I Pita 2:7 - Edo Bible (E Baibol Ẹdo) Version 1996

⁷ Emwi kpataki ọre okuta na khin uwa ni yayi re, sokpan ne iran ni ma yayi: “Okuta ne iran ni bọ owa he ighẹ ẹ i ma dọlegbe do khian ne ọ ghi ma sẹ ehia.”

I Pita 2:7 ပူးပေါင်းရင်းမြစ်များ

Aizaia 28:5

Ẹdẹ dee ne Nọyaẹnmwa ne Oghodua gha na yevbe ẹde obobo uyi ne emwa rẹn ni miẹn uhunmwu vbọ.

Hagai 2:7

I gha ye avbe uhunmwu ẹvbo hia uhunmwu rhu, a ghi viọ emwi ẹfe iran gha die emwa na, Ọgua Osa ghi vuọn ne emwi ẹfe.

Zẹkaraia 4:7

Idobo ni ye vbe oke ni yo gha we yo hin odaro ruẹ rre. U gha dọlọ Ọgua Osa bọ. U gha ghi mu ibiriki ne okiekie yọ, emwa hia ghi wee, ‘Imose, imose!’ ”

Matiu 21:42

Jesu tama iran wẹẹ, “Wa ma he tie emwi ne Ebe tae? “ ‘Okuta ne iran ni bọ owa he wẹ ẹ i ma ọre ọ ghi do khian a ma miẹn a i ru. Nọyaẹnmwa ọre ọ ru emwi na, emwi ne ọ yan ọmwa unu uan ọ na khin.’ ”

Iyẹn ne ọ Maan Ọghe Luk 2:32

Uwanmwẹ ne ọ gha ma avbe ni ma yayi odẹ ruẹ, ne ọ gha vbe rhie uyi ne avbe Izrẹl emwa ruẹn.”

Iyẹn ne ọ Maan Ọghe Luk 2:34

Simiọn keghi fiangbe iran, ọ keghi tama Meri ne iye ẹe wẹẹ, “Osanobua zẹ ọmọ na zẹ vbe ọmwa ne emwa eso gha la ekpa ẹre fuan kevbe ne enibun gha la ekpa ẹre miẹn imiẹnfan vbe Izrẹl. Rẹn gha re ama ne ọ ke obọ Osanobua rre, ama ne emwa ni bun gha gbe odan ghe.

Iyẹn ne ọ Maan Ọghe Luk 20:17

Jesu keghi ghe iran, ọ nọ iran wẹẹ, “De emwi ne a ya itan na kha yi i? “ ‘Okuta ne iran ni bọ owa wẹ ẹ i maa Ọre ọ ghi do khian okuta ama miẹn a i ru.’

Iyẹn ne ọ Maan Ọghe Jọn 4:42

Iran tama okhuo nii wẹẹ, “Ẹ i re rhunmwuda ẹmwẹ ne u tae ọre ima na ghi yayi nian, emwi ne ọ ya ima yayi ọrọre wẹ ma tobọ mwa họn ẹmwẹ ne unu ẹnrẹn, ma rẹnrẹn vbe ẹmwata wẹ, rẹn ọrọre Ọmiọnmwafan agbọn.”

Iwinna 26:19

“Erriọ nọ o, Ọba Agripa, I ma fieghe uhunmwu ye ẹmwẹ umian ne ọ ke ẹrinmwi rre ne I miẹn na.

Ebe ne Pọl gbẹẹn gie emwa Rom 10:21

Sokpan ọ ghi ra guan vbe ekpa Izrẹl, ọ wẹẹ, “Ẹdẹ hoho rhurhuurhu ọre I ya viọ obọ da odẹ wẹ ne iran dede ighẹ ẹvbo ne ẹ i họn ẹmwẹ kevbe ne ọ sọtẹ.”

Ebe ne Pọl gbẹẹn gie emwa Rom 15:31

Wa na erhunmwu ne a miẹn mwẹ fan vbe obọ iran ni ma yayi ni rre Judia, kevbe ne iwinna ne I gha winna vbe Jerusalẹm gie iran ne emwa Osanobua ni rre evba rhan obọ miẹn.

II Kọrinti 2:16

Vbe ọghe iran ni ra wiri ua, ẹwia dan ne ọ gbe ọmwa ran nọ, vbe ọghe iran ne a ra miẹnfan, emwi ne ọ winhin nọ rhie arrọọ ne ọmwa nọ. De ọmwa ne ẹtin ẹnrẹn gha sẹ egbe iwinna vberriọ khekherriọ?

Kọlose 2:10

A keghi ru ẹdẹ agbọn uwa enọgbae rhunmwuda ighẹ, wa ya egbe ba irẹn. Obọ irẹn ọre ọ ke ukhunmwu ne avbe orhiọn ẹrinmwi ni dakha kevbe iran ni rre asẹ.

Taitọs 3:3

Rhunmwuda ẹghẹ ọkpa rrọọ ne ima tobọ ima na te vbe kọn, a i họn ẹmwẹ, a keghi vbe ba emwi ku ru. Orriarria kevbe emwi ni rhiẹnrhiẹn ughughan keghi mu ima oghunmwu. A ke gha lo ẹdẹ mwa hia vbe uwu ikhọẹko, kevbe oya ọmwa da ọmwa, emwa eso kegha khu iwu mwa, ma keghi vbe gha khọ ẹko iran.

Hibru 11:31

Iyayi ọre ọ ma gie a gbe Rehab ne ebabotu be emwa ni ma họn ẹmwẹ ne Osanobua, rhunmwuda rẹn keghi miẹn iran ne avbe ọrhẹ yi.

Hibru 4:11

Rhunmwuda ọnii, wa gie ima ziga ne a la owa ya gu Osanobua hẹwẹ. Wa ghẹ gie ima rhọkpa yin ehọ, zẹ vbe ne iran ru ne iran ma na ghi la owa.

I Pita 1:8

Egbe ne uwa ma rhe ya miẹn ọre aro, wa ye ho ẹmwẹ ọnrẹn, egbe ne uwa ma he rhie ye miẹn ọẹn nian, wa ye ya ẹe yi, wa keghi ya ọyẹnmwẹ nọkhua, ọ ghe uyi ne ẹ i gia gie, sẹ ọyẹnmwẹ.

I Pita 2:4

Wa bu Nọyaẹnmwa gha dee, rẹn ne ọ re okuta ne ọ rrọọ, ne iran ne emwa he wẹ, ẹ i mwẹ esa ne ọ ye, sokpan ne Osanobua zẹẹ, zẹ vbe emwi ighobioye.

I Pita 2:8

Ebe ọvbehe keghi vbe kha wẹ: “Ọna ọ re okuta ne emwa gha na gha rrua owẹ, okuta ne ọ gha munọ iran gbe otọ.” Iran rrua owẹ rhunmwuda iran ma ya nene ẹmwẹ yi, ehe ne Osanobua mwamwa iran yi ọre ọnii khin.