi tama iran wẹẹ, “I nọ uwa: De emwi ne uhi fan obọ ẹre ne ọmwa ne a gha ru vbe Ẹdẹ Ikẹtin yi, ne a ru iyọbọ ra ne a kuan ọmwa? Ne a miẹn ọmwa fan ra ne a gbe ẹe rua?”

Iyẹn ne ọ Maan Ọghe Jọn 17:15

I ma wẹ ne u viọ iran hin agbọn na rre, sokpan ne u viọ iran lẹre ne Ọmwa dan nii.

Ebe ne Pọl gbẹẹn gie emwa Rom 12:18

Zẹ vbene ọ kan ruẹn, hia vbe odẹikodẹ ne uwa vbe emwa hia gba gha ma ẹko egbe.

Ebe ne Pọl gbẹẹn gie emwa Rom 14:17

Rhunmwuda, Arriọba Osanobua i re ẹmwẹ ne a gha re kevbe ne a gha da, sokpan ọghe nene emwi ẹmwata kevbe ọfumwegbe kevbe ọyẹnmwẹ ne nene Orhiọn Ne Ọ Huanrẹn rhie ne ọmwa.

Ebe ne Pọl gbẹẹn gie emwa Rom 14:19

Rhunmwuda ọnii nian, wa gie ima gha rhie ekhọe ye ẹmwẹ emwi ne ọ gha rhie ọfumwegbe rre kevbe ne ọ gha rhie ẹtin ye egbe iwu.

Ebe ne Pọl gbẹẹn gie emwa Rom 5:1

Vbene a ghi na miẹn wẹ a la ekpa iyayi ya ima khian emwa ni gu Osanobua mudia ẹse, te ima ghi mwẹ ọfumwegbe vbe ehe ne Osanobua ye vbekpa Nọyaẹnmwa Jesu Kristi.

Ebe ne Pọl gbẹẹn gie emwa Rom 7:19

Mẹ i sẹtin ru emwi ne ọ maa ne I te ho ne I ru, sokpan emwi dan ne ẹ i te khọn mwẹ ne I ru ọ re I ru.

Ebe ne Pọl gbẹẹn gie emwa Rom 7:21

Mẹ keghi do miẹn wẹ, emwi ne ọ sunu ọrọre wẹ, mẹ gha wẹ ne I ru emwi esi, emwi dan ọkpa ọre ẹtin mwẹ sẹ.

Ebe ne Pọl gbẹẹn gie emwa Rom 8:6

A deghẹ egbe zẹ vbene a yiẹe, ọre ọ tama ọmwa emwi ne ọ gha ru, uwu ọre ọ ke ẹre ikian. Sokpan, a deghẹ Orhiọn ọre ọ gie odẹ emwi ne a gha ru ma ọmwa, ẹfe kevbe ọfumwegbe ọre nọ.

Galatia 5:22

Sokpan Orhiọn Ne Ọ Huanrẹn ọre ọ biẹ avbe aho ẹmwẹ ọmwa, oghogho, ọfumwegbe, iziengbe, itohan, ekhọe esi, amuẹntinyan,

Galatia 6:10

Rhunmwuda ọnii, ẹghẹikẹghẹ ne a ya miẹn otọ, wa gie a gha ru emwa hia ẹse, sokpan sẹe hia sẹẹ hia, iran ne ima gba re ọkpa vbe ẹgbẹe iyayi.

Kọlose 3:15

Ọfumwegbe ne Kristi rhie ne ọmwa, ọre ọ kere ne ogha re ne ọ buohiẹn vbe uwu ekhọe uwa, rhunmwuda, ọfumwegbe na ọre Osanobua tie uwa kugbe ba vbe ẹgbẹe ọkpa nii. Wa vbe gha kpọnmwẹ.

I Timoti 6:18

Tama iran, ne iran gha ru emwi esi, ne iran gha re ni fe vbe emwi esi ne a ru, ne iran gha zẹ emwi obọ, ne iran vbe mu egbe ne iran gha ya ghae ne emwa ọvbehe.

Hibru 12:14

Hia ne u gu emwa hia gha rrọọ vbe ọfumwegbe, kevbe ne u vbe yin uyinmwẹ, ne ọ huanrẹn, rhunmwuda vbe ne ọnii i na rrọọ, orhiọnkpa ne ọ gha sẹtin miẹn Nọyaẹnmwa aro, ẹ i rrọọ.

Hibru 13:16

Wa ghẹ mianmian ẹse ne a ru kevbe ne uwa gha ya egbe obọ, rhunmwuda, enena ọrọre izọ ese ne ọ yẹ Osanobua.

Jems 4:17

Rhunmwuda ọnii nian, ọmwa ne ọ rẹn emwi ne ọ kere ne irẹn ru ne ọ ma ru ẹe, ọ rri abe orukhọ.

I Pita 3:12

Rhunmwuda, te Nọyaẹnmwa wa rhie aro ye egbe ọmwata, ọ ghi gha họn erhunmwu ẹnrẹn vbe ẹghẹ hia. Sokpan, ọ ghi mu aro da iran ni ru emwi dan.”

III Jọn 1:11

Wa ne avbe ọse mwẹ, wa ghẹ gha ya egbe ta emwi dan, wa gha ya egbe ta emwi esi. Ọmwaikọmwa ne ọ ru emwi ne ọ maa ọghe Osanobua nọ, ọmwaikọmwa ne ọ ru emwi dan, ọ ma he miẹn Osanobua.

Giọgis 11:14

E Jẹfta keghi dọlegbe gie emwa bu ọba Amọn,