I Pita 2:24 - Edo Bible (E Baibol Ẹdo) Version 1996

²⁴ Kristi tobọ ẹre, ọre ọ ye egbe miẹn orukhọ mwa, ọ keghi ye egbe ẹre muẹn gha rrie ugbugbe, ne ima miẹn ehe na wulo hin orukhọ rre, ne a miẹn ehe na gha yin uyinmwẹ ẹmwata. Ẹwẹn ọghọe, ọre a ya mu uwa egbe rran.

I Pita 2:24 ပူးပေါင်းရင်းမြစ်များ

Gẹnẹsis 22:6

Ebraham keghi mu erhan ne a ra ya zọ ese yan Aizik uhunmwu, sokpan rẹn keghi tobọ ẹre mu erhẹn ẹyin kevbe ọpia. Iran eveva na deyan okhian.

Psalm 147:3

Ọ mu iran ne ekhọe ẹre rhiae egbe rran, ọ keghi vbe gbalọ iran ẹwẹn.

Psalm 38:4

Ẹzẹ esagiẹn orukhọ mwẹ lẹ mwẹ rriẹ ihẹ ọre khua gberra ne a sẹtin mu.

Ẹksọdọs 28:38

Errọn ghi muẹn ye uharo ẹre, odẹ vbenian, ọ ghi rhie abakuru ne ọ rhirhi gha rre avbe emwikemwi ne ivbi Izrẹl ya fi ohan ne imẹ. Te Errọn ra wa gha yọe vbe ẹghẹ hia ne emwi ihaoko nii miẹn ehe na gha yẹ Nọyaẹnmwa. A gha rhe miẹn wẹ iran ma ru emwi ẹse vbe iran ha oko gunmwe.

Itan 20:30

Ugbẹnso, emwi ma kakabọ hie ima aro nẹ, ai sẹtin dọlọ uyinmwẹ yi.

Aizaia 53:11

Ọ gha ghi rrii oya nẹ vbe ẹdẹ agbọn rẹn, ọ gha vbe dọlegbe miẹn ọyẹnmwẹ ọ gha rẹn wẹ rẹn ma rrioya kua kẹkan. ọguọmwadia mwẹ ne ekhọe esi ne ẹko mwẹ rhiẹnrhiẹn ghe. Gha ye egbe miẹn oya emwa nibun, rhunmwuda ẹre, mẹ gha yabọ iran.

Levitikọs 16:22

Ẹwe nii ghi mu orukhọ iran hia; gha rrie otọ ne ẹvbo ma yin.

Levitikọs 22:9

“Avbe ohẹn hia ghi lele emwamwa ne I mu ye otọ. De ghẹ ẹ i re vberriọ iran gha rrie abe, a ghi vbe gbele iran an, rhunmwuda, iran rra uhi emwamwa ne ọ huanrẹn. Mẹ ọ re Nọyaẹnmwa, mẹ ọ re ọ vbe ya iran khian ne ọ huanrẹn.

Malakai 4:2

Wa ghi gha re ne ẹ i mwẹ idobo, ẹko ghi vbe gha sẹ uwa ọyẹnmwẹ zẹ vbe ivbi ẹmila ne a viọ ke uwu ogba ladian.

Nọmbas 18:22

Ivbi Izrẹl i ghi ra dọlegbe gha sikẹ Owa Ukpọn nii ọvbehe ne iran ghẹ gia do gha rri iran oya uwu.

Matiu 27:26

Pailet keghi fan Barabbas fua ne iran, ọ ghi gbe Jesu asan nẹ, ọ keghi rhie ẹre ne iran, ne iran ya kan rẹn mu ugbugbe.

Matiu 5:20

Ne I tama uwa, deghẹ ẹ i re te uyinmwẹ ẹmwata ọwua maa sẹ ọghe avbe ni ma emwa Uhi kevbe Farisi, wa i sẹtin la Arriọba ẹrinmwi.

Matiu 8:17

Jesu ru avbe emwi na, ne ẹmwẹ ne akhasẹ Aizaia tae miẹn ehe na sẹ wẹẹ, “Rẹn tobọre ọre ọ viọ emianmwẹ mwa, ọ keghi vbe viọ ohuẹhuẹ mwa hia gha rrie.”

Iyẹn ne ọ Maan Ọghe Mak 15:15

Pailet keghi ho ne ọ ru emwi ne ogha yẹ iran, ọ na rhunmwuda ọnii fan Barabbas fua ne iran. Ọ ghi wẹ ne iran gbe Jesu asan nẹ, ọ keghi rhie ẹre ne iran ne iran ya kan rẹn mu ugbugbe.

Iyẹn ne ọ Maan Ọghe Luk 4:18

“Orhiọn Nọyaẹnmwa hin yan mwẹ. Ọ zẹ mwẹ nẹ ne I ya kpe orhu Iyẹn Ne ọ maa ma ivbiogue, ọ gie mwẹ ne I ya na iyẹn afanvbirri ma avbe oghunmwu, a dọlegbe bẹghe ne avbe arhuaro, ne afannọ iran na zẹ kpokpo ye otọ,

Iyẹn ne ọ Maan Ọghe Jọn 1:29

Ẹdẹ ghi gbe, Jọn keghi miẹn Jesu vbe ọ bu irẹn dee, ọ na kha wẹẹ, “Wa ghe oteghe ohuan Osanobua ne ọ viọ orukhọ agbọn gha rrie!

Iyẹn ne ọ Maan Ọghe Jọn 19:1

Ẹghẹ nii ọre Pailet ghi na wẹ ne iran ya gbe Jesu asan.

Iwinna 10:35

Ọmwaikọmwa ne ọ mu ohan rẹn, ọ na vbe gha yin ẹse, te irẹn gha rhan obọ miẹn rẹn, ovbi ẹvbo ne ọ rhirhi gha khin.

Iwinna 10:39

Ma ọrọre osẹe emwi hia ne ọ ru vbe ẹvbo avbe Ju kevbe Jerusalẹm. Iran keghi gbe ẹe rua vbe ne iran na ya ise kan rẹn mu ugbugbe.

Iwinna 13:29

Ugbẹn vbe iran ghi ru avbe emwi hia ne Ebe tae vbe ekpa ẹre nẹ, iran keghi mu ẹn tuorre vbe ugbugbe, iran na mu ẹn ye idin.

Iwinna 5:30

Osanobua ọ ghe avbe erha mwa ọre ọ huẹn Jesu kpaegbe vbe idin iyeke vbe uwa kan rẹn mu ugbugbe nẹ, ne uwa na gbe ẹe rua.

Ebe ne Pọl gbẹẹn gie emwa Rom 6:11

Erriọ zẹẹ ọre uwa vbe gha ka egbe uwa ye ni wulo hin orukhọ rre nẹ, sokpan ni rre agbọn ne Osanobua, yaba Jesu Kristi.

Ebe ne Pọl gbẹẹn gie emwa Rom 6:13

Ra ne uwa vbe fan obọ egbe uwa rhọkpa ne orukhọ, ne a gha lo ẹre ye odẹ ọkhọ, sokpan wa fan obọ egbe uwa ne Osanobua zẹ vbe emwa ne a viọ ke uwu ladian la ẹfe nẹ, wa ghi zẹ egbe uwa hia obọ nẹẹn, ne ọ gha lo ẹre ye odẹ ẹmwata.

Ebe ne Pọl gbẹẹn gie emwa Rom 6:16

Rhunmwuda, wa rẹnrẹn wẹ, wa gha zẹ egbe uwa obọ zẹ vbe eviẹn, ne uwa gha ru vbe ne ọmwa ọkpa kha re, eviẹn arowa ne uwa ru vbene ọ kha re ni, ọre uwa gele khin vbe ọ ghe ẹmwata, ọ sẹtin gha re orukhọ ne a miẹn wẹ uwu ọre ọ ke ẹre ikian, ra a họn ẹmwẹ ne a do gha la ekpa ẹre ka ọmwa ye ọmwata vbe odaro Osanobua!

Ebe ne Pọl gbẹẹn gie emwa Rom 6:2

Hiehiere. Ma wu hin orukhọ rre nẹ, vbe a ghi ra na vbe dọlegbe gha yin uyinmwẹ ọnrẹn hẹ?

Ebe ne Pọl gbẹẹn gie emwa Rom 6:22

Sokpan, banbanna nian, a fannọ uwa hin obọ orukhọ rre nẹ, eviẹn Osanobua ọre uwa ghi khin nian, rhunmwuda ọnii ẹdẹ agbọn uwa keghi re ne a ya fiohan nẹẹn, vbe okiekie, wa ghi do gha mwẹ ẹfe ne ẹ fo.

Ebe ne Pọl gbẹẹn gie emwa Rom 6:7

Rhunmwuda, ọmwa gha wu nẹ, a faẹn ye otọ hin obọ ẹtin orukhọ rre.

Ebe ne Pọl gbẹẹn gie emwa Rom 7:6

Vbene ọ rhirhi gha ye hẹ, vbe banbanna nian, ma i ghi rre obọ nene Uhi, rhunmwuda, ma wulo hin emwi ne ọ te ka munọ ima zẹ vbe oghunmwu yi, rre nẹ. ma i ghi lele oba uhi nẹdẹ ne a gbẹnnẹ ye otọ ru emwi, sokpan, ọ ghe odẹ ọgbọn ne Orhiọn khare.

I Kọrinti 15:3

Emwi ne imẹ miẹn rhie ọre I vbe na rhie sẹ uwa obọ, emwi ne ọ wa vbe re emwi kpataki ẹsẹse wẹ Kristi wu ba ẹmwẹ orukhọ mwa zẹ vbene a gbẹn ọẹn ye Ebe.

II Kọrinti 6:17

Rhunmwuda ọnii, Nọyaẹnmwa keghi kha wẹ, “Wẹ kpao sẹ iran rae, Wa wannọ egbe hin uwu iran rre. Wa ghẹ mwẹ obọ vbe emwi ne ọ ma huan mẹ gha rhan obọ miẹn uwa.

Galatia 3:13

Sokpan, rhunmwuda ne Kristi na rhunmwuda mwa khian ne a fi ẹre unu, ọ keghi fannọ ima kua vbe obọ ifi unu ne ọ ke obọ nene Uhi rre. Zẹ vbene ebe kha re, “Ọmwaikọmwa ne a sirrọ ye uhunmwu erhan, khian ne a fi ẹre unu.”

Ẹfisọs 5:9

Rhunmwuda, uwanmwẹ ọre ọ rhie otọ ne avbe emwi esi, vbene umamwẹ, emwi ne ọ gbae kevbe ẹmwata ye, ne a mọ ọmọ wọrhọwọrhọ.

Filipai 1:11

Ẹdẹ agbọn uwa ghi do vuọn ne avbe emwi ne ọre ne ọ maa, ọghe ẹmwata ne a ghe ginna ọmwa, ne Jesu Kristi ọkpa sẹtin rhie ladian ne uyi kevbe urhomwẹ Osanobua.

Kọlose 2:14

Ọ keghi khiẹn ẹnrẹn uan ighẹ ebe ne a te ya gbẹnnẹ osa ne ima re ye ima urhu, ke ẹe kevbe ilele ne a te ya gbalọ mwa, ọ keghi wa wabọ ẹre ua fẹẹrẹ, vbe ekpa ne ọ na kan rẹn mu ugbugbe.

Kọlose 2:20

Wa deba Kristi wu nẹ, a keghi vbe fannọ uwa ye otọ vbe obọ avbe orhiọn ne ẹrinmwi, ni khaemwisẹ vbe ideghedeghe agbọn vbe ẹrinmwi. Vbọzẹ ne uwa na ruemwi yi zẹ vbene a miẹn wẹ ọghe agbọn na ọ re uwa ye khin? Vbọzẹ ne uwa na ye avbe uhi nii ru emwi yi, ni kha re wẹ,

Kọlose 3:3

Rhunmwuda, wa wulo nẹ, a keghi vbe rhie arrọọ ọwua lẹre ba Kristi vbe uwu Osanobua.

Hibru 10:10

Rhunmwuda wẹ Kristi ru zẹ vbene Osanobua ho ne ọ ru, ma keghi khian ne a khuẹ hin orukhọ ima ne, rhunmwuda ese ne ọ ya egbe ẹre zọ uhukpa ne ọ fo vbe otọ.

Hibru 10:5

Ọna ọre ọ si ẹe ne a na miẹn wẹ ugbẹn vbe Kristi ghi ra gha die agbọn, ọ keghi kha wẹẹ, “Wẹ i gualọ ese ra emwi imuohan aranmwẹ, sokpan, wẹ ru egbe ọkpa ye otọ mẹ nẹ.

Hibru 12:13

Wa gha la odẹ ne ọ diae khian, ne owẹ arọe nii ghẹ wa khian ne ẹ i ghi mwẹ vbe ọ gie a ya ru sokpan, ne ọ khian ne a mu ẹre egbe rran.

Hibru 7:26

Rhunmwuda ọnii nian, Jesu ọrọre Ogie Ohẹn ne ọ sẹe ne a gha ye enegbe mwa yan! Ọmwa ne ọ huanrẹn nọ, rẹn i mwẹ a baku ru ra orukhọ vbe obọ ẹre, a wannọ ẹn ye efẹn ọkpa hin ehe ne emwa orukhọ ye rre, a keghi vbe tọn ẹn mu yo sẹ a vbe ẹrinmwi.

Hibru 9:28

Erriọ vbe nọ zẹẹ, a keghi ya Kristi zọ ese uhukpa, ne ọ viọ orukhọ emwa ni bun gha rrie. Ọ gha ye vbe ya egbe ladian uhukpa, ẹ i ghi re ne ọ do guan ye ẹmwẹ orukhọ, sokpan ne Ọ do miẹn iran fan ighẹ avbe emwa ni mudia khẹ ọre.

Jems 5:16

Rhunmwuda ọnii, wa gha miẹn orukhọ uwa kue ma egbe, wa ghi vbe gha na erhunmwu ne egbe. Ne egbe miẹn ehe na rran uwa. Erhunmwu ọmwa ẹmwata wa mwẹ ẹtin ne a ya winna iwinna ẹtin ẹsẹse.

I Jọn 2:29

Wa rẹnrẹn wẹ, ọmwata ọre Kristi khin, rhunmwuda ọnii, ọ kere ne uwa rẹn khekherriọ wẹ, ọmwaikọmwa ne ọ ru emwi emwata, ovbi Osanobua nọ.

I Jọn 3:7

Emọ, wa ghẹ gie ọmwaikọmwa mu uwa rẹrẹ, ọmwaikọmwa ne ọ ru emwi ne ọ kere, ọmwa ẹmwata nọ zẹ vbene Kristi vbe re ọmwa ẹmwata.

Arhie Maan 22:2

Ọ keghi lẹ la adesẹneva ukpo ọghe ẹvbo ni. Vbe obọ eva ọghe ẹzẹ nii, erhan ẹfe keghi rrọọ, igba iweva ọre ọ mọ vbe ukpo, uhukpukpa vbe uki, ebe ẹre keghi re ne a ya mu agbọn ẹvbo egbe rran.