I Pita 2:6 - Edo Bible (E Baibol Ẹdo) Version 1996

⁶ Rhunmwuda, ebe kha re wẹẹ, “I hannọ okuta ighobioye ọkpa zẹ nẹ, ne I ya ru okuta ẹyotọ vbe Zaiọn, ekhue i ra mu iran ne ọ ya ẹe yi.”

I Pita 2:6 ပူးပေါင်းရင်းမြစ်များ

Gẹnẹsis 49:24

sokpan uhanbọ irẹn ma bẹghe, a ya ekuabọ iran wegbe vbekpa ẹtin ọghe Osanobua Noghodua ọghe Jekọb, vbe obọ Osanobua nii, ọmwa ne ọ degue Izrẹl.

Psalm 40:14

Te obọ gha ke ukhunmwu ne iran ni ho ne iran gbe mwẹ uan te iro gha han iran. Iran ni ghọghọ ye ọlọghọmwa ne I ye, te a gha khulo iran werriegbe ne avbe fa iran an.

Psalm 89:19

Vbe ẹghẹ ne ọ kpee fua, u tama eguọmwadia ruẹ ni guobọ ruẹ vbe aro umian wẹẹ, “Mẹ rhie iyobọ ne ovbiyokuo ne ọ hin usi nẹ I vbe mu ẹkete nii ne ọmwa ne I hannọ zẹ, vbe uwu avbe emwa nii nẹ.

Aizaia 28:16

Vbe ne Nọyaẹnmwa ne Udazi ghi kha hẹ ọ re ọna khin nian, “I ra mu ẹyotọ ọkpa ne ọ deziẹn kevbe ne ọ wegbe ye Zaiọn. I ra vbe mu okuta ẹyotọ ọkpa ne ọ wegbe yọ, a keghi gbẹnnẹ ẹmwẹ vbenian yan rẹn, ‘Iyayi ne ọ deziẹn, te ọ vbe ziengbe.’

Aizaia 41:11

“Iran ni gu uwa mu ohu gha rẹn emwiekhue a khọn miẹn ọmwa otọ. I ran ni gu uwa gbinna gha wulo.

Aizaia 42:1

E Nọyaẹnmwa khare wẹẹ, “Ọnọna ọrọre ọguọmwadia mwẹ ne I rhie ẹtin ye ọre iwu, ọmwa ne imẹ zẹe, ne ẹko mwẹ vbe rhiẹnrhiẹn ghe. Mẹ ya orhiọn mwẹ vuọn irẹn nẹ, ọ gha rhie ohiẹn ẹmwata la dọmwadẹ uhunmwu ẹvbo.

Aizaia 46:13

Mẹ si ẹdẹ akhọnmiotọ sikẹ otọ nẹ ẹ i ghi ra kpẹe hiehiere. Emwi i ra da akhọnmiotọ mwẹ obọ yi I gha miẹn Jerusalẹm fan, I ghi vbe rhie ọghọ gie ivbi Izrẹl vbe evba.”

Aizaia 50:7

Sokpan ẹbọ iran i miẹn emwi ru mwẹ re rhunmwuda, e Nọyaẹnmwa ne Udazi mudia mẹ. I si aro gba vbe uhunmwu ne I ya ziengbe emwi ne iran ru I rẹnrẹn wẹ efa ira rruan mwẹ.

Aizaia 54:4

Ghẹ fian afianma, a i ghi dọlegbe fa ruẹ ua ọvbehe; ai ghi dọlegbe si ọ kẹ otọ ọvbehe, u gha mianmian uyinmwẹ ama guobọdọ zẹvbe okhuo ọvbokhan. Kevbe ohioro ọbanabe ruẹ zẹvbe okhuo ne ọ degbe.

Zẹkaraia 10:4

Uwu iran ọ re avbe nikhaemwisẹ gha ke zọ ladian, avbe ọkaolotu kevbe ọkaokuo ni iran gha khaemwisẹ yan emwa mwẹ.

Matiu 12:18

“Osanobua khare wẹẹ, ọguọmwadia mwẹ ne I mẹ zẹẹ ọre ọna khin. Ne I ho ẹmwẹ ọnrẹn, ne ọyẹnmwẹ ọnrẹn sẹ mwẹ. I gha gie Orhiọn mwẹ tin yan rẹn, ọ gha wewe ibuohiẹn mwẹ ma uhunmwu ẹvbo hia,

Iyẹn ne ọ Maan Ọghe Mak 12:10

Mẹ yayi ighẹ wa tie ebe na nẹ, ne ọ khare wẹẹ: “ ‘Okuta ne eni bọ ọwa he wẹ ẹ i maa, ọre ọ ghi do khian a ma miẹn a i ru,

Iyẹn ne ọ Maan Ọghe Luk 20:17

Jesu keghi ghe iran, ọ nọ iran wẹẹ, “De emwi ne a ya itan na kha yi i? “ ‘Okuta ne iran ni bọ owa wẹ ẹ i maa Ọre ọ ghi do khian okuta ama miẹn a i ru.’

Iyẹn ne ọ Maan Ọghe Luk 23:35

Emwa mudia gha ghe ẹre vbe avbe eniwanrẹn e Ju yae gbe ogie wẹẹ, “Ọ sẹtin miẹn emwa ọvbehe fan, giee miẹn egbe ẹre fan nian deghẹ rẹn ọre ọ gele re Mẹzaia ne Osanobua zẹ!”

Iyẹn ne ọ Maan Ọghe Jọn 7:38

Zẹ vbene ebe ne ọ huanrẹn khare, ‘Ọmwaikọmwa ne ọ ya mwẹ yi, ẹzẹ amẹ ẹfe gha kpe ke uwu orhiọn rẹn ladian.’ ”

Iwinna 1:16

“Wa ne etẹn mwẹ: Ẹ i mwẹ ne ẹmwẹ ne ebe ta ẹe ghẹ sẹ zẹ vbene Orhiọn Ne Ọ Huanrẹn la unu Devid ta ẹe ye otọ ighe ẹmwẹ Judas ne ọ ma iran ni do mu Jesu odẹ.

Ebe ne Pọl gbẹẹn gie emwa Rom 10:11

Rhunmwuda ebe tae wẹ, “Ọmwaikọmwa ne ọ yaeyi, ẹ i ra gbe I ma rẹn.”

Ẹfisọs 1:4

Vbe a te do yi agbọn, Osanobua hannọ ima zẹ nẹ ne ima gha re ọghe ẹe vbe uwu Kristi, ne ima sẹtin gha re ne ọ huanrẹn kevbe ne ẹ i mwẹ abe vbe odaro ẹre. Rhunmwuda aho ẹmwẹ ọmwa rẹn.

Ẹfisọs 2:20

Wa tobọ uwa, ẹyotọ ne a vbe ukọ kevbe avbe akhasẹ gbe, ọre a bọ uwa yan, okuta ne a bọ ẹe yan keghi re Kristi Jesu tobọ ẹre.

II Timoti 3:16

Rhunmwuda, Osanobua ọre ọ rhie ẹre ye iran ekhọe ighẹ emwa ni gbẹnnẹ avbe Ebe nii hia, ọ keghi vbe re emwi esiesi ne a ya ma emwa emwi ẹmwata ni, ne a ya gbe ọmwa hin ọkhọ rre, ne a ya rhie emwi ne a ma ru ẹse ye vbe ne ọ te kei yi, kevbe ne a ya bu ọmwa ude ne a gha yin ẹse.

I Pita 2:4

Wa bu Nọyaẹnmwa gha dee, rẹn ne ọ re okuta ne ọ rrọọ, ne iran ne emwa he wẹ, ẹ i mwẹ esa ne ọ ye, sokpan ne Osanobua zẹẹ, zẹ vbe emwi ighobioye.

I Pita 2:8

Ebe ọvbehe keghi vbe kha wẹ: “Ọna ọ re okuta ne emwa gha na gha rrua owẹ, okuta ne ọ gha munọ iran gbe otọ.” Iran rrua owẹ rhunmwuda iran ma ya nene ẹmwẹ yi, ehe ne Osanobua mwamwa iran yi ọre ọnii khin.

II Pita 1:20

Vbene ọ rhirhi gha ye hẹ, ke odaro emwi ọvbehe hia, wa ghi ye ọna rre wẹ, orhiọnkpa ne ọ gha sẹtin rhan otọ ẹmwẹ akhasẹ ne ọ rre uwu Ebe ọghe obọ irẹn ọkpa ẹ i rrọọ.

II Pita 3:16

Erriọ ọre ọ wa gbẹn ọẹn vbe ebe ẹre hia ne ọ na guan kan ẹmwẹ na. Ihe eso rre ebe ẹre ne ọ lọghọ, avbe emwa ni re ogboi kevbe ne ọ ma mudia ẹse, ghi gha rhan otọ ọre la odẹ ohoghe, zẹ vbene iran vbe ru ehe ọvbehe hia vbe uwu Ebe. Iran ọ tobọ iran fuẹn egbe iran uan.