I Pita 2:25 - Edo Bible (E Baibol Ẹdo) Version 1996

²⁵ Wa keghi te ye vbe avbe ohuan ni bibi odẹ, sokpan, banbanna nian, a viọ uwa bu Ọsuohuan kevbe Nọgharoghe orhiọn uwa gha dee nẹ.

I Pita 2:25 ပူးပေါင်းရင်းမြစ်များ

Psalm 119:176

I gha bibi yo bibi rre, zẹ vbe ohuan ne ọ wiri, rhunmwuda ọnii, do gualọ mwẹ, mẹ ne ọguọmwadia ruẹ rhunmwuda, I ma fi iyeke gbe uhi ruẹ.

Psalm 80:1

Danmwehọ ima ọmwa Ne ọ huanrẹn Izrẹl họn ọghomwa, we ne ọkaolotu emwa ruẹn wẹ ne ọ tota ye ẹkete ruẹ vbe odukhunmwu avbe aranmwẹ ni zẹ ifuẹn.

Aizaia 13:14

“Avbe orhunmwuyẹn ni rre Babilọn gha lẹ gha rrie ẹvbo iran, iran ghi zagha a vbe ẹrhuẹ ni lẹ ne ohuẹ kevbe avbe ohuan ni i mwẹ ne ọ su iran.

Aizaia 40:11

Ọ gha gbearoghe avbe ohuan rẹn zẹvbe ne ọsuohuan ru. Ọ gha si avbe oteghe ohuan koko, ọ ghi munọ iran ye ekuaobọ ẹre ọ ghi su avbe iye iran hẹnnẹhẹnnẹ.

Aizaia 53:5

Sokpan rhunmwuda orukhọ mwa ọ re a na fian ẹre ẹwẹn, a keghi gbe ẹe rhunmwuda emwi dan ne ima ru. Oya ne irẹn ree ọ re ọ mu ima egbe rran emwi ne a fi irẹn re ọ re ọ sinmwi mwa.

Aizaia 53:6

Ma hia fẹẹrẹ keghi yevbe ohuan ni wiri dọmwadẹ ọghọe kegha khian ọghọe khian. Sokpan e Nọyaẹnmwa keghi kun oya ni yan rẹn oya ne ọ te khẹ ke ima hia.

Jerimaia 23:2

Vbenian, ọ re Nọyaẹnmwa ne Osanobua Izrẹl khare vbekpa ọkaolotu ne ọ te kei ne ọ gha gbearoghe emwa rẹn: “Wa ma gbearoghe emwa mwẹ, wa zagha iran an, wa keghi khulo iran kua. Banbanna nian, I ra do rri uwa oya ye emwi dan ne uwa ru.

Ezikiẹl 34:6

Avbe ohuan mwẹ kegha zozo lele avbe oke ni yo hia kevbe avbe oke nekhua, a zagha iran gba otọe hia, a ma miẹn ọmwa ne ọ gualọ iran, ra ne ọ gualọ iran miẹn.’

Ezikiẹl 37:24

Ọba ne ọ yevbe Devid ne ọguọmwadia mwẹ ghi gha re ọba iran. A gha si iran hia koko ye ototọ enọkhaemwisẹ ọkpa, iran ghi gha ye ekhọekekhọe ya uhi mwẹ ru emwi.

Zẹkaraia 13:7

E Nọyaẹnmwa ne Oghodua khare wẹẹ, “Umozo, rhiọrre, ne u dekun ọsuohuan ne ọ winna mẹ. Gbe ẹe rua, ne u gie avbe ohuan zagha kua, mẹ gha dekun avbe emwa mwẹ,

Matiu 18:12

Vbe uwa ro ẹmwẹ na hẹẹ? Ọmwa ne ọ mwẹ ohuan iyisẹn, deghẹ ọkpa wiri vbọ, de emwi ne ọ gha ru? Te ọ gha sẹ ọkpa i rrọ vbe iyisẹn ni dekẹe rae ye ehe ne iran na rri irunmwu ne ọ ya gualọ ohuan ne ọ wiri nii.

Matiu 9:36

Ugbẹn vbe ọ ghi miẹn avbe emwa ni gbe ẹbu, ekhọe ẹre keghi vuọn ne agiẹngiẹn, rhunmwuda ehia wa khọn yo khọn rre zẹ vbe ohuan ne ẹ i mwẹ nọ suẹe.

Iwinna 20:28

Wa gha gbe aro ghe egbe uwa kevbe ohuan hia ne Orhiọn Ne Ọ Huanrẹn viọ ne uwa gha su, wa gha re ọsuohuan esọsi Osanobua ne ọ ya uwu Ovbi ẹre ya khian oghẹ ẹe.

Hibru 13:20

Osanobua huẹn Nọyaẹnmwa Jesu Kristi kpao vbe idin nẹ, ọmwa ne ọ re Ọsuohuan Nọkhua ọghe avbe ohuan, rhunmwuda uwu ẹre ne a ya yi ile etẹbitẹ nii okhi.

Hibru 3:1

Etẹn mwẹ vbe uwu Kristi, emwa ne Osanobua vbe tie. Wa ghe Jesu ne Osanobua gie ne ọ do gha re Ogie Ohẹn ọghe iyayi mwa.

Hibru 5:2

Rhunmwuda ighẹ odẹ ni bun ọre irẹn ma na gba, rẹn tobọ ẹre ọ ghi gha ye obọ nekhuẹrhẹ mu iran ni ma rẹn ne a ye, kevbe ni ha emwi ku ru.

I Pita 3:20

Ena keghi re orhiọn iran ni ma họn ẹmwẹ ne Osanobua vbe uwu ẹghẹ ne ọ na ya i ziengbe mudia vbe Noa ka okọ. Ibozẹghẹ ni gha rre uwu okọ ni — iran erẹnrẹn nọ, a keghi la ekpa amẹ miẹn iran fan.

I Pita 5:4

Ẹghẹ ne Ogiete iran ne avbe Ọsuohuan gha na ya egbe ladian, ẹde uyi ne ẹ i fafaa, gha sẹ uẹ obọ.