I Pita 2:8 - Edo Bible (E Baibol Ẹdo) Version 1996

⁸ Ebe ọvbehe keghi vbe kha wẹ: “Ọna ọ re okuta ne emwa gha na gha rrua owẹ, okuta ne ọ gha munọ iran gbe otọ.” Iran rrua owẹ rhunmwuda iran ma ya nene ẹmwẹ yi, ehe ne Osanobua mwamwa iran yi ọre ọnii khin.

I Pita 2:8 ပူးပေါင်းရင်းမြစ်များ

Job 23:14

Ọ gha mu emwamwa ne ọ mwamwa ye otọ mẹ sẹ. Ọkpa kẹkan vbe uwu emwamwa ni bun ne ọ mwẹ ọre ọnii khin.

Ẹksọdọs 9:16

Sokpan I ke sẹ uwa rae ye agbọn ne I miẹn ehe na rhie ẹtin mwẹ ma ruẹn, kevbe ne otiti mwẹ miẹn ehe na titi gba otọ agbọn hia.

Aizaia 37:26

“Wẹ ma he họn ra ighẹ mẹ ọ re ọ mwamwa emwi na hia ke ẹghẹ ne ọ kpẹre gha dee? Banbanna nian, te I ghi do mu ẹẹn sẹ. Mẹ ọ re ọ rhie ẹtin ne uẹn ne u ya ye ẹvbo ne a gba odin gaa khian otiku emwirhiae.

Aizaia 57:14

E Nọyaẹnmwa khare wẹẹ, “Wa gie avbe emwa mwẹ werriegbe bu mwẹ gha dee. Wa viọ idobo hia hin iran odẹ rre. Wa zẹ odẹ ni ne uwa zẹ ọe yotọ!

Aizaia 8:14

Rhunmwuda uhuanmwẹ ugborrirri mwẹ, te imẹ ghi ye vbe okuta ne emwa na rrua owẹ. Te I ye vbe ifi ne ọ ra munọ emwa arriọba e Juda kevbe Izrẹl, kevbe emwa ni rre Jerusalẹm.

Iyẹn ne ọ Maan Ọghe Luk 2:34

Simiọn keghi fiangbe iran, ọ keghi tama Meri ne iye ẹe wẹẹ, “Osanobua zẹ ọmọ na zẹ vbe ọmwa ne emwa eso gha la ekpa ẹre fuan kevbe ne enibun gha la ekpa ẹre miẹn imiẹnfan vbe Izrẹl. Rẹn gha re ama ne ọ ke obọ Osanobua rre, ama ne emwa ni bun gha gbe odan ghe.

Ebe ne Pọl gbẹẹn gie emwa Rom 9:22

Erriọ emwi ne Osanobua ru wa vbe ye zẹẹ. Ọ ho ne ọ rhie ohu ẹre maa kevbe ne ọ vbe rhie iwegbe ẹre ladian ne a miẹn. Ọ keghi wa kakabọ ziengbe ya mu ẹmwẹ iran ne ohu ẹre muẹn woo egbe, emwa ne ọ te kei ne a rẹnkhẹn uan.

I Kọrinti 1:23

Sokpan, Jesu vbe uhunmwu ugbugbe ma kpe orhu ẹre, ẹmwẹ ne ọ mu avbe Ju ohu, nọ vbe re ẹmwẹ eghẹrẹ vbe obọ iran ne ẹ i re Ju.

II Kọrinti 2:16

Vbe ọghe iran ni ra wiri ua, ẹwia dan ne ọ gbe ọmwa ran nọ, vbe ọghe iran ne a ra miẹnfan, emwi ne ọ winhin nọ rhie arrọọ ne ọmwa nọ. De ọmwa ne ẹtin ẹnrẹn gha sẹ egbe iwinna vberriọ khekherriọ?

Galatia 5:11

Sokpan zẹ vbe ọghomwẹ, etẹn mwẹ, de emwi ne a ghi khu mwẹ khian ba yi a deghẹ te imẹ kpe orhu ẹre wẹ arhuẹ mwẹ esa ne ọ ye? Akpawẹ ẹmwata ọnii khin, orhu ne I kpe vbe ekpa ugbugbe Kristi ghẹ i gha si ẹmwẹ.

I Tẹsalonaika 5:9

Osanobua ma tie ima ne ima do rri oya vbe obọ okuosu ẹre, sokpan te ọ tie mwa, ne a do la ekpa Nọyaẹnmwa Jesu Kristi rhie imiẹnfan.

I Pita 2:6

Rhunmwuda, ebe kha re wẹẹ, “I hannọ okuta ighobioye ọkpa zẹ nẹ, ne I ya ru okuta ẹyotọ vbe Zaiọn, ekhue i ra mu iran ne ọ ya ẹe yi.”

I Pita 2:7

Emwi kpataki ọre okuta na khin uwa ni yayi re, sokpan ne iran ni ma yayi: “Okuta ne iran ni bọ owa he ighẹ ẹ i ma dọlegbe do khian ne ọ ghi ma sẹ ehia.”

II Pita 2:3

Vbe uwu uzuanmwẹ iran, avbe emamwaemwi ohoghe na ghi gha ya okha ne iran tobọ iran ya rre, miẹn uwa emwi. Ọ kpẹre ne Ne ọ bu ohiẹn iran ghi mu egbe ye otọ. Ne ọ ra fuẹn iran uan i vbe vbiẹ hiehiere.

Ebe ne Jud gbẹẹn 1:4

Rhunmwuda, emwa dan eso rẹnrẹn la uwu ima vbe ne a ma na rẹn, iran gha mu ikporhu ẹmwẹ ẹsọhẹ Osanobua khian ne iran miẹn ehe na rhie otọ ne uyinmwẹ alama oghẹ iran, ne iran miẹn ehe na he Jesu Kristi ye otọ, ọmwa ne ọre Arowa ọkpa ne ima mwẹ kevbe Nọyaẹnmwa. Ẹghẹ ne ọ kpẹre ne ọ gberra, ọre Ebe ta ẹmwẹ a bu abe gbe emwa na, ye otọ ighẹ ne ọ do sẹ iran egbe na.