I Pita 3:1 - Edo Bible (E Baibol Ẹdo) Version 1996

¹ Erriọ wa vbe nọ zẹẹ, wa ne avbe amwẹ, wa gha gbe uhunmwu ke otọ ne avbe ọdafẹn uwa, vbene a gha na miẹn wẹ, a deghẹ eso vbe uwu iran ma yayi, iran ghi do rhunmwuda uyinmwẹ uwa yayi. Vbe ne uwẹ ighi na vbe ta ifi ẹmwẹ ọkpa.

I Pita 3:1 ပူးပေါင်းရင်းမြစ်များ

Gẹnẹsis 3:16

Rẹn keghi vbe tama okhuo nii wẹẹ, “I gha rhie ba ọlọghọmwa ruẹn vbe u a gha hanmwa, ke obalọ ruẹ vbe ẹghẹ ubiẹmwẹ. Sevba, te u gha ye gha rhikhan lele ọdafọn, ọdafọn ọre ọ gha kha yan ruẹn.”

Itan 11:30

Uyinmwẹ esi, te ọ rhie arrọọ ne ọmwa, sokpan, te okhọ miẹn ọmwa ẹre.

Itan 18:19

Ru iyobọ ne ọtuẹn nokpia, te ọ ra gha degue ruẹ zẹ vbe ekẹn ne ọ wegbe ne a gbe lẹga okpẹvbo; u gha guẹe ru ẹmwẹ, te ọ ra khui urho ẹre ke uẹ ye ore.

Matiu 18:15

“Ọtuẹn gha ru uẹ emwi khọ, bu ẹre gha khian, ya rhie ma rẹn. Sokpan wẹ vbe ọre ọkpa ghi gba ta ẹre ọ ghe uwu owa. a deghẹ ọ rhie ehọ nuẹn ta yi, te usi atua ye ẹmwẹ iku uwẹ vbe ọre.

Ebe ne Pọl gbẹẹn gie emwa Rom 10:16

Sokpan ẹ i re iran hia ọre ọ rhan obọ miẹn nene Iyẹn Ne ọ maa. Aizaia tobọ ẹre tae wẹ, “Nọyaẹnmwa, de ọmwa ne ọ ya ẹmwẹ ne ima tae yi?”

Ebe ne Pọl gbẹẹn gie emwa Rom 6:17

Rhunmwuda, vbe ẹghẹ ọkpa, eviẹn orukhọ ọre uwa te gha khin, sokpan vbe ne a ghi ye na nian, ekhọe uwa hia ọre uwa ghi ya ru zẹ vbene ẹmwata ne ọ rre uwu emwi ne a ma uwa ẹre khare.

Ebe ne Pọl gbẹẹn gie emwa Rom 7:2

Vbe igiemwi, okhuo ne ọ rọnmwẹ ọdọ nẹ, uhi de ẹre ginna ọdọ ẹre vbe okpia ni a gha rre agbọn, sokpan a deghẹ okpia ni wu, ẹghẹ ni, a rhan okhuo nii hin obọ uhi ne ọ te dẹ ẹre ginna ọdọ ẹre rre.

I Kọrinti 11:3

Sokpan I ho ne uwa rẹn wẹ, Kristi kpọlọ sẹ emwa hia fẹẹrẹ, ọdọ ọre ọ kpọlọ sẹ amwẹ ọnrẹn, Osanobua keghi vbe sẹ Kristi.

I Kọrinti 14:34

Ọ kere ne ikhuo hunwan vbe uwu ugamwẹ vbe esọsi. A ma kue ne iran gha guan, zẹ vbe ne Uhi avbe Ju kha re, ọ ma kei ne a muẹn ye iran obọ.

I Kọrinti 7:16

Vbe uwẹ a ya rẹn hẹ yi, wẹ ne amwẹ ne ọ yayi, ighẹ u i ra sẹtin miẹn ọdafọn fan? Ra wẹ ne ọdọ ne ọ yayi, vbe uwẹ ya rẹn hẹ ighẹ wẹ i ra sẹtin miẹn amwọ ọn fan?

Ẹfisọs 5:33

Sokpan avbe ta ẹe gie uwa, ọ kere ne dọmwadẹ ọdọ gha ho ẹmwẹ amwẹ ọnrẹn, zẹ vbe egbe ẹre, dọmwadẹ amwẹ ghi vbe gha ye ọghọ ne ọdọ ẹre.

Kọlose 3:18

Wa ne ikhuo, wa gha họn ẹmwẹ ne ọdafẹn uwa, rhunmwuda, emwi ne ọ khẹ ke ne uwa gha ru zẹ vbe ọmwa ne ọ ya Kristi yi, ọre ọnii khin.

Kọlose 4:5

Wa gha ye ẹwaẹn ru emwi vbe uyinmwẹ ne uwa yin ghe iran ne ima yayi, ne uwa gha lo ẹkpotọ ne uwa a rhirhi miẹn ẹse.

II Tẹsalonaika 1:8

Ke ẹe kevbe ogidi erhẹn, ne ọ do rri iran oya ighẹ iran ni ma rẹn Osanobua, kevbe iran ni ma ru vbene Iyẹn Ne ọ maa vbe ekpa Nọyaẹnmwa Jesu kha re.

Hibru 11:8

Iyayi ọre ọ ye. Ebraham họn vbe Osanobua tie ẹre, ọ na gha rrie ẹvbo ne Osanobua ve ẹre re wẹ, rẹn gha rhie nẹẹn. Rẹn keghi kpao vbe ẹvbo irẹn rre, vbe ne ọ ma na rẹn ehe ne ọ rriẹ.

Hibru 5:9

Ugbẹn vbe a ghi ya ẹe khian enọgbae na nẹ, rẹn keghi do khian ehe ne imiẹnfan etẹbitẹ ke rre ne iran hia ni họn ẹmwẹ nẹẹn.

I Pita 1:22

Vbene uwa ghi na la ekpa ne uwa na ru vbene ẹmwata khare, ye egbe uwa khian ne ọ huanrẹn nẹ nian, ne uwa na vbe mwẹ aho ẹmwẹ ọmwa ẹmwata ghe emwa iyayi ne iho uwa, wa gha ya ekhọe uwa hia ho ẹmwẹ egbe uwa ẹsẹse.

I Pita 3:2

Rhunmwuda, iran gha miẹn uyinmwẹ ọghọ vbe ute ọghe uwa.

I Pita 3:7

Kevbe uwa ne avbe ọdọ, vbe obọ ne uwa ya mu avbe amwẹ uwa, wa ghi gha ye rre wẹ, emwa ni ma wo vbe egbe iran khin, wa ghi gha mu iran tetete, rhunmwuda iran tobọ iran gha vbe deba uwa ghae vbe arrọọ ne Osanobua ra ghae ne emwa. Wa ghi gha ru vberriọ ne emwi rhọkpa ghẹ mu idobo ye uwa erhunmwu ne uwa na.

I Pita 4:17

Ọ sẹe nẹ nian ne ibuohiẹn gha ya suẹn, emwa Osanobua ọre a gha ka bu ohiẹn ọnrẹn. A deghẹ egbe ima ọre ọ na suẹn, vbe ọ ra gha ye hẹ vbe ufomwẹ ọnrẹn, vbe egbe iran ni ma ya Iyẹn Ne ọ maa ne ọ ke obọ Osanobua rre yi?